Matius 4:24 - Muna Southern Dialect

²⁴ Bhihitano Yesus ini nokolelemo ne kosekaꞌewaꞌae kadieno Siria, sampe deowaꞌianemo mie menamisino sabhaha saki, kakadee-dee bhe kadaino namisi, mie nepesuakino seetani, mate manuno bhe mokaluno. Kosasawindo naꞌa nofekaꞌosada.

Matius 4:24 Iomraidhean Croise

Matius 12:22

Pada anaꞌa deowaanemo seemie nepesuakino seetani. Mie anaꞌa nobunto bhe nobhea. Yesus nofekaꞌosae sampe nembalimo nopugau bhe nofowohamo.

Matius 14:1

Wakutuu anaꞌa Herodes, kolaki we kadieno Galilea, nofetingke dua bhihitano Yesus.

Matius 15:22

Ne itu nomaimo hobhine miendo Kanaan ⸤ suano miendo Yahudi⸥ meateno ne itu bhe nokei ambano, “Mobhela kanau lalo, Ompu sampuꞌano Daud, anaku hobhine nopesuakie seetani nokadee-deemo sepaliꞌa.”

Matius 17:15

Ambano mie anaꞌa, “Ompu, aesalo kabhelano lalomu ne anaku. Anaku nomate manu, nokadee-dee sepaliꞌa. Nentelamo nondawu weo efi, nentelamo dua weo oe.

Matius 17:18

Dohatoane kaowu, Yesus nohandapimo seetani ⸤ mesuakino anaꞌi⸥ aitu, gahaꞌa lasao nolimba maiꞌao ne anaꞌi maitu, koꞌosa-osano.

Matius 4:23

Yesus noangkai kosekaꞌewaꞌae kadieno Galilea, nofofoinaꞌu ne lambu-lambu kasambaheaꞌa. Anoa nefolele Bhihita Metaa Kafopahintaꞌano Lahataꞌala, poowa nefekaꞌosa sabhaha mie mosaki bhe modaino namisi ne liwu aitu.

Matius 8:28

Sahatono we sewetano teꞌi, we liwuno miendo Gadara, domaimo dohodua mie nepesuakino seetani, dopoꞌawaꞌao Yesus. Andoa ini domaiꞌao te tombuno lia kafokobuhuꞌa. Dotimoteꞌi sepaliꞌa sampe bhe naseemie miinamo bhe mokadono namangka ne itu.

Matius 8:33

Mie dhumaganino wewi maitu lasao dofilei we liwu. Dohato ne watu, detula-tulaꞌaomo kosasawiꞌae kumadhadhiaꞌano. Detula-tulaꞌaomo dua kumadhadhiaꞌano ne mie hoduano nepesuakino seetani maitu.

Matius 8:6

Ambano, “Waompu, bhatuaku we lambu nokalu, sandole; nokadee-deemo sepaliꞌa.”

Matius 9:26

Bhihitano kadhadhia amaitu nokolele ne kosekaꞌewaꞌae kadie aitu.

Matius 9:35

Pedamo aitu, Yesus noliligi kota bhe liwu ne itu, nofofoinaꞌu weo lambu kasambaheaꞌa bhe nefolele Bhihita Metaano Kafopahintaꞌano Lahataꞌala, poowa nefekasali sabhaha saki bhe kadaino namisi.

Markus 1:28

Pada aitu bhihitano ini nehimba sepaliꞌa nolele ne kosekaꞌewaꞌae kadieno Galilea.

Markus 1:32

Kamaꞌoleomo dua anaꞌa, nosoo kaowu oleo, dehatoanemo mie mosakino bhe mie nepesuakino seetani weo liwu.

Markus 2:3

Nandoo nofofoinaꞌu maitu, dehatoanemo seemie kalu doꞌoweaꞌe dopopaa.

Markus 2:4

Hampano kabhahindo mie, andoa miina dalumapa daowa mie kalu aitu se Yesus. Dadiꞌanomo dealimo ato te potalaꞌano Yesus maka dofosampu mie kalu aitu ne wiseno. Tadofosampumo bhe katiꞌoweaꞌano.

Markus 2:9

O ae so katandaino akokuasa? Apugauꞌao ‘Dhosamu notiꞌamponimo’, bhahaꞌi apugauꞌao ‘Wanumo, sangke katiꞌoweaꞌamu maka mekala-kala?’

Lukas 2:2

Ainiꞌaemo dhiwaꞌa kabhao-bhaono tangasano Kirenius nembali gubernur we kadieno Siria.

Lukas 4:14

Weo kuasano Rohino Lahataꞌala, Yesus nosulimo we Galilea. Bhihitano nolelemo ne kosekaꞌewaꞌae kadie aitu.

Lukas 4:38

Pada aitu nohunsamo lambu kasambaheaꞌa naꞌa maka nokala se lambuno Simon. Gahaꞌa ponia hobhineno Simon nosaki, nodaha sepaliꞌa sodono maka desalo ne Yesus natumulumie.

Lukas 5:15

Tamaka bhihitano Yesus dhulu kaꞌewa nolelea, sampe mie bhahi dosipumpu domai ne Anoa, dametingkeꞌao pugauno bhe daoꞌosaꞌao maiꞌao ne sakindo.

Lukas 5:24

Amotiwohaangkoomu Anano Manusia - Idimo ini - nokokuasa neꞌamponi dhosa te dhunia ini.” Pada aitu Yesus nopugaumo ne mie kalu maitu ambano, “Wanuꞌo toha, sangke kaodoꞌamu itu maka suli se lambumu.”

Lukas 7:17

Bhihitano Yesus ini nolelemo ne kosekaꞌewaꞌae witeno Yudea bhe liwu pomaꞌo-maꞌotiꞌano.

Yohanes 10:21

Tamaka nandoo dua mugauno, “Pedando maitu suano pugauno mie nepesuakino seetani, bhahaa naembali dua seetani naefekantalea matano mie kabunto?”

Tula-tulando rasulu 10:38

Pandeꞌaanemoomu dua Lahataꞌala nopili Yesus miendo Nasaret maitu maka nowaꞌane Rohino bhe kuasa. Anoa nolili nehabu metaaꞌano, nefekaꞌosa sabhaha mie nekuasaino Kafeompuꞌando seetani, mbaꞌinomo Lahataꞌala nopobhaiane.

Tula-tulando rasulu 15:23

Andoa dowaꞌanda suha. Wambano peda aini, “Bhahitieꞌi mani suano Yahudi meateno we Antiokia, Siria bhe Kilikia. Suha aini nomaiꞌao ne insaodi rasulu bhe kamungkulaꞌi ⸤ we Yerusalem⸥ so hintimiu.

Tula-tulando rasulu 15:41

Doliligi kadieno Siria bhe Kilikia; ne itu dofekatangka kaparasaeando umati.

Tula-tulando rasulu 28:9

Pada kadhadhia anaꞌa domaimo dua mie mosaki sigaoꞌano ne liwuto aitu maka andoa nofekaꞌosada dua.

Tula-tulando rasulu 8:7

Kapaꞌamo dobhahi seetani lumimbano maiꞌao ne mie nepesuakindo, dokei ampa kabhalano wobhando. Dobhahi dua kalu bhe kakempa nefekaꞌosano.