Matius 26:55 - Muna Southern Dialect

⁵⁵ Pada aitu Yesus nopugau ne mie bhahi ambano, “Kona kanauꞌomu mie modai gahaꞌa sampe metaguomu kampue bhe kawangku maka humako kanauꞌomua? Ingka seꞌo-seꞌoleo aengkoha-ngkoha afofoinaꞌu weo Lambuno Lahataꞌala, tamaka miina humako kanauꞌomu.

Matius 26:55 Iomraidhean Croise

Matius 21:23

Yesus nopesuamo toha weo Lambuno Lahataꞌala. Tangasano nofofoinaꞌu ne itu domaimo neangkaꞌindo imamu bhe kamu-kamungkulaꞌindo Yahudi dofeena ambado, “O ae gahaꞌa kaengkohaꞌano kuasa mehabu sabhaha timenteꞌaono maitu? Nofopooliko laꞌae bhahaa?”

Matius 26:47

Tangasano Yesus nopugau, nohatomo Yudas, seemie maiꞌaono ne anaguhuno ompulu hoduano. Yudas maitu nohato nopoowa bhe mie bhahi metaguno kampue bhe kawangku. Mie bhahi naꞌa dotududa neangkaꞌindo imamu bhe kamungkulaꞌindo Yahudi.

Markus 10:1

Nomaiꞌao ne itu Yesus nokalamo we kadieno Yudea bhe kadie we sewetano umeleno Yordan. Mie bhahi domaimo toha dolibue. Peda kaneano, Yesus nofoinaꞌudamo toha.

Markus 12:35

Sepaku tangasano nofofoinaꞌu weo Lambuno Lahataꞌala, Yesus nofeenamo ambano, “Noafa gahaꞌa pande-pande Kitabi dokonaꞌao Mesias sampuꞌano Daud?

Lukas 19:47

Seꞌo-seꞌoleo Yesus nofofoinaꞌu weo Lambuno Lahataꞌala. Neangkaꞌindo imamu, pande-pande Kitabi bhe neangkaꞌindo miendo Yahudi deꞌondofi akala damongkoe.

Lukas 20:1

Seꞌoleo Yesus nefoinaꞌu mie bhahi weo Lambuno Lahataꞌala bhe nofohatoanda Bhihita Metaa. Gahaꞌa dohatomo dua neangkaꞌindo imamu, pande-pande Kitabi bhe kamu-kamungkulaꞌindo Yahudi.

Lukas 4:20

Pada nebasa nosongkoemo, nofosulie ne dhagano lambu kasambaheaꞌa naꞌa maka nengkoha nafofoinaꞌu. Kosasawindo mie weo lambu kasambaheaꞌa dosemata-mata ne Anoa.

Yohanes 7:14

Ne pofelabuntaꞌano hohaeaꞌa naꞌa, gahaꞌa Yesus tadua nopesuamo weo Lambuno Lahataꞌala maka nofofoinaꞌu ne itu.

Yohanes 7:28

Tangasano Yesus nofofoinaꞌu weo Lambuno Lahataꞌala nopugau ampa kabhalano suahano, “Kotu-kotuꞌu pandeꞌa kanauꞌomu gahaꞌa? Pandeꞌaaneomu dua kamaiꞌaoꞌaku? Ampamo kaowu kahatoꞌaku suano kapoindaloku Wutoku, tamaka notudu kanau Lahataꞌala. Anoamo banarano, gahaꞌa miina mandeꞌaaneomua.

Yohanes 8:2

Same-samentaeno nohatomo toha we Lambuno Lahataꞌala. Kosasawindo raꞌeati domai se Anoa, dadiꞌanomo nengkohamo maka nofoinaꞌuda.

Yohanes 8:20

Kosasawiꞌae naꞌa nopugauane Yesus wakutuuno nofofoinaꞌu weo Lambuno Lahataꞌala ne owano sohongano sadhakaa. Tamaka bhe seemie miina bhe humakoe hampano miinaꞌo nahumato tempono.