Matius 27:32 - Muna Southern Dialect

³² Tangasano dohope we simbalino kota, dopoꞌawaꞌaomo seemie miendo Kirene koneaꞌano Simon. Tantara dofosuhu mie aitu natumongku sau salipuno Yesus.

Matius 27:32 Iomraidhean Croise

Matius 16:24

Pada peda maitu Yesus nopugau ne anaguhuꞌino, “Laꞌae maka so mangkafi kanau tabeano nahumunsa kafaraluuno wutono, natumongku sau salipuno ⸤ maꞌanano doꞌunda mahingga damate⸥ maka namangkafi kanau.

Matius 5:41

Ane seemie kafeompuꞌa nofosuhuko tumongkuane wowoꞌono nasekilo kakodoꞌono, poangkafiane nahaa kilo.

Markus 15:21

We laano sala nandoo seemie lumalono koneaꞌano Simon. Simon ini miendo Kirene, amando Aleksander bhe Rufus. Anoa ini kaneꞌo nosuli nomaiꞌao we simbalino kota, lasao dofosuhue natumongku sau salipuno Yesus.

Lukas 23:26

Wakutuuno dowowoꞌo Yesus we sembalino kota, detaangimo seemie koneaꞌano Simon miendo Kirene maka dofotongkuane sau salipuno Yesus bhe dotudue namangkafie. Anoa ini kaneꞌo nosuli maiꞌao we simbalino kota.

Yohanes 19:17

Poowa notongku sau salipuno, Yesus nolimbamo we simbalino kota nohope te kabhawo nekonando Kaꞌuada. Weo wamba Ibrani dokonae Golgota.

Tula-tulando rasulu 11:20

Ne olotando andoa maitu nandoo dua miendo Siprus bhe miendo Kirene humatono we Antiokia. Andoa ini dopuga-pugau dua ne mie suano Yahudi dofohatoanda Bhihita Metaa putae Yesus maitu o Ompu.

Tula-tulando rasulu 13:1

Wakutuu anaꞌa ne olotando umati marasaeano we Antiokia nandoo seemie hodua anabii bhe guru. Andoa naꞌa dokonada Barnabas, Simeon nekonando dua Niger, Lukius miendo Kirene, Menahem bhe Saulus. Menahem ini nandoo kahobuno dodambaꞌaane poowa-owa bhe kolaki Herodes.

Tula-tulando rasulu 2:10

Frigia bhe Pamfilia, miendo Mesir bhe kadieno Libia pomaꞌotiꞌano bhe kotano Kirene, mie humato maiꞌaono we Roma,

Tula-tulando rasulu 6:9

Tamaka nandoo dua mewangie. Andoa ini umatino Yahudi nekonando umati Libertini (maꞌanano bhatua nefobebasi), domaiꞌao we kotano Kirene bhe kotano Aleksandria. Doseꞌise bhe miendo Yahudi maiꞌaono we kadieno Kilikia bhe Asia maka domai dopotagali bhe Stefanus ⸤ hampano miina damarasaea putae Yesus Omputo Fosalamatino⸥ .

Tula-tulando rasulu 7:58

Dobulue we simbalino kota maka dobhatumbuliane kontu. Sakusii andoa ini dolembisi dhubando maka dohunsae ne wiseno seemie anaꞌi moꞌane koneaꞌano Saulus.