Matius 5:29 - Muna Southern Dialect

²⁹ Ane matamu suana naehabuangko dhosa, sungkie maka ohoe! Naetaa mobunto sembali bhe nasumangka mbadhamu, tamaka daꞌumohoko weo narakaa.

Matius 5:29 Iomraidhean Croise

Matius 10:28

Koise moteꞌiomu ne mie mepongkono mbadha tamaka miina dakokuasa daepongko alusu. Ampamo kaowu moteꞌiomu ne Anoa kokuasano fofobinasano naetaa alusu naetaa mbadha weo narakaa.

Matius 11:6

Dokodawua mpuu mie tapa mongaheꞌi kanau hampano kandidikino lalo.”

Matius 16:26

O ae fahalaano seemie manusia naeꞌawa kosasawiꞌae kahangkaeano dhunia ini tamaka namiinae inawano? Nalumoliane ae bhahaa inawano maitu?

Matius 17:27

Tamaka koemo dofekalea lalondo. Dadiꞌanomo kala mekabua kaita we teꞌi. Kenta kabhao-bhaono so nepoolimu, hakoe maka weo wobhano mewoha dhoi pera nakumapomo so sewanto dahodua. Ala dhoi aitu maka tanduao kaita sewano Lambuno Lahataꞌala ne andoa maitu.”

Matius 19:12

Nandoo mie tapa membaliꞌano dogaa, mbaꞌinomo dolente ingka pedamo naꞌa. Nandoo dua, mbaꞌinomo dohabue mie bhaindo. Nandoo dua dopoindalo wutondo miina dagumaaꞌa mbaꞌinomo Kafopahintaꞌano Lahataꞌala. Laꞌae so moolino lumosangino pugauku ini, naetaa nalumosangie!”

Matius 23:15

Balaamoomu, pande-pande Kitabi bhe miendo Farisi, hintimiu mie mehaaꞌulano, kapaꞌamo mebhosekiomu teꞌi bhe mepalintangianeomu wite so kaowu mefopesuaꞌaoꞌomu naseemie weo agamamiu; tamaka sapesuano habuemoomu so mieno narakaa, kadaino podiuno sangke haa paku bhe podiumiu.

Matius 23:33

Hintimiu ule, sampuꞌando ule modai! Koe fehoo-hooꞌomu lumapaomu ne kahukumuno narakaa.

Matius 5:22

Tamaka ambaku Idi, laꞌae umamahano ne bhahitieno tetewei dahumukumue. Laꞌae mugauno ne bhahitieno, ‘Hintu itu kaafihi!’ tetewei dabhitahakie Sahano Agama. Laꞌae mugauno, ‘Hintu itu notolau kabhohemu!’ tetewei daꞌumohoe weo efino narakaa ngkalai-laiꞌano.

Matius 5:30

Ane limamu suana naehabuangko dhosa, totoe maka ohoe! Naetaa kolima sembali bhe nasumangka mbadhamu, tamaka mesua narakaa.

Markus 8:36

O ae fahalaano seemie manusia naeꞌawa kosasawiꞌae kahangkaeano dhunia ini, gahaꞌa inawano nabinasa?

Lukas 12:5

Amohatoangkoeꞌomu so nemoteꞌimiu. Moteꞌiomu Lahataꞌala, kapaꞌamo pada nofopongko, nokokuasa dua nofoꞌoho we narakaa. Kotu-kotuꞌu amohatokoomu moteꞌiomu ne Anoa.

Roma 6:6

Ingka dopandeꞌaanemo, kamanusianto ngkodauꞌano dopongkoemo te sau salipu poowa bhe Kristus, neanomo kuasano dhosa ne mbadhanto nahumansurumo. Dadiꞌanomo paemo namobhatua kaita dhosa.

Roma 8:13

Ane dumadi mangkafiomu kapoindalono mbadha, tetewei momateomu, tamaka ane bhe kuasano Rohino Lahataꞌala ⸤ sadhia⸥ mongkoeꞌomu sabhaha habu modaino mbadha, tetewei dumadiomu.

1 Korintus 9:27

Idi akanea wutoku: miina aooloanea uluku, afobhatua mbadhaku, neanomo namada aefolele Bhihita Metaa ne mie bhaiku, pae damolimba kanau ne potandingiꞌa.

Galatia 5:24

Mie membalino fehebuaꞌano Kristus Yesus, kapoindalono mbadhano padamo dofekamatee te sau salipu, maꞌanano sabhaha nafusuu bhe kapoindalono kamanusiano dosobuemo.

Kolose 3:5

Dadiꞌanomo fekamateeꞌomu weo totono lalomiu sabhaha fekihino dhunia: podiu tampahasa bhe pokahaku, o nafusuu bhe kapoindalo modai bhe kakadau-dau, kapaꞌamo o kakadau-dau ini ingka nopototo bhe desombai barahala.