Matius 28:18 - Muna Southern Dialect

¹⁸ Yesus nomaꞌotidamo bhe nopugau ambano, “Sabhaha kuasa te surugaa bhe we dhunia ini nowaꞌa kanaꞌe Amaku.

Matius 28:18 Iomraidhean Croise

Matius 11:27

Kosasawiꞌae padamo nowaꞌa kanaꞌe Amaku. Miina bhe mandeꞌaono Anano Lahataꞌala mpahinomo Amano. Miina dua bhe mandeꞌaono Amano mpahinomo Anano, bhe kosasawindo mie neꞌundaꞌaono Anano Lahataꞌala damandeꞌao Amano.

Matius 16:28

Amohatokoomu, kotu-kotuꞌu ne olotando mie meehe-eheno aitu nandoo so pataꞌo mateno, ane pae daoha kadeki Anano Manusia namai naembali Omputo weo Kafopahintaꞌano.”

Matius 26:64

Ambano Yesus, “Ingka pedamo pugaumu itu. Ampamo kaowu amohatoko, notanda aitu mohaomu Anano Manusia naengkoha ne suanano Lahataꞌala kokuasano, mohaeꞌomu namai te wunta-wuntano olu te lani.”

Lukas 10:22

Kosasawiꞌae padamo nowaꞌa kanaꞌe Amaku. Miina bhe mandeꞌaono Anano Lahataꞌala mpahinomo Amano. Miina dua bhe mandeꞌaono Amano mpahinomo Anano, bhe kosasawindo mie neꞌundaꞌaono Anano Lahataꞌala damandeꞌao Amano.”

Yohanes 13:3

Yesus nopandeꞌaane Amano padamo nowaꞌane bhahi-bhahiꞌae kapooli. Nopandeꞌaane dua Anoa nomaiꞌao ne Lahataꞌala maka nasumuli dua ne Lahataꞌala.

Yohanes 17:2

Kapaꞌamo ingka Anamu padamo waꞌane kuasa ne kosasawindo manusia, neanomo Anamu namaꞌanda dadi suhue dhamani ne kosasawindo manusia toka newaꞌaomu ne Anoa.

Yohanes 3:31

Anoa maiꞌaono te wawo, nofewawo bhahi-bhahiꞌae. Anoa maiꞌaono we dhunia mieno dhunia, pugauno wambano dhunia. Anoa maiꞌaono te surugaa nofewawo bhahi-bhahiꞌae.

Yohanes 3:35

Amano noasiꞌao Anano sampe kosasawiꞌae kuasa nofopuliemo ne Anano.

Tula-tulando rasulu 10:36

Ingka pandeꞌaanemoomu bhihita nefosampeno Lahataꞌala ne miendo Israel. Bhihita metaa naꞌa nofofohatoꞌao pometaaꞌano manusia bhe Lahataꞌala neowano Yesus Kristus, Ompundo kosasawindo manusia.

Tula-tulando rasulu 2:36

Dadiꞌanomo kosasawindo miendo Israel tabeano mandeꞌaaneomu kotu-kotuꞌu putae Yesus nosangkeemo Lahataꞌala nembali Ompu bhe Mesias, Omputo Fosalamatino. Yesus ini padamo kantaiꞌeomu te sau salipu.”

Roma 14:9

Kapaꞌamo ingka anaꞌaemo kamateꞌano bhe kawanuꞌano Kristus, neanomo naembali Ompundo mie dumadi bhe mie mate.

1 Korintus 15:27

Kapaꞌamo ⸤ notibuhi weo Kitabi⸥ , “Bhahi-bhahiꞌae padamo nofolongkoe te wawono aꞌeno.” Ane notibuhi putae bhahi-bhahiꞌae nofolongkoe te wawono aꞌeno, maka nentaleamo miina natilentua wutono Lahataꞌala molongkono bhahi-bhahiꞌae naꞌa.

Kolose 2:10

Weo kaseꞌisemiu bhe Anoa, dadimiu nosangkamo dua, kapaꞌamo Kristus mefotuꞌaonomo sabhaha rohi mahintano bhe kokuasano.

Ibrani 1:2

Ne pandano dhamani ini Lahataꞌala nokobhoasao ne intaodiomu noangkamo ne Anano. Anoamo toka nefotantuno mbali kohakuꞌaono bhahi-bhahiꞌae ndumandooꞌano. Noangkamo dua ne Anano ini, Lahataꞌala nofokonandoo alamu bhalano.

Ibrani 2:8

Bhahi-bhahiꞌae ne alamu ini fokuasaane, padamo folongkoda ne wawono aꞌeno.” Ane peda anaꞌa, nokomaꞌana bhahi-bhahiꞌae nofokuasaandae Lahataꞌala ne manusia, miina bhe tapa nekuasaindo. Tamaka ampa aitu miinaꞌo daohaomu manusia kumuasaino bhahi-bhahiꞌae ini.

1 Petrus 3:22

Ampa aitu Kristus nofonimo te surugaa, nengkoha ne suanano Lahataꞌala. Kosasawindo malaꞌekati bhe sabhaha mintahano kuasa bhe kafeompuꞌa dotuhumo ne Anoa.

Powoha 11:15

Pada aitu malaꞌekati kapipituno nobusomo duhuleleno maka notifetingkemo suaha-suaha mohaaꞌi sepaliꞌa weo surugaa, ambado, “Kuasa kafopahintaꞌano dhunia nointahaemo Ompuntoomu bhe Mesias Omputo Fosalamatino, Anoa namahinta nada omputo ampa suhue dhamani.”

Powoha 17:14

Andoa dapopahisa bhe Anano Dhumba, tamaka Anano Dhumba natumaloda hampano Anoa Kafeompuꞌandomo sabhaha kafeompuꞌa bhe Omputo sabhaha omputo. Anano Dhumba naꞌa daposabhangkaane mie nesaliꞌino, nepilino bhe tiparasaeano.”

Powoha 19:16

Ne dhubano bhe ne faꞌano notibuhi nea peda aini, Omputo sabhaha omputo, Kafeompuꞌandomo sabhaha kafeompuꞌa.