Matius 5:11 - Muna Southern Dialect

¹¹ Kodawuaꞌomu, ane damewambakikoomu, damodee-deekoomu bhe daꞌumumbuangkoomu modaiꞌano hampano angkafiomu Idi.

Matius 5:11 Iomraidhean Croise

Matius 10:18

Hintimiu datumondakoomu ne wiseno kabhalano liwu bhe kafeompuꞌa mbaꞌinomo kaparasaeamiu ne Idi. Aini somo katolalamiu membaliomu sakusiiku ne andoa bhe mie tapaꞌo mandeꞌaono Lahataꞌala.

Matius 10:22

Hintimiu ini dabansikoomu sabhaha mie mbaꞌinomo neaku. Tamaka so kosabahano napotaami ampa namalusi, damosalamatida.

Matius 10:25

Naetaamo seemie anaguhu napototo bhe guruno, bhe seemie bhatua napototo bhe kafeompuꞌano. Ane kolambuno dakumonaemo Beelsebul ⸤ maꞌanano Kafeompuꞌando seetani⸥ , bhemo toha mie weo lambuno; ingka dawambakianda sabhaha modaiꞌano.

Matius 10:39

Laꞌae so potaamiꞌano inawano, namiinae inawano. Tamaka laꞌae miinaeno inawa mbaꞌinomo noangkafi Idi, tetewei namehapi dadi mpuuno.

Matius 19:29

Pakade kotika humunsano lambuno, bhahitieno namoꞌane nahobhine, inano bhe amano, anaꞌino tawa kaampono mbaꞌinomo noangkafi Idi, nasumuli naeꞌawa namoꞌono lentuꞌa bhe naeꞌawa dua dadi suhue dhamani.

Matius 24:9

Humato anaꞌa dahumakokoomu, maka damowakoomu ne limando mie so modee-deekoomu maka damongkokoomu. Kosasawindo bansano liwu dabansikoomu mbaꞌinomo membaliomu anaguhuꞌiku.

Matius 27:39

Mie lumalono ne itu dofekaꞌaebue bhe dofoule-ule fotundo,

Markus 13:13

Hintimiu ini dabansikoomu sabhaha mie hampano neaku. Tamaka ane dakosabaha dapotaami ampa namalusi, dasumalamati.”

Markus 13:9

Tamaka hintimiu ini posiꞌondoomu! Mada kaowu dahumakofikoomu maka dabhitahakikoomu Sahano Agama. Damepekikoomu weo lambu kasambaheaꞌa. Pakade damowakoomu ne wisendo kafeompuꞌa bhe omputo, hampano membaliomu anaguhuꞌiku. Aini seꞌise dua katolala membaliomu sakusiiku ne wisendo.

Markus 4:17

Ampamo kaowu bhoasao aitu miina nakopahakaa weo totono lalondo, sampe miina natumahaa. Sadeꞌawa kasabha bhahaꞌi kakadee-dee mbaꞌinomo doangkafi bhoasao aitu, lasao dohunsae kaparasaeando.

Markus 8:35

Kapaꞌamo laꞌae mongaheno namate, tetewei namate; tamaka laꞌae mateno mbaꞌinomo noangkafi Idi bhe Bhihita Metaa, anoamo itu so dumadino.

Lukas 21:12

Ampamo kaowu paeꞌo nakumadhadhia kosasawiꞌae naꞌa, dahumakokoomu maka damodee-deekoomu, dabhitahakikoomu weo lambu kasambaheaꞌa bhe datumohongkukoomu. Datumondakoomu ne wisendo kabhalano liwu bhe kafeompuꞌa mbaꞌinomo kaparasaeamiu ne Idi.

Lukas 21:17

Hintimiu dabansikoomu sabhaha mie hampano kaparasaeamiu ne Idi.

Lukas 6:22

Kodawua mpuu ane dabansikoomu mie bhaimiu, ane dagumihasikoomu tawa dabihidhingikoomu bhe dasumambili neamiu ne modaiꞌano hampano mangkafiomu Anano Manusia.

Lukas 9:24

Laꞌae so potaamiꞌaono inawano, namiinae inawano. Tamaka laꞌae miinaeno inawa mbaꞌinomo noangkafi Idi, tetewei namehapi dadi mpuuno.

Yohanes 15:21

Kosasawiꞌae naꞌa dahumabue ne hintimiu hampano hintimiu anaguhuꞌiku, kapaꞌamo miina damandeꞌaanea Tumudu kanau.

Yohanes 9:28

Gahaꞌa tadofeꞌawuti bhe dopugau ambado, “Hintu kaowu anaguhuno mie anaꞌa, insaodi ini anaguhuno anabii Musa.

Tula-tulando rasulu 9:16

Idi amotiwohaane kabhahino kakadee-dee so nenamisino mbaꞌinomo neaku.”

Roma 8:36

Notibuhi weo Kitabi peda aini, “Hampano Hintu taewiseki mate suhue oleo, dokona kainsami dhumba so nesumbele.”

1 Korintus 4:10

Insaodi taobhohe hampano Kristus, tamaka ⸤ ambamiu⸥ hintimiu pandeomu weo kaparasaea ne Kristus. Insaodi taonale, tamaka ⸤ ambamiu⸥ hintimiu moꞌosaomu. Insaodi dobihidhingi kainsami, tamaka ⸤ ambamiu⸥ hintimiu dofosibhalakoomu.

2 Korintus 4:11

Maꞌanano, weo dadi mani ini sadhia taewiseki balaano mate hampano Yesus, neanomo dadino Yesus natiwoha dua weo mbadha kasara mani.

Filipi 1:29

Kapaꞌamo Lahataꞌala padamo nowaꞌangkoomu rahamati suano kaowu marasaeaꞌomu, tamaka dua menamisiomu kakadee-dee so Kristus.

1 Petrus 2:23

Ane dofeꞌawutie, anoa miina nafofeꞌawuti. Wakutuuno dofodee-deeꞌe, miina nafonantiꞌao, tangkanomo bhahi-bhahiꞌae nofosipulie ne Lahataꞌala, Fobhitahakino umadhilino.

1 Petrus 4:14

Ane dowambakikoomu mbaꞌinomo angkafiomu Kristus, kodawuaꞌomu. Ingka nokomaꞌanaꞌao Rohino Lahataꞌala kumalabhiano neate weo totono lalomiu.

Powoha 2:3

Hintimiu sadaa-daa sabaha potaamiomu weo kakadee-dee hampano neaku, miina mepandeꞌaoꞌomu kawule angkafi kanauꞌomu.