Matius 3:5 - Muna Southern Dialect

⁵ Dobhahi mie maino ne Yohanes, maiꞌaono we Yerusalem, maiꞌaono ne kosekaꞌewaꞌae kadieno Yudea bhe maiꞌaono ne sabhaha kadie ne owano umeleno Yordan.

Matius 3:5 Iomraidhean Croise

Matius 2:1

Yesus nolente we liwuno Betlehem we kadieno Yudea ne dhamanino kolaki Herodes. Gahaꞌa dohatomo we Yerusalem seemie hodua mie mande maiꞌaono te mata oleo. Andoa ini dopoguhuꞌao waweno sabhaha kulipopo.

Matius 4:25

Mie bhahi dosipumpu doangkafie. Nandoo maiꞌaono we kadieno Galilea bhe Dekapolis, maiꞌaono we Yerusalem bhe we Yudea bhe maiꞌaono we sewetano umeleno Yordan.

Markus 1:5

Pada aitu kosekadieꞌae Yudea bhe miendo kotano Yerusalem dosipumpumo dokala we Yohanes. Detula-tulamo doꞌakui dhosando maka nokadiuda Yohanes we umeleno Yordan.

Lukas 16:16

Kitabino Musa bhe Kitabino ana-anabii sadaa-daa nolaku ampa ne dhamanino Yohanes, tamaka notanda ne dhamanino Yohanes Kafopahintaꞌano Lahataꞌala dofoleleemo maka sabhaha mie dopogolo-golo damesua.

Lukas 3:3

Pada aitu Yohanes nokalamo ne amai liwu ne kosekaꞌewaꞌae kadie ne owano umeleno Yordan nofosampe bhihita maiꞌaono ne Lahataꞌala. Ambano, “Fetompaꞌaoꞌomu dhosamiu, doliomu ne Lahataꞌala bhe mefekadiuꞌomu maka Lahataꞌala naꞌumamponi dhosamiu.”

Lukas 3:7

Pada aitu Yohanes nopugaumo ne mie bhahi mai mefekadiuno, “Hintimiu sampuꞌano ule modai, ambamo laꞌae bhahaa lumapaomu ne amahano Lahataꞌala so humatoꞌano?

Yohanes 3:23

Gahaꞌa Yohanes Fokadiuno nofokadiu dua, we Ainon we owano Salim, hampano ne itu nobhahi oeno. Mie bhahi domai ne naꞌa maka nokadiuda.

Yohanes 5:35

Yohanes maitu tapedamo kantalea humende nokotilanga, hintimiu moꞌiaꞌaneomu tilangano, tamaka sebantaha kaowu.