Matius 3:12 - Muna Southern Dialect

¹² Katepi nontiintahaemo so natumepisaoꞌao gandum ampa naonggela. Onuno gandum nahumompunaane weo lambu kaenteiꞌa oti, tamaka kulino bhe kansiano laano natumunuane efi tapa mopoopeono.”

Matius 3:12 Iomraidhean Croise

Matius 13:30

Hunsaꞌanomo kohaahondaꞌae daꞌumende ampa metobheꞌa. Nahumato metobheꞌa, amugaumo ne tumobheno, ‘Foꞌonuomu kadeki dana itu, obho-obhoeꞌomu maka tawueꞌomu. Mada aitu foꞌonuomu gandum weo lambu kaenteiꞌano otiku.’ ’ ”

Matius 13:41

Anano Manusia natumudu malaꞌekatino damoꞌonu sabhaha mie mekakodhosano manusia bhaindo bhe mie humabu modaino weo Kafopahintaꞌano.

Matius 13:42

Kosasawindo naꞌa daꞌumohofida weo efino narakaa; ne naꞌa taꞌo kangkoꞌae bhe kuꞌino wangka.

Matius 13:43

Wakutuu anaꞌa mie mongkilo dakotilanga nada oleo weo Kafopahintaꞌano Amando. Ane dokotingala, beano dametingke!”

Lukas 3:16

Dadiꞌanomo Yohanes nopugaumo ne mie bhahi maitu ambano, “Idi ini akadiuangkoomu oe, tamaka so humatono mada kaowu nofoliu kanau kuasa, mahinggamo alumense katapuno kaampinino pae amantasia. Anoa naꞌa nakumadiuangkoomu Rohino Lahataꞌala bhe efino.

Lukas 3:17

Katepi nontiintahaemo so natumepisaoꞌao pae ampa naonggela. Onuno pae nahumompunaane weo lambu kaenteiꞌa oti, kulino bhe kansiano laano natumunuane efi tapa mopoopeono.”

Yohanes 15:2

Sasuka haꞌaku tapa kobhakeno nolakoe, tamaka sasuka haꞌaku kobhakeno nofekanggelaꞌie so nodhuluꞌao kabhahino bhakeno.