Matius 27:51 - Muna Southern Dialect

⁵¹ Gahaꞌa tambaꞌomo kai bhalano mbali kahondomi weo Lambuno Lahataꞌala nopobhensi maiꞌao te wawo ampa we panda. Tanonandoomo dua lualino wite, nokosaka-saka bhe kabhawondo kontu.

Matius 27:51 Iomraidhean Croise

Matius 27:54

Neangkando tantara bhe tantara dhumaganino Yesus doteꞌi sepaliꞌa dowoha lualino wite bhe sabhaha kumadhadhiaꞌano sampe dopugau ambado, “Kotu-kotuꞌu mie aini Anano Lahataꞌala.”

Matius 28:2

Gahaꞌa tambaꞌomo nandoo luali moꞌosa, mbaꞌinomo seemie malaꞌekatino Ompu nosampu nomaiꞌao te surugaa, nokala nodole kontu kasongkono kobuhu maka nengkoha te wawo.

Markus 15:38

Wakutuu anaꞌamo dua kai bhalano mbali kahondomi weo Lambuno Lahataꞌala nopobhensi nomaiꞌao te wawo ampa we panda.

Lukas 23:45

kapaꞌamo oleo miina nakotilangaa. Kai bhalano mbali kahondomi weo Lambuno Lahataꞌala nopobhensi nopofelabunta.

Lukas 23:47

Nowoha kadhadhia anaꞌa neangkando tantara nopudhi nofekakalabhia Lahataꞌala ambano, “Kotu-kotuꞌu anoa ini mie banara!”

Ibrani 6:19

Kaposahunaꞌaontoomu maitu tapedamo matano kai ⸤ labuno kapala⸥ , nembali kafintahaꞌa motangka bhe tumohopono so alusuntoomu. Kaposahunaꞌao maitu nohato ampa we sembalino kai bhalano kahondomino Boloku Foliuno Kangkilo ⸤ we Lambuno Lahataꞌala te surugaa⸥ .

Ibrani 9:3

Nandoo dua seꞌonu boloku we sewetano anaꞌa, dohondomiane dua kai bhalano; boloku aini dokonae Boloku Foliuno Kangkilo.

Powoha 11:13

Wakutuu aitu dua tambaꞌomo nandoo luali bhalano, sekaompulu dawuꞌa kota nosansamo. Dofitu hewu mateno mbaꞌinomo luali anaꞌa; mie sigaoꞌano doteꞌi sepaliꞌa sampe dofekakalabhia Lahataꞌala te surugaa.

Powoha 11:19

Tanotilengkamo dua Lambuno Lahataꞌala te surugaa, notiwohamo dua sohongano podhandiꞌa weo Lambuno Lahataꞌala naꞌa. Gahaꞌa wakutuu aitu dua nokobhibhito, nokopisibhela, nokoguntu, nokoluali, bhe nosampu use ngkobhatu nobhie sepaliꞌa.