Matius 27:4 - Muna Southern Dialect

⁴ bhe nopugau ambano, “Ingka akodhosamo aeowangkoomu heano mie tapa kokaꞌala.” Tamaka tadotobhoosi ambado, “Ingka suano nepandeꞌao mania, nopulimo ne wutomu!”

Matius 27:4 Iomraidhean Croise

Matius 27:19

Tangasano Pilatus nengkoha-ngkoha ne kaengkohaꞌa kaebhotusiꞌa parakara, nohatomo kaowili maiꞌaono ne mieno lambuno, ambano, “Fosipuli wutomu ne parakarano mie pata kokaꞌalano maitu, kapaꞌamo mohondo weo nifiku akadee-deeanemo.”

Matius 27:54

Neangkando tantara bhe tantara dhumaganino Yesus doteꞌi sepaliꞌa dowoha lualino wite bhe sabhaha kumadhadhiaꞌano sampe dopugau ambado, “Kotu-kotuꞌu mie aini Anano Lahataꞌala.”

Lukas 23:22

Tolu pakuꞌaomo aini Pilatus nopugau ambano, “Tamaka habu modai medando ae gahaꞌa nehabuno mie aini? Ingka miina sepaliꞌa apoꞌawaꞌao kaꞌala so mantasiꞌano damongkoe. Dadiꞌanomo amepekie maka amolapae.”

Lukas 23:41

Ampamo kaowu intaodi ini nopantasimo detahima kahukumu hampano kabhoosinomo habunto, tamaka mie aini miina sepaliꞌa nakokaꞌalaa.”

Lukas 23:47

Nowoha kadhadhia anaꞌa neangkando tantara nopudhi nofekakalabhia Lahataꞌala ambano, “Kotu-kotuꞌu anoa ini mie banara!”

Yohanes 19:7

Ambado miendo Yahudi, “Insaodi bhe tubhono agama mani; ane damangkafi tubho anaꞌa, tetewei namate mbaꞌinomo nokona wutono Anano Lahataꞌala.”

Tula-tulando rasulu 13:28

Mahinggamo miina daeꞌawa tingku so katipongkoꞌano sadaa-daa desalo ne Pilatus damongkoe.

Roma 3:19

Tamaka dopandeꞌaaneomu bhahi-bhahiꞌae tibuhino weo Kitabino tubhono agama Yahudi mbali mie dumadino weo tubhono agama naꞌa. Pedamo anaꞌa kosasawindo manusia paemo dakowobhaa ⸤ dapotunduꞌao wutondo ne wiseno Lahataꞌala⸥ , kapaꞌamo kosedhuniaꞌae ini nabhotusie Lahataꞌala.

1 Timotius 4:2

Kafoinaꞌu anaꞌa dofolelee mie mehaaꞌulano. Andoa miinamo damande dapofelesaoꞌao metaaꞌano bhe modaiꞌano, kao-kaomo totono lalondo kumatanga-tangano dofodapaanemo uti ngkamala-mala.

Titus 1:16

Andoa dopugau ne mie bhaindo dopandeꞌao Lahataꞌala tamaka hampano habundo nopotagali bhe wambado naꞌa, ingka nentaleamo miina damandeꞌao Lahataꞌala. Andoa dotimohaku, miina daeangka ne katangahi, miina dua damooli dehabu metaaꞌano.

Ibrani 7:26

Imamu Bhalano pedandomo anaꞌa nefaraluuntoomu: Anoa mie mongkilo, miina nakodhosaa, miina nakodengo-dengoa, nopogaati bhe mie kodhosa, dosangkee te surugaa te wawono wawo.

1 Petrus 1:19

tamaka fofoliuꞌano kaꞌali, tuhuno heano wutono Kristus. Anoa nembalimo peda dhumba nesumbele tapa kodengo bhe tapa kosakino.

1 Yohanes 3:12

Koise dembaliomu peda Kain, o anano Kafeompuꞌando seetani sampe nopongko aino wutono. Noafa katipongkoꞌano? Dhohono habuno sanea habu modai, tamaka habuno aino sanea habu metaa.

Powoha 11:10

Mie meateno we dhunia daoꞌiaꞌao matendo bhe naowula sepaliꞌa lalondo sampe dohame-hame bhe dopopaka-pakatuꞌao kawaꞌao, mbaꞌinomo kohoduando anabii maitu dosikisaa mpuu mie meateno we dhunia.