Matius 27:2 - Muna Southern Dialect

² Dadiꞌanomo Yesus dokatapuanemo hante maka dowowoꞌoe, dofoowae ne wiseno Pilatus, gubernur ne kadie aitu.

Matius 27:2 Iomraidhean Croise

Matius 20:19

Anoa damowae ne bansano liwu suano Yahudi, damele-elee, dahumambisiane habuta bhe dakumantaiꞌe te sau salipu. Tamaka ne katolu oleono namanu namaiꞌao ne mate.”

Matius 28:14

Ane nametingke gubernur, madaꞌo tamohatoe insaodi so nomaluꞌao lalono, keana nokakenda-kenda handamiu.”

Lukas 13:1

Wakutuu anaꞌa dohatomo seemie hodua ne Yesus. Andoa ini deowaane bhihita miendo Galilea nepongkono Pilatus tangasano deowa kapopanga ne Lahataꞌala, heando noposalomo bhe heano kadadi nesumbelendo mbali kapopanga.

Lukas 20:20

Pande-pande Kitabi bhe neangkaꞌindo imamu dokaꞌo-kaꞌondo Yesus. Detuduanemo mata-mata woha-wohaꞌano mie melaano lalo, so dametandoꞌao alano wambano. Patudhundo neanomo naembali dahumakoe maka daowae ne limano gubernur, mintahano kuasa bhe kabhotusi weo liwu.

Lukas 23:1

Kosasawindo Sahano Agama naꞌa doehemo maka doowa Yesus se Pilatus.

Lukas 23:12

Notandamo oleo aitu Herodes bhe Pilatus doposabhangkamo; kumundoꞌano sadhia dopowengke.

Lukas 3:1

Ompulu lima taꞌumo Tiberius nembali Omputo Kaisar. Taꞌu anaꞌa dua Pontius Pilatus gubernur ne kadieno Yudea, Herodes noowa kadieno Galilea, Filipus bhahitieno Herodes noowa kadieno Iturea bhe kadieno Trakonitis, bhe Lisanias noowa kadieno Abilene.

Yohanes 18:12

Pada anaꞌa taguando tantara bhe neangkando dopoowa bhe dhagaꞌi katuduno miendo Yahudi dohakomo Yesus maka dokatapue.

Yohanes 18:24

Pada anaꞌa Hanas nofotudumo damowa Yesus ne Imamu Bhalano Kayafas, daa-daaꞌe bhe katapuno.

Yohanes 18:28

Nandoo same-samentaeno dowowoꞌomo Yesus maiꞌao we lambuno Kayafas we kamalino gubernur. Miendo Yahudi dokiido damesua weo kamali naꞌa, keana dokodengo weo tubhono agamando. Kapaꞌamo gaondo daomaa haroano Paska.

Tula-tulando rasulu 12:6

Nengke naewine Herodes nabhitahakie te wisendo mie bhahi, alo aitu Petrus noodo dopoꞌolotaane dohodua tantara. Anoa dotapuane hante haa honda. Nandoo dua tantara sigaoꞌano dodhaga ne wiseno fointo.

Tula-tulando rasulu 21:33

Panglima naꞌa nomaꞌoti Paulus, lasao nohakoe maka notududa datumapuane hante haa honda poowa nofeena bhahaꞌi laꞌae mie amaitu bhe nehabu ae.

Tula-tulando rasulu 22:25

Tamaka hato dokatapue maka dahumambisiane habuta, Paulus nopugaumo ne tantara meehe-eheno ne itu, “Gahaꞌa nembali mepepekiomu warga negarano Roma? Pakade miinaꞌo dabhitahakiea.”

Tula-tulando rasulu 22:29

Tantara so humambisiane habuta lasao dosowo. Sadopandeꞌaane kaowu Paulus netapundo maitu warga negarano Roma, panglima maitu noteꞌimo dua.

Tula-tulando rasulu 24:27

Tamaka nopalusi haa taꞌu, gubernur Feliks nobhoosiemo Perkius Festus. Tamaka mbaꞌinomo Feliks namala-ala lalondo miendo Yahudi, Paulus sadaa-daaꞌe notaangie weo katohongku.

Tula-tulando rasulu 28:20

Katisaliꞌiꞌamiumo apoindalo apoꞌawa bhe apuga-pugau bhe hintimiu, kapaꞌamo katihanteꞌaku ini hampano Omputo Fosalamatino nentaa-ntaando miendo Israel.”

Tula-tulando rasulu 3:13

Lahataꞌalano Abraham, Ishak bhe Yakub, Lahataꞌalando awuaꞌintoomu nofekakalabhiamo Yesus palima-limano. Yesus ini owaeꞌomu ne kolakino liwu, tamaka mahinggamo Pilatus nokopatudhu namolapae, hintimiu mongaheꞌieꞌomu.

Tula-tulando rasulu 4:27

Nopokantibhamo bhe anaꞌa Herodes bhe Pontius Pilatus, mie maiꞌaono ne sabhaha bansano liwu bhe miendo Israel dohompumo ne kota ini dopugau-gau doewangi Yesus palima-limamu mongkilono, nesangkemu mbali Omputo Fosalamatino.

Tula-tulando rasulu 9:2

nesalo suha kuasa. Suha anaꞌa namowae ne kamungkulaꞌi mandeꞌaono lambu kasambaheaꞌando miendo Yahudi we kotano Damsyik. Patudhuno ane napoꞌawaꞌao mie mangkafino Kaangkaꞌano Ompu Yesus namoꞌane nahobhine, naembali nahumakofida maka namosulida we Yerusalem.

1 Timotius 6:13

Aitu, ne wiseno Lahataꞌala maꞌaono dadi ne sabhaha ndumandoono, ne wiseno dua Kristus Yesus mada sumakusiiꞌaono kabanara ne Pontius Pilatus, aefeꞌulaiangko:

2 Timotius 2:9

Kakadee-deeꞌaku ini ingka mbaꞌinomo foleleꞌano Bhihita Metaa, bhahamoa sampe dogogantu kanau hante peda mie modai. Gahaꞌaitu bhoasaono Lahataꞌala miina natitaangia.

Ibrani 13:3

Feꞌulaidaomu mie weo katohongku kao-kaomo hintimiu itu titohongkuomu dua bhe andoa. Feꞌulaidaomu mie nefompina-mpina kao-kaomo hintimiu dohabukoomu dua peda anaꞌa.