Matius 27:63 - Muna Southern Dialect

⁶³ Ambado, “Waompu, tafeꞌulai pugauno fobhohe-bhoheꞌino maitu wakutuu nandoo nodadi. Ambano ne katolu oleono namanumo maiꞌao ne mate.

Matius 27:63 Iomraidhean Croise

Matius 16:21

Notandamo wakutuu anaꞌa Yesus nofohatomo anaguhuꞌino mentalea-mentalea, putae Anoa tetewei nakumala we Yerusalem. Ne itu naobhahi naeꞌawa kakadee-dee maiꞌao ne kamungkulaꞌi, neangkaꞌindo imamu bhe pande-pande Kitabi. Andoa damongkoe, tamaka ne katolu oleono namanu namaiꞌao ne mate.

Matius 17:23

Andoa maitu damongkoe tamaka ne katolu oleono namanu maiꞌao ne mate.” Dofetingke peda naꞌa anaguhuꞌino nokompeaha sepaliꞌa lalondo.

Matius 20:19

Anoa damowae ne bansano liwu suano Yahudi, damele-elee, dahumambisiane habuta bhe dakumantaiꞌe te sau salipu. Tamaka ne katolu oleono namanu namaiꞌao ne mate.”

Matius 26:61

ambado, “Mie aini nopugau namondoiꞌe nahumungga Lambuno Lahataꞌala, maka ne katolu oleono namooliemo dua namoehee.”

Matius 27:64

Dadiꞌanomo fotudumo dadhumagani metaaꞌe kobuhuno ampa tolu oleo ini. Ane paise bhahasaa domai anaguhuꞌino dambolaku maeatino maka damugau ne raꞌeati putae Yesus maitu nowanumo maiꞌao ne mate. Ane nada naꞌa, kabhohe-bhoheꞌi mbuhumaino ini nasedhuluꞌa dua kadahasino bhe maꞌinduluꞌano.”

Matius 28:6

Miinamo bhe anoa ne ini. Nowanumo maiꞌao ne mate pedamo pugauno endefiꞌini. Mai ondoeꞌomu kandoleꞌano.

Markus 10:34

Andoa naꞌa damele-elee, dakumapehasie, dahumambisiane habuta maka damongkoe. Tamaka ne katolu oleono nadumadimo toha.”

Markus 8:31

Nopalusi anaꞌa Yesus notandamo nofohato anaguhuꞌino ambano, “Anano Manusia - Idimo ini - tetewei nabhahi naenamisi kakadee-dee. Anoa dabansie kamu-kamungkulaꞌi, neangkaꞌindo imamu bhe pande-pande Kitabi. Damongkoe, tamaka ne katolu oleono nadumadimo toha.”

Markus 9:31

mbaꞌinomo nandoo nofoinaꞌu anaguhuꞌino. Ambano, “Anano Manusia - Idimo ini - damowae ne limando mie kokuasano, maka damongkoe. Tamaka ne katolu oleono nadumadimo toha.”

Lukas 18:31

Pada anaꞌa Yesus nosaliꞌimo anaguhuꞌino ompulu hoduano maka nofohatoda ambano, “Aitu dokalaomu we Yerusalem. Ne naꞌa kosasawiꞌae nebuhindo ana-anabii mulaoꞌaono Anano Manusia - Idimo ini - nakoꞌulamo.

Lukas 18:33

Anoa maitu damepekie bhe damongkoe tamaka ne katolu oleono namanu namaiꞌao ne mate.”

Lukas 23:2

Dohato dosangkatiemo ambado, “Tahatofie mie aini nefekakolilino raꞌeati mani, pakade noꞌeleꞌa kainsami tatumanduao sewa ne Omputo Kaisar. Anoa nokona dua wutono Kristus, maꞌanano Omputo Fosalamatino.”

Lukas 9:22

Nopugaumo Yesus ambano, “Anano Manusia tetewei nabhahi naenamisi kakadee-dee bhe dabansie kamu-kamungkulaꞌi, neangkaꞌindo imamu bhe pande-pande Kitabi, damongkoe maka ne katolu oleono namanu namaiꞌao ne mate.”

Yohanes 2:19

Yesus notobhoosida ambano, “Hunggaeꞌomu Lambuno Lahataꞌala ini maka namooli tolu oleo atumokaemo dua amoehee.”

Yohanes 7:12

Dobhahi raꞌeati mekamu-kamuntuno sadhia dopulaoꞌao Anoa. Nandoo mugauno, “Anoa maitu mie metaa.” Nandoo dua mugauno, “Miina, Anoa maitu nefekakolilino raꞌeati.”

Yohanes 7:47

Ambado miendo Farisi ne andoa, “Bhahaa hintimiu nofekakolilinokoomu dua?

2 Korintus 6:8

dofosibhala kainsami tamaka dofekaꞌaebu kainsami dua, doꞌumbu kainsami tamaka dopudhi kainsami dua, mahinggamo nelaa lalo mani dofisikopahai kainsami;