Matius 28:19 - Muna Southern Dialect

¹⁹ Dadiꞌanomo kalaomu, owadaomu sabhaha bansano liwu daembali anaguhuꞌiku. Kadiudaomu, weo neano Ama bhe Ana bhe Rohino Lahataꞌala.

Matius 28:19 Iomraidhean Croise

Matius 13:52

Ambano toha Yesus, “Dadiꞌanomo kotika pande Kitabi metahimano kafoinaꞌuno Kafopahintaꞌano Lahataꞌala, tapedamo kolambuno molimbano kahangkaeano maiꞌao ne kaenteiꞌano, nabuꞌou nangkodau.”

Matius 25:32

Kosasawindo bansano liwu datihompu te wiseno maka napofelesaanda, pedamo dhagano dhumba nopogaatiꞌao dhumba bhe membe.

Tula-tulando rasulu 1:2

ampa ne oleono katisangkeꞌano te surugaa. Miinaꞌo natisangke te surugaa, weo kuasano Rohino Lahataꞌala padamo nohunsa pahintano ne rasulu nepilino.

Tula-tulando rasulu 1:8

Ampamo kaowu, nahumato nasumampu Rohino Lahataꞌala, hintimiu meꞌawaomu kuasa, maka membaliomu sakusiiku we Yerusalem, we kadieno Yudea, we kadieno Samaria ampa we tompano dhunia.”

Tula-tulando rasulu 14:21

We Derbe, Paulus bhe Barnabas defolele Bhihita Metaa sampe dobhahi mie marasaeano. Pada anaꞌa dosulimo we kotano Listra, Ikonium bhe Antiokia.

Tula-tulando rasulu 2:41

Dobhahi mie marasaeano ne pugauno Petrus, maka dokadiuda. Oleo itu umati dotitubhahi, kabhahindo dapetolu hewu.

Tula-tulando rasulu 28:28

Dadiꞌanomo tabeano mandeꞌaaneomu putae kasalamati maiꞌaono ne Lahataꞌala ini damohatoandae bansano liwu sigaoꞌano suano Yahudi maka andoamo so metingkee.”

Tula-tulando rasulu 9:18

Gahaꞌa tambaꞌomo kabeangaꞌida anano kenta nosimotantaꞌa maiꞌao ne matano Saulus, lasao nofowoha toha. Pada aitu noehemo maka dokadiuꞌe.

Roma 10:18

Ampamo kaowu ameena, bhahaa daanumo miinaꞌo dametingkea bhihita anaꞌa? Ingka tetewei padamo, hampano weo Kitabi notibuhi, “Suahando nokolelengamo ne kosedhuniaꞌae, pugaundo notifetingkemo ampa we tompano dhunia.”

1 Korintus 15:29

Ane pae bhe kawanuꞌando mie mate, o ae bhahaa fahalaano mie mefekadiu saranino so mie toka mateno? Ane mie mate pae sepaliꞌa damanu, so dua ae defekadiu saraniꞌao so mie mate?

Galatia 3:27

Ingka kosasawimiu padamo dokadiu saranikoomu weo neano Kristus, dadiꞌanomo fokanamoomu Kristus ne ulumiu tapedamo pakea buꞌou ⸤ maꞌanano membaliomu peda wutono Kristus⸥ .

Efesus 2:18

Hampano nehabuno Kristus, intaodiomu naetaa miendo Yahudi naetaa suano, deꞌawamoomu kaangkaꞌa kapesuaꞌa damewise ne Lahataꞌala, saneamo weo katulumino Rohino Lahataꞌala seꞌise-isemo.

Kolose 1:23

Tamaka tabeano mpuu-mpuunieꞌomu kaparasaeamiu, fekamatangkae kofindamiu. Koise nomagoeaꞌa, koise dua nogampi posahunaꞌao neꞌawamiu wakutuuno fetingkeomu Bhihita Metaa. Bhihita Metaa ainimo nefolele ne sabhaha manusia we towawano lani ini. Idimo dua ini, Paulus, katudu mefoleleno Bhihita Metaa naꞌa.

1 Petrus 3:21

Kadhadhia aitu nembalimo kaꞌibahatino kakadiu sarani, mosalamatikomoomu ampa aitu. Kakadiu sarani miina nakopatudhu namekanggelaꞌi sabhaha mohakuꞌano ne mbadha, tamaka patudhuno desalo kangkilono totono lalo kumatanga-tangano ne Lahataꞌala. Kanandooꞌano bhahi-bhahiꞌae maitu mbaꞌinomo Yesus Kristus nowanumo maiꞌao ne mate.

1 Yohanes 5:7

Kapaꞌamo sumakusiino nandoo tolu ise: Rohino Lahataꞌala, o oe bhe heano. Kotolu iseꞌae sehonda-honda nesakusiiꞌaondo.