Matius 3:2 - Muna Southern Dialect

² ambano, “Fetompaꞌao dhosamiu, doliomu ne Lahataꞌala, kapaꞌamo Kafopahintaꞌano Lahataꞌala nomaꞌomo.”

Matius 3:2 Iomraidhean Croise

Matius 10:7

Kalaomu bhe foleleomu, ‘Kafopahintaꞌano Lahataꞌala nomaꞌomo.’

Matius 11:20

Pada aitu Yesus nofeꞌalamo liwu-liwu kaehabuꞌano tanda tapa mentela, kapaꞌamo miina dametompaꞌao dhosando bhe dadumoli ne Lahataꞌala mahinggamo ne itu foliuꞌanomo kabhahi tanda nehabuno.

Matius 12:41

Nahumato Oleono Kiama, miendo Niniwe dasiwanu-wanuꞌa bhe mie dhamani aini maka damoꞌalada. Kapaꞌamo miendo Niniwe dofetingke kaowu bhihita neowano anabii Yunus, dofetompaꞌaomo dhosando bhe dodoli ne Lahataꞌala. Sakotuꞌuno humatono ini noliuꞌe anabii Yunus.

Matius 13:11

Notobhoosimo Yesus ambano, “Hintimiu nowaꞌangkoomu kadawu Lahataꞌala pandeꞌaanemoomu rahasiano Kafopahintaꞌano, tamaka mie sigaoꞌano miina.

Matius 13:24

Yesus nefohatoandamo dua kapalenda sigaoꞌano. Ambano, “Kafopahintaꞌano Lahataꞌala tapedamo seemie meꞌewino wine metaa te kaampono.

Matius 13:31

Pada anaꞌa nefohatoandamo dua kapalenda sigaoꞌano, ambano, “Kafopahintaꞌano Lahataꞌala tapedamo dua onuno sau wonoita seꞌonu noalae seemie maka nohooꞌe te kaampono.

Matius 13:33

Nosunsumiane dua kapalenda aini. “Kafopahintaꞌano Lahataꞌala tapedamo ragi nealano seemie hobhine mbali kaefoꞌendeꞌano roti. Ragi aini nokunsaloe bhe tariguno fato fulu baa ampa noꞌende kosasawiꞌae.”

Matius 13:47

“Kafopahintaꞌano Lahataꞌala tapedamo dua puka nelabu we teꞌi, notikaiane sabhaha kenta.

Matius 13:52

Ambano toha Yesus, “Dadiꞌanomo kotika pande Kitabi metahimano kafoinaꞌuno Kafopahintaꞌano Lahataꞌala, tapedamo kolambuno molimbano kahangkaeano maiꞌao ne kaenteiꞌano, nabuꞌou nangkodau.”

Matius 18:23

Kapaꞌamo Kafopahintaꞌano Lahataꞌala tapedamo seemie kolaki so polentuno bhe bhatuaꞌino.

Matius 20:1

“Kafopahintaꞌano Lahataꞌala tapedamo seemie kafeompuꞌa, nandoo samentaeno nokalamo neꞌondofi so kumahadhaano te kaampono angguruno.

Matius 22:2

Ambano, “Kafopahintaꞌano Lahataꞌala tapedamo seemie omputo nehabu hame-hame kakawino anano.

Matius 23:13

Balaamoomu, pande-pande Kitabi bhe miendo Farisi, hintimiu mie mehaaꞌulano, kapaꞌamo songkoemoomu fointono Kafopahintaꞌano Lahataꞌala ne wisendo mie bhaimu. Hintimiu mokiidoomu mesuaꞌomu pakade meꞌontomiomu mie so mesuano.

Matius 25:1

“Nahumato wakutuu anaꞌa, Kafopahintaꞌano Lahataꞌala tapedamo doompulu kalambe, deala bhe kantaleando maka dokala dosumpui loꞌia buꞌou.

Matius 25:14

“Kafopahintaꞌano Lahataꞌala tapedamo seemie kafeompuꞌa so kumalano we koliwuno. Nakumala kaowu nosaliꞌimo bhatuaꞌino maka noposahunaꞌaanda daꞌumondofao kanandoono.

Matius 4:17

Notandamo ne naꞌa Yesus nofolelemo, “Fetompaaneomu dhosamiu, doliomu ne Lahataꞌala, kapaꞌamo Kafopahintaꞌano Lahataꞌala nomaꞌomo!”

Matius 4:23

Yesus noangkai kosekaꞌewaꞌae kadieno Galilea, nofofoinaꞌu ne lambu-lambu kasambaheaꞌa. Anoa nefolele Bhihita Metaa Kafopahintaꞌano Lahataꞌala, poowa nefekaꞌosa sabhaha mie mosaki bhe modaino namisi ne liwu aitu.

Matius 5:10

Dokodawua mpuu mie nefodee-dee hampano doangkafi kapoindalono Lahataꞌala, kapaꞌamo andoamo so mehapino Kafopahintaꞌano Lahataꞌala.

Matius 5:3

“Dokodawua mpuu mie ngkumaasi-asino masandeno ne Ompu, kapaꞌamo andoamo so mehapino Kafopahintaꞌano Lahataꞌala.

Matius 6:10

Nohatoꞌo toha Kafopahintaꞌamu, nokoꞌulaꞌo toha patudhumu we dhunia ini peda te surugaa.

Matius 6:33

Dadiꞌanomo ondofiomu kadeki Kafopahintaꞌano Lahataꞌala bhe dhalangieꞌomu kapoindalono. Maka kosasawiꞌae kafaraluumiu naꞌa namaꞌangkoeꞌomu dua.

Markus 1:15

Ambano, “Nohatomo tempono, nomaꞌomo Kafopahintaꞌano Lahataꞌala. Fetompaꞌao dhosamiu, doliomu ne Lahataꞌala bhe parasaeaꞌomu ne Bhihita Metaa!”

Markus 1:4

Pedamo tibuhino naꞌa Yohanes Fokadiuno notiumba we pandaso bhalano bhe nopugau ambano, “Fetompaꞌao dhosamiu, doliomu ne Lahataꞌala bhe mefekadiuꞌomu maka Lahataꞌala naꞌumamponikoomu.”

Markus 6:12

Pada anaꞌa koompulu hoduando anaguhuno maitu doehemo. Dokalamo defolele bhihita putae manusia tabeano dametompaꞌao dhosando bhe dadumoli ne Lahataꞌala.

Lukas 1:16

Naobhahi miendo Israel namodolida dasumuli ne Ompu Lahataꞌalando.

Lukas 11:20

Tamaka ane aefolimba seetani apake kuasano Lahataꞌala, sakotuꞌuno nohatokoomu Kafopahintaꞌano Lahataꞌala.

Lukas 13:3

Amohatokoomu, miina sepaliꞌa. Ampamo kaowu, ane pae metompaꞌao dhosamiu, kosasawimiu itu binasaomu dua nada andoa naꞌa.

Lukas 13:5

Amohatokoomu, miina sepaliꞌa. Ampamo kaowu, ane paise metompaꞌao dhosamiu, kosasawimiu itu binasaomu dua nada andoa naꞌa.”

Lukas 15:10

Amohatokoomu, nadamo dua anaꞌa malaꞌekatino Lahataꞌala daoꞌia hampano seemie kodhosa metompaꞌaono dhosano.”

Lukas 15:7

Amohatokoomu, nadamo dua anaꞌa te surugaa daoꞌia hampano seemie kodhosa metompaꞌaono dhosano, nalumiuꞌe kaꞌiando mbaꞌinomo mie banara siua fulu sisiuano tapa maraluuno dametompaꞌao dhosando.”

Lukas 16:30

Tamaka ambano dua mie hangkaea naꞌa, ‘Paise amaku Abraham, ane nandoo mie mate so sumuli dumadino maka nakumala namodhagada, tetewei dametompaꞌao dhosando.’

Lukas 21:31

Pedamo dua naꞌa ane mohaemoomu sabhaha kadhadhia nepulaoꞌaoku saꞌituini, pandeꞌaanemoomu Kafopahintaꞌano Lahataꞌala nomaꞌomo.

Lukas 24:47

Nandoo dua notibuhi: weo neano Omputo Fosalamatino daefolele bhihita ne sabhaha bansano liwu putae dametompaꞌao dhosando maka Lahataꞌala naꞌumamponida. Bhihita anaꞌa damolelee natumanda we Yerusalem.

Lukas 6:20

Pada anaꞌa Yesus noꞌondomo anaguhuꞌino bhe nopugau ambano, “Kodawua mpuu, hintimiu ngkumaasi-asino, hampano hintimiumo so mehapino Kafopahintaꞌano Lahataꞌala.

Lukas 9:2

Pada aitu notudadamo daefolele bhihita Kafopahintaꞌano Lahataꞌala bhe daefekaꞌosa mie mosaki.

Tula-tulando rasulu 11:18

Dofetingke peda maitu miinamo dakodiua, tadopudhimo kakalabhiano Lahataꞌala. Ambado, “Ingka gahaꞌa mie suano Yahudi nowaꞌanda dua kadawu Lahataꞌala dametompaꞌao dhosando so dadumadiꞌao suhue dhamani!”

Tula-tulando rasulu 17:30

Ampa aitu Lahataꞌala miinamo napolentua bhe dhamanino kakabhohe-bhohendo manusia, sampe nofohatodamo kosasawindo manusia kosedhuniaꞌae ini dametompaꞌaomo podiu modaindo.

Tula-tulando rasulu 2:38

Ambano Petrus, “Fetompaaneomu dhosamiu maka mefekadiuꞌomu seemie-seemie weo neano Yesus Kristus, so natiꞌamponiꞌao dhosamiu. Mada aitu damaꞌangkoomu kawaꞌaono Rohino Lahataꞌala.

Tula-tulando rasulu 20:21

Namiendo Yahudi namiendo liwu sigaoꞌano sadhia afodhagada, bhahaꞌi kaowu dametompaꞌao dhosando, dadumoli ne Lahataꞌala bhe damarasaea ne Ompu Yesus Kristus.

Tula-tulando rasulu 26:20

Mentalea-mentalea afohatoda, o mie tabeano dametompaꞌao podiu modaindo maka dadumoli ne Lahataꞌala. Pakade daehabu podiu posahataaꞌano bhe fetompando maitu. Nepugauꞌaoku ini kabhao-bhaono afohato miendo Yahudi we kotano Damsyik maka we Yerusalem bhe kosekaꞌewaꞌae kadieno Yudea. Pada anaꞌa afohatomo dua mie suano Yahudi.

Tula-tulando rasulu 3:19

Dadiꞌanomo dolimoomu ne Lahataꞌala, fetompaanemoomu dhosamiu, neanomo dhosamiu namekanggelaꞌiemo.

2 Korintus 7:10

Kapaꞌamo kakompeahano lalo poangkafiꞌano bhe kapoindalono Lahataꞌala neowa kafetompaino dhosa meowano kasalamati, maka paise dasumosoanea. Tamaka kakompeahano lalo maiꞌaono ne dhunia ini neowa mate.

Kolose 1:13

Lahataꞌala nofosalamati kaita maiꞌao weo kuasano kahohondo maka nofogampi kaita weo kafopahintaꞌano Anano kamoasiꞌaono.

2 Timotius 2:25

Mie mansoewano tabeano namalu-malusianda katangahi, sio-siomo Lahataꞌala nandoo namaꞌanda kasalawa dametompaꞌao dhosando maka damandeꞌao kabanara.

Ibrani 6:1

Dadiꞌanomo dohunsaeꞌanaomu kadeki kafoinaꞌu kabhao-bhaono pokaiꞌano bhe Kristus, maka damopansuhueꞌomu dapoguhuꞌao so dadi motangka peda mie marasaeano. Koemo tadofendu-fenduaꞌomu kafoinaꞌu kabhao-bhaono, putae manusia tetewei nametompaꞌao podiu meowano mate, maka damarasaea ne Lahataꞌala.

2 Petrus 3:9

Ompu miina naepoluntu-luntua namekakoꞌula dhandino, mahingga nandoo mie kofekihino peda naꞌa. Tamaka nosabahakikoomu, kapaꞌamo nokiido bhe so binasano, gaono kosasawindo manusia dametompaꞌao dhosando bhe dadumoli ne Anoa.

Powoha 2:21

Idi padamo awaꞌane kasalawa so nametompaꞌao podiu modaino, tamaka nokiido nametompaꞌao podiu pokawite-witeno maitu.

Powoha 2:5

Dadiꞌanomo tandaiꞌe notolaumo kandalono mondawuomu! Fetompaꞌao podiu modaimiu maka suli dhalangi peda nehabumiu kabhao-bhaono. Ane paise, amaiꞌikoomu maka amala kaengkohaꞌano kantaleamu itu maiꞌao ne kaeehe-eheꞌano.