Matius 26:38 - Muna Southern Dialect

³⁸ Nopugau ne anaguhuꞌino totoluno maitu, “Nokompeaha sepaliꞌa laloku, kao-kaomo amatemo. Mengkoha-ngkohaomu ne ini, mekambotoomu bhe kodhagaomu pobhai kanauꞌomu.”

Matius 26:38 Iomraidhean Croise

Matius 25:13

Dadiꞌanomo kodhagaomu, kapaꞌamo miina mandeꞌaaneomua oleono bhe tempono.”

Markus 14:34

Ambano, “Nokompeaha sepaliꞌa laloku, kao-kaomo amatemo. Mengkoha-ngkohaomu ne ini, mekambotoomu bhe kodhagaomu!”

Yohanes 12:27

Aitu nosabha handaku. Miina amandeꞌaanea apugauꞌao ae bhahaa. Ane apugau, ‘Ama, folapa kanau ne tempono kakadee-dee aini’, tamaka ingka kamaiꞌaku anumamisi kakadee-dee aini.

Roma 8:32

Sanginomo Anano wutono ingka miina naooloanea noowae dopongkoe so kasalamatiꞌantoomu, bhemo toha bhahi-bhahiꞌae sigaoꞌano, bhahaa pae nafowaꞌanea?

2 Korintus 5:21

Kristus tapa mehabuno dhosa, padamo nofoseꞌisee Lahataꞌala bhe manusia kodhosa, neanomo weo kaseꞌisentoomu bhe Kristus nafotahima Lahataꞌala peda mie banara.

Galatia 3:13

Tamaka Kristus padamo nofobebasi kaitaomu maiꞌao ne balaano tubhono agama Yahudi, kapaꞌamo notibuhi weo Kitabi, “Nobalaamo mie nekantai te sau salipu.” Dadiꞌanomo Anoamo tumanggoino balaa so intaodiomu.

1 Petrus 2:24

Mbadhano wutono Kristus notongkue bhahi-bhahiꞌae dhosantoomu, sampe dokantaiꞌe te sau salipu. Patudhuno neanomo intaodiomu dabebasiomu maiꞌao ne kuasano dhosa bhe dadintoomu naposahataa bhe kapoindalono Lahataꞌala. Ingka kakowembe-wembenomo mbadhano Kristus mekaꞌuhikoomu.

1 Petrus 3:18

Kapaꞌamo wutono Kristus nomateꞌao dhosantoomu, sepaku kaowu so suhue dhamani. Anoa mie banara nomateꞌao mie modai. Kamateꞌano ingka so natumondaꞌao hintimiu ne Lahataꞌala. Mbadha kamanusiano dopongkoe, tamaka Rohino Lahataꞌala nofowanue maiꞌao ne mate.

1 Petrus 4:7

Kafetompaino bhahi-bhahiꞌae nomaꞌomo. Dadiꞌanomo fewanakie wutomiu bhe kodhagaomu, netaaꞌao sambaheaꞌomu.