Matius 4:11 - Muna Southern Dialect

¹¹ Panda-pandano Yesus nohunsaemo Kafeompuꞌando seetani, maka dohatomo malaꞌekati doꞌondofaane.

Matius 4:11 Iomraidhean Croise

Matius 26:53

Ingka naembali aetondala ne Amaku naetudu malaꞌekati datumulumi kanau, mahingga nakolabhi naompulu haa tagua.

Matius 4:6

bhe nopugau ambano, “Ane hintu ini Anano Lahataꞌala, soba oho wutomu we panda, kapaꞌamo notibuhi, ‘Lahataꞌala natumudu malaꞌekatino dakumantafeko keana notompalo aꞌemu ne kontu.’ ”

Markus 1:13

Fato fuluꞌa kaomponano neate we pandaso bhalano naꞌa bhe nosobae Kafeompuꞌando seetani. Anoa neate ne naꞌa nopobhai bhe sabhaha kadadi fohumaano, tamaka dodambaꞌaane malaꞌekati.

Lukas 22:43

Gahaꞌa nomaiꞌiemo seemie malaꞌekati nomaiꞌao te lani nofekatangka lalono.

Lukas 22:53

Ingka seꞌo-seꞌoleo apoowa-owa bhe hintimiu weo Lambuno Lahataꞌala tamaka miina humako kanauꞌomu. Ampamo kaowu aitu nohatomo wakutuumiu, ainiꞌaemo tempono kuasano kahohondo.”

Lukas 4:13

Nopalusi sabhaha kasobano naꞌa Kafeompuꞌando seetani nokalamo maka neanta-antagi kasalawa metaa.

Yohanes 14:30

Paemo naobhahia apuga-pugau bhe hintimiu, kapaꞌamo Mowano Dhunia ⸤ maꞌanano Kafeompuꞌando seetani⸥ nahumatomo. Tamaka anoa miina sepaliꞌa nakokuasa ne Idi.

1 Timotius 3:16

Kotu-kotuꞌu nobhala mpuu rahasiano agamantoomu ini, Anoa nofotiwoha Wutono nembali manusia, nosakusiiane Rohino Lahataꞌala Anoa ini mie banara, dowohae malaꞌekati, bhihitano dofolelee ne sabhaha bansano liwu tapa mandeꞌaono Lahataꞌala, doparasaeaꞌe ne kosekaꞌewaꞌae dhunia ini, notisangke weo kakalabhia te surugaa.

Ibrani 1:14

Ingka o malaꞌekati maitu saneamo rohi meompuno ne Lahataꞌala, andoamo dua netuduno Lahataꞌala daꞌumondofao manusia so metahimano kasalamati.

Ibrani 1:6

Wakutuuno nofopesua Anano titiisa we dhunia ini, nokobhoasao toha ambano, “Kosasawindo malaꞌekatiku tetewei datumaohao sombado ne Anoa.”