Matius 5:22 - Muna Southern Dialect

²² Tamaka ambaku Idi, laꞌae umamahano ne bhahitieno tetewei dahumukumue. Laꞌae mugauno ne bhahitieno, ‘Hintu itu kaafihi!’ tetewei dabhitahakie Sahano Agama. Laꞌae mugauno, ‘Hintu itu notolau kabhohemu!’ tetewei daꞌumohoe weo efino narakaa ngkalai-laiꞌano.

Matius 5:22 Iomraidhean Croise

Matius 10:17

Ampamo kaowu kodhagaomu ne mie, kapaꞌamo dahumakokoomu bhe damowakoomu ne Sahano Agama. Dahumambisiangkoomu habuta weo lambu kasambaheaꞌando.

Matius 10:28

Koise moteꞌiomu ne mie mepongkono mbadha tamaka miina dakokuasa daepongko alusu. Ampamo kaowu moteꞌiomu ne Anoa kokuasano fofobinasano naetaa alusu naetaa mbadha weo narakaa.

Matius 12:24

Tamaka dofetingke amaitu, miendo Farisi dopugaumo ambado, “Kaembaliꞌano mie aini nefolimba seetani hampano nopake kuasano Beelsebul, Kafeompuꞌando seetani.”

Matius 17:5

Tangasano Petrus nopugau, tanosikaolumidamo olu nentalea sepaliꞌa. Nomaiꞌao weo olu naꞌa notifetingkemo suaha ambano, “Ainimo Anaku timoasiꞌaono, neposahasiꞌaono laloku, fetingkeeꞌomu pugauno.”

Matius 18:21

Pada anaꞌa nomaimo Petrus maka nofeena ne Yesus ambano, “Ompu, ane bhahitieku nokokaꞌala ne idi, ampa fee paku bhahaa amaꞌafuane? Ampa fitu paku bhahaa?”

Matius 18:35

Pedamo anaꞌa Amaku te surugaa nahumabukoomu, ane paise maꞌafuꞌaoꞌomu bhahitiemiu weo kawolono lalomiu.”

Matius 23:15

Balaamoomu, pande-pande Kitabi bhe miendo Farisi, hintimiu mie mehaaꞌulano, kapaꞌamo mebhosekiomu teꞌi bhe mepalintangianeomu wite so kaowu mefopesuaꞌaoꞌomu naseemie weo agamamiu; tamaka sapesuano habuemoomu so mieno narakaa, kadaino podiuno sangke haa paku bhe podiumiu.

Matius 23:33

Hintimiu ule, sampuꞌando ule modai! Koe fehoo-hooꞌomu lumapaomu ne kahukumuno narakaa.

Matius 25:41

Pada anaꞌa napugaumo dua ne mie we kemano, ‘Gampiomu maiꞌao ne wiseku ini, hintimiu mie nekangkanaino balaa! Pesuaꞌomu weo efino narakaa tapa mopoopeono ampa suhue dhamani, toka nefontaa-ntaa so Kafeompuꞌando seetani bhe malaꞌekati sabhangkaꞌino.

Matius 26:59

Neangkaꞌindo imamu bhe kosasawindo Sahano Agama deꞌondofi tingku pata kumotuꞌu, nomudaꞌao dabhotusi damongko Yesus.

Matius 3:17

Tanotifetingkemo dua suaha nomaiꞌao te lani ambano, “Ainimo Anaku timoasiꞌaono, neposahasiꞌaono laloku.”

Matius 5:34

Tamaka ambaku Idi, koise sepaliꞌa podhandi bhe femata putae nandoo bhe foꞌondo-ondono, ibahano nandoo bhe lani foꞌondo-ondono, kapaꞌamo lani kaengkohaꞌano Lahataꞌala.

Matius 5:44

Tamaka ambaku Idi, moasianda kaewamu bhe sambaheaꞌanda mie modee-deeko.

Markus 14:55

Neangkaꞌindo imamu bhe kosasawindo Sahano Agama deꞌondofi sakusii so sumangkatie, nomudaꞌao dabhotusie damongkoe, tamaka miina daeꞌawaa.

Markus 15:1

Nohaha kamentae neangkaꞌindo imamu, kamu-kamungkulaꞌi, pande-pande Kitabi bhe kosasawindo Sahano Agama noseꞌisemo fekihindo. Yesus dotapuemo maka doowae ne wiseno Pilatus.

Lukas 12:5

Amohatoangkoeꞌomu so nemoteꞌimiu. Moteꞌiomu Lahataꞌala, kapaꞌamo pada nofopongko, nokokuasa dua nofoꞌoho we narakaa. Kotu-kotuꞌu amohatokoomu moteꞌiomu ne Anoa.

Lukas 22:66

Hato nomentae dosihompumo kamu-kamungkulaꞌindo Yahudi, neangkaꞌindo imamu bhe pande-pande Kitabi maka doowa Yesus te wiseno Sahano Agama.

Yohanes 11:47

Dadiꞌanomo neangkaꞌindo imamu bhe miendo Farisi dofohompumo Sahano Agama bhe dopugau ambado, “Daeafaꞌimoomu bhahaa? Ingka mie amaitu nobhahi sepaliꞌa nehabu tanda timenteꞌaono.

Yohanes 15:25

Ampamo kaowu tetewei peda anaꞌa, nokoꞌulaꞌao bhoasao tibuhino weo Kitabino Musa, ‘Andoa dobansi kanau miina bhe tingkunoa.’

Yohanes 7:20

Mie bhahi dotobhoosi ambado, “Ingka mobheemo, laꞌae bhahaa so mongkoko?”

Yohanes 8:48

Dotobhoosimo miendo Yahudi ne Yesus ambado, “Ingka nokotuꞌumo pugau mania, hintu itu miendo Samaria nopesuakikomo seetani.”

Tula-tulando rasulu 17:18

Nandoo seemie hodua mie moꞌosano fekihi maiꞌaono ne walakando Epikuros bhe Stoa dopuga-pugau dua bhe anoa. Nandoo mugauno ambado, “Napugauꞌao ae bhahaa mie pande gau maitu, kabhahino wambano!” Tamaka ambado dua sigaoꞌano, “Kao-kaomo nehatoꞌao kafoguhuno dewando koliwuno.” Kapugauꞌando peda maitu mbaꞌinomo netula-tulaꞌao Yesus bhe kawanuꞌando mie mate.

Tula-tulando rasulu 22:30

Mahinggamo peda maitu, panglima naꞌa gaonoa namandeꞌaane mpuu o ae kaꞌalano Paulus nesungkuꞌaondo miendo Yahudi. Dadiꞌanomo hato nomentae notududamo damolimba Paulus maiꞌao we katitaangiꞌano maka nopahintangi neangkaꞌindo imamu bhe kosasawindo Sahano Agama dahumompu. Paulus noowaemo te wisendo andoa maitu.

Tula-tulando rasulu 23:1

Paulus notonto Sahano Agama maitu maka nopugau ambano, “Bhahitieꞌiku, weo dadiku ampa seꞌoleo itu totono laloku nandoo nongkilo ne wiseno Lahataꞌala.”

Tula-tulando rasulu 24:20

Tamaka hunsaꞌaonomo andoa humatono ini daobhie kanaumo aitua, bhahaꞌi habu modai medano ae neꞌawando, wakutuuno dobhitahaki kanau Sahano Agama.

Tula-tulando rasulu 4:15

Pada aitu kohoduando dotududa dalumimba, maka dopugau-gau ambado,

Tula-tulando rasulu 5:21

Andoa doangkafi pahintano malaꞌekati naꞌa. Nandoo sanimentae dokalamo we Lambuno Lahataꞌala maka dotanda dofoguhu mie ne itu. Wakutuu aitu dua Imamu Bhalano bhe mangkafie defokonandoomo hompuꞌando Sahano Agama bhe kamungkulaꞌindo Yahudi. Dohompu kaowu, detudumo mie dakumala daꞌumulei rasuluꞌi we katohongku.

Tula-tulando rasulu 5:27

Kohoduando doowada ne wiseno Sahano Agama. Imamu Bhalano nofee-feenadamo ambano,

Tula-tulando rasulu 6:12

Pedamo naꞌa andoa dewudhu mie bhahi, kamungkulaꞌi, bhe pande-pande Kitabi, maka dohako Stefanus. Lasao dobulue ne wisendo Sahano Agama.

Tula-tulando rasulu 6:15

Kosasawindo mie mengkohano weo hompuꞌa maitu dotonto Stefanus, gahaꞌa dowoha ulano pasae ulano malaꞌekati.

Tula-tulando rasulu 7:37

Anoamo dua ini mugauno ne miendo Israel, ‘Namada kaowu Lahataꞌala naefoeheangkoomu seemie anabii peda idi ini namaiꞌao ne bhahitieꞌimiu.’

Roma 12:10

Mpuu-mpuunieꞌomu pomoni-pominiꞌao peda mie sibhahi-bhahitieno; fosibhalaomu mie bhaimiu nalumiuꞌe kafosibhala ne wutomiu.

1 Korintus 6:10

kasoꞌo, mie kumadau-dauno, mempohoꞌuno, mie foꞌumbuno, bhe fobhohe-bhoheꞌino saneamo so pata mealano dawu weo Kafopahintaꞌano Lahataꞌala.

1 Korintus 6:6

Noafa bhahaa seemie bhahitie marasaeano nobhieꞌao dua bhahitieno, gahaꞌaitu so fobhitahakino mie pata marasaeano ⸤ ne Kristus⸥ ?

1 Tesalonika 4:6

Weo diu nepulaoꞌaoku ini, koise dua kokaꞌalaomu ne bhahitiemiu tawa bhohe-bhoheꞌieꞌomu. Ingka endefiꞌini padamo tafodhagakoomu putae Ompu nahumukumu mehabuno kaꞌala medando naꞌa.

Titus 3:2

Fohatoda dua koise dofoꞌumbu, koe dopotaga-tagali, tamaka dapometaa bhe damotiwoha kamaluno lalondo ne sabhaha mie.

Ibrani 12:25

Dadiꞌanomo posiꞌondoomu, koe sampe mokiido metingkeomu kobhoasaono itu. Ane mie tapa metingkeno meowano bhihitano Lahataꞌala ne dhunia, miina damooli dalumapaa ne kahukumu, bhemo toha intaodiomu metingkeno kobhoasaono maiꞌaono te surugaa. Ane dokiido dametingkeeꞌomu, ingka tetewei paise dalumapaomu ne kahukumu.

Ibrani 5:9

Nosangka kaowu dadino, Yesus nembalimo meowano kasalamati suhue dhamani so kosasawindo mie meangkano ne Anoa.

Yakobus 2:20

Ingka mobhoheomu gahaꞌa! Gaomiu bhahaa amaꞌangkoomu bukutii putae kaparasaea tapa seowaꞌano bhe habu ingka nosia-sia?

Yakobus 3:6

O lelantoomu nopototo bhe efi. Ne olotando sabhaha katokano mbadhantoomu, o lela mbalimo kamaiꞌaoꞌano kuasa modai, sampe kadaino naꞌa nokabhinti dadinto. Pugaunto nembali nodai-dai dadinto, tapedamo efino narakaa noangka ne lela nofekamena kosekawantaꞌae dadinto.

1 Petrus 2:23

Ane dofeꞌawutie, anoa miina nafofeꞌawuti. Wakutuuno dofodee-deeꞌe, miina nafonantiꞌao, tangkanomo bhahi-bhahiꞌae nofosipulie ne Lahataꞌala, Fobhitahakino umadhilino.

1 Petrus 3:9

Kadai koise bhoosianeomu kadai, feꞌawu koise tobhoosianeomu feꞌawu, tamaka mesaloomu kabarakatino Lahataꞌala so mie aitu. Kapaꞌamo dadimo medano aitu katibhasiꞌamiu, somo meꞌawaꞌaoꞌomu kabarakati.

1 Yohanes 2:9

Laꞌae pugauno neate ne mentaleaꞌano tamaka nobansi bhahitieno, mie aitu sadaa-daaꞌe neate weo kahohondo.

1 Yohanes 3:10

Mie tapa mangkafino kapoindalono Lahataꞌala bhe tapa moasiꞌaono bhahitieno, suano anaꞌino Lahataꞌala. Ainiꞌaemo poꞌalaꞌano anaꞌino Lahataꞌala bhe anaꞌino Kafeompuꞌando seetani.

1 Yohanes 5:16

Ane wohaomu bhahitiemiu nehabu dhosa tapa meowano mate, naetaa mesaloaneomu ne Lahataꞌala maka dadi aitu sumuli namaꞌane. Nepulaoꞌaoku ini o dhosa tapa meowano mate. Kapaꞌamo nandoo o dhosa meowano mate, so dhosa pedando ini miina apugauangkoomu sumambahaeꞌomu ne Lahataꞌala.

Yudas 1:9

Mahinggamo Mikael neangkando malaꞌeakati, miina nahumabu peda maitu. Wakutuuno nopotagali bhe Kafeompuꞌando seetani bhahaꞌi laꞌae so malano maeatino anabii Musa, Mikael miina naokadoa namekaꞌaebu Kafeompuꞌando seetani naꞌa. Ampamo kaowu tanopugaumo ambano, “Lahataꞌala so umamahakiko!”

Powoha 20:14

Pada aitu o mate bhe dhuniano mate doꞌohoda weo kantobhano efi bhalano. Anoamo maitu mate kahaa pakuno.