20 Buanindo tadohunsa maka doangkafi Yesus.
Laꞌae so moasiꞌaono inano bhe amano nalumiuꞌe kaasino ne Idi, pae namantasia namangkafi kanau. Laꞌae moasiꞌaono anano moꞌane tawa hobhine nalumiuꞌe kaasino ne Idi pae namantasia namangkafi kanau.
Pada aitu Petrus notobhoosimo ne Yesus, ambano, “Insaodi ini tahunsaemo bhahi-bhahiꞌae maka taangkafi Hintu. O ae bhahaa so neꞌawa mania?”
Yesus nopugauandamo ambano, “Mai angkafi kanauꞌomu, amoguhukoomu so mebuanino manusia.”
Yesus nofopansuhu kala-kalano maka nowohamo dua mie dohodua dosikakutaꞌa, neando Yakobus bhe Yohanes, anaꞌino Zebedeus. Dopoowa bhe Zebedeus, amando, andoa ini nandoo dofosintuwu pukando weo bhangka. Yesus nosaliꞌidamo dua.
Pada dofoampe bhangkando te wite dohunsamo bhahi-bhahiꞌae maka doangkafi Yesus.
Hampano dua rahamatino nofotipandeꞌao kanau Anano, neanomo amolelee bhihitano ne sabhaha bansano liwu suano Yahudi. Wakutuu anaꞌa bhe naseemie miina bhe nekalaꞌiku aesalo fekihi.
