Matius 3:7 - Muna Southern Dialect

⁷ Dobhahi dua miendo Farisi bhe miendo Saduki mefekadiuno. Sanowohada, Yohanes nopugaumo ambano, “Hintimiu ini sampuꞌano ule modai. Ambamo laꞌae bhahaa lumapaomu ne amahano Lahataꞌala so humatoꞌano?

Matius 3:7 Iomraidhean Croise

Matius 12:24

Tamaka dofetingke amaitu, miendo Farisi dopugaumo ambado, “Kaembaliꞌano mie aini nefolimba seetani hampano nopake kuasano Beelsebul, Kafeompuꞌando seetani.”

Matius 12:34

Hintimiu ini sampuꞌano ule modai! Nada dua amai mefolimbaomu pugau metaa, sangiꞌanomo wutomiu mie modai? Kapaꞌamo lumimbano ne wiwi, nomaiꞌao ne kamponono totono lalo.

Matius 15:12

Kaowu domaiꞌiemo anaguhuꞌino maka dofeena ambado, “Pandeꞌaane bhahaa wambamu saꞌituinia noleaꞌane lalondo miendo Farisi?”

Matius 16:1

Sewakutuu dohatomo miendo Farisi bhe Saduki patudhundo damansoꞌalai Yesus. Andoa desalo namotiwohaanda tanda tapa mentela, so katandaino kuasano Yesus nomaiꞌao ne Lahataꞌala.

Matius 16:6

Nopugaumo Yesus, “Kodhagaomu bhe posiꞌondoomu ne ragindo miendo Farisi bhe Saduki.”

Matius 22:15

Pada anaꞌa miendo Farisi dokalamo dopugau-gau bhahaꞌi nada amai dameena ne Yesus so dametandoꞌao alano wambano.

Matius 22:23

Ne oleo anaꞌa domaimo dua miendo Saduki. Andoa ini miina damarasaeaꞌa kawanuꞌando mie mate. Andoa dofeenamo ne Yesus ambado,

Matius 22:34

Miendo Farisi dofetingke putae miendo Saduki miinamo dakowobhaa dowiseki Yesus. Dadiꞌanomo dopofoꞌo-foꞌonumo.

Matius 23:33

Hintimiu ule, sampuꞌando ule modai! Koe fehoo-hooꞌomu lumapaomu ne kahukumuno narakaa.

Matius 5:20

Amohatokoomu, kotu-kotuꞌu pae bhe kapoolia mesuaꞌomu weo Kafopahintaꞌano Lahataꞌala, simbali podiumiu poangkafiꞌano bhe kapoindalono Lahataꞌala namoliu podiundo pande-pande Kitabi bhe miendo Farisi.

Markus 12:13

Pada aitu kamungkulaꞌindo Yahudi detudumo seemie hodua miendo Farisi bhe mieno kolaki Herodes dapoꞌawaꞌao Yesus. Patudhundo dametando alano wambano.

Markus 12:18

Nandoo dua miendo Saduki domai ne Yesus. Andoa ini miina damarasaea mie mate dasumuli damanu.

Markus 8:15

Yesus nofodhagadamo ambano, “Posiꞌondoomu ne ragi kaefoꞌendeꞌa rotindo miendo Farisi bhe ragino kolaki Herodes.”

Lukas 16:14

Kosasawiꞌae naꞌa dofetingkee dua miendo Farisi tamaka tadebheu, hampano andoa ini sanea bhatuano dhoi.

Lukas 18:11

Miendo Farisi maitu neehe-ehe bhe nosambahea weo totono lalono peda ini, ‘O Lahataꞌala, notumpu mpuu laloku ne Hintu, hampano miina apototoa bhe mie sigaoꞌano, peda mie forampasino, mie modai tawa mie monsuleno. Idi miina dua apototoa bhe mealano sewa ini.

Lukas 7:30

Tamaka miendo Farisi bhe pande-pande Kitabi doewangi patudhuno Lahataꞌala, mbaꞌinomo dongahe nakumadiuda Yohanes.

Yohanes 1:24

Ne olotando mie netudundo maitu nandoo dua miendo Farisi.

Yohanes 8:44

Amamiu Kafeompuꞌando seetani, sadhia gaomiu mangkafiomu kapoindalono amamiu naꞌa. Anoamo itu mongkono manusia mpini kabhao-bhaono, miina natumai ne kabanara, kapaꞌamo weo totono lalono miina bhe kabanarano. Ane nakopaha, nopantasimo, kahabuaonomo. Anoa itu pande gau-gau, amandomo sabhaha paha.

Yohanes 9:40

Pugauno Yesus naꞌa dofetingkee dua seemie hodua miendo Farisi ne itu. Dofeenamo ne Yesus ambado, “Patudhumu insaodi taobunto dua gahaꞌa?”

Tula-tulando rasulu 15:5

Tamaka domai dua seemie hodua kamungkula miendo Farisi marasaeano ne Yesus. Ambado, “O mie suano Yahudi toka marasaeano ne Yesus tetewei dasumunada, damosuhuda damangkafi dua tubhono agama Yahudi.”

Tula-tulando rasulu 20:31

Dadiꞌanomo kodhagaomu! Tandaiꞌeomu tolu taꞌumo kaomponanoa, ole-oleono, koho-kohondoꞌano miina ameontoa atangahikoomu seemie-seemie, nopotuhu bhe luuku.

Tula-tulando rasulu 26:5

Nomponamo dopandeꞌa kanau. Ane damoindalo, naembali daetula-tula putae idi ini aembali seemie Farisi mangkafino tubho foliuno kakii ne agamantoomu ini.

Tula-tulando rasulu 5:17

Hato panda-pandano Imamu Bhalano bhe kosasawindo mangkafie - sanea miendo Saduki - doewamo, mbaꞌinomo kakoulano lalo.

Roma 1:18

Nomaiꞌao te surugaa Lahataꞌala nofotiwoha amahano ne sabhaha dhosa bhe habu modaindo manusia. Weo podiu modaindo desongkowi kabanara.

Roma 5:9

Aitu intaodiomu nofotahimamo Lahataꞌala peda mie banara hampano tuhuno heano Kristus, maka teteweimo dua mada kaowu dasumalamati maiꞌao ne amahano Lahataꞌala hampano Kristus.

1 Tesalonika 1:10

Ambado dua meantagiomu kahatoꞌano Anano Lahataꞌala namaiꞌao te surugaa. Nepulaoꞌaondo naꞌa Yesus, nefowanuno Lahataꞌala nomaiꞌao ne mate, fofosalamatinomo maiꞌao ne amahano Lahataꞌala mada kaowu.

Ibrani 11:7

Hampano kaparasaeano, Nuh nofodhagae Lahataꞌala so kumadhadhiaꞌano te wise, tapaꞌo newohano. Nuh neangka ne Lahataꞌala sampe nefotoka bhangka bhalano, mbalimo mosalamatie bhe koseꞌonu polambuno. Noangka ne kaparasaeano naꞌa dhunia dohukumue, tamaka wutono Nuh notahimae Lahataꞌala peda seemie banara hampano kaparasaeano.

Ibrani 6:18

Haa hondano ini paise natibhaliia, kapaꞌamo Lahataꞌala pae bhe kapoolia nagumau-gau podhandino bhe fematano naꞌa. Kanandooꞌanomo intaodiomu meoluno ne Lahataꞌala daeꞌawa katangkano lalo so damintahakiꞌao kaposahunaꞌao kumantaa-ntaano te wisentoomu.

1 Yohanes 3:10

Mie tapa mangkafino kapoindalono Lahataꞌala bhe tapa moasiꞌaono bhahitieno, suano anaꞌino Lahataꞌala. Ainiꞌaemo poꞌalaꞌano anaꞌino Lahataꞌala bhe anaꞌino Kafeompuꞌando seetani.