Matius 4:7 - Muna Southern Dialect

⁷ Yesus notobhoosie ambano, “Notibuhi dua weo Kitabi, ‘Koe sobaea Ompu Lahataꞌalamu!’ ”

Matius 4:7 Iomraidhean Croise

Matius 21:16

Dopugaumo ne Yesus ambado, “Fetingkee bhahaa pugaundo kaana-anaꞌi ini?” Ambano Yesus, “Afetingkee. Miinaꞌo basaeꞌomua gahaꞌa aeati peda aini, ‘Padamo mefontaa-ntaa kaana-anaꞌi bhe anaꞌi nandoo tumitino so mefoampeno lagu-lagu kapudhi.’ ”

Matius 21:42

Ambano Yesus, “Miinaꞌo basaeꞌomua gahaꞌa tibuhino weo Kitabino anabii peda aini, ‘Kontu neꞌohondo mefelambuno, gahaꞌa nembalimo sandi bhalano. Kapedaꞌano naꞌa hampano kuasano Ompu, wohaꞌano giu timenteꞌaono.’

Matius 4:10

Yesus tanotobhoosi ambano, “Gampimo, seetani! Kapaꞌamo notibuhi, ‘Taohao sombamu ne Ompu Lahataꞌalamu, ampamo kaowu Anoa so nefeompuniꞌimua!’ ”

Matius 4:4

Yesus tanotobhoosi, “Nandoo notibuhi weo Kitabi, ‘Suano kaowu taꞌo roti kaoꞌuhiꞌando manusia, tamaka o ae nekobhoasaono Lahataꞌala doꞌuhiane dua.’ ”

Lukas 4:12

Yesus notobhoosimo ambano, “Nandoo bhoasaono Kitabi, ‘Koe sobaea Ompu Lahataꞌalamu.’ ”

Tula-tulando rasulu 15:10

Dadiꞌanomo, noafa solo-soloꞌaoꞌomu Lahataꞌala? Noafa fewowoꞌoniandaomu wowoꞌo pata nepoolindo awuaꞌintoomu bhe intaodiomu dua?

Tula-tulando rasulu 5:9

Ambano dua Petrus, “Noafa gahaꞌa hintu bhe moꞌanemu pokanagauꞌaoꞌomu solo-soloomu Rohino Ompu? Ondoda, mie kaneꞌo maiꞌaono kumobuhuno moꞌanemu, deehe-ehemo ne wobhano fointo. Aitu datumongkumo dua hintu.”

1 Korintus 10:9

Koise dosolo-soloomu Ompu peda nehabundo seemie hodua ne olotando andoa naꞌa, sampe domate dotitida ule kobisa.

Ibrani 3:9

⸤ Ambano Lahataꞌala,⸥ ne naꞌa awuaꞌimiu dosolo-solo bhe doꞌudhi kanau, mahinggamo dowohae nehabuku kaomponano fato fulu taꞌu.