Matius 26:10 - Muna Southern Dialect

¹⁰ Tamaka Yesus nopandeꞌaane fekihindo sampe nopugau ambano, “Noafa gahaꞌa hobhine aini fekasabhaaneomu? Ingka anoa ini nohabu metaa ne Idi.

Matius 26:10 Iomraidhean Croise

Matius 26:11

Mie mokae sadhia dapobhai bhe hintimiu, tamaka Idi ini pae aeate kansuhu bhe hintimiua.

Matius 26:9

Kapaꞌamo mina-mina aitu noꞌali sepaliꞌa, feꞌemo naembali damasoe maka olino damaꞌandae mie mokae.”

Markus 14:6

Tamaka Yesus nopugaumo ambano, “Hunsaꞌanomo! Noafa gahaꞌa fekasabhaaneomu? Anoa ini nehabu kanau giu metaaꞌano.

Lukas 8:49

Tangasano Yesus nopugau, nohatomo seemie katudu maiꞌao we lambuno Yairus bhe nopugau ambano, “Anamu nomatemo, koemo dua fekasabha Gurua.”

2 Korintus 9:8

Maka Lahataꞌala nokokuasa namaꞌangkoomu sabhaha kabarakatino napontalabhi-labhi, sampe sabhaha kafaraluu weo dadimiu sadhia napokapo-kapo, bhahamoa tanakolabhimo so mehabuꞌaoꞌomu sabhaha metaaꞌano.

Galatia 1:7

Sakotuꞌuꞌano bhihita aitu suano Bhihita Metaaꞌa, ampamo kaowu nandoo mebhansu-bhansuleno Bhihita Metaa neowano Kristus, patudhuno dahumungga totono lalomiu.

Galatia 5:12

O mie humunggano fekihimiu itu bhe dapokasuna-suna, selabhiꞌaku daꞌumoliumo wutondo.

Galatia 6:17

Panda-pandano, koemo bhe mosabha kanaua, hampano bhemo ponteno ne uluku inia, katandaino idi ini fehebuaꞌano Yesus.

Efesus 2:10

Intaodiomu ini kahabuno Lahataꞌala. Noangka ne Kristus Yesus, Lahataꞌala nofokonandoo kaita so dahumabu metaaꞌao peda nefontaa-ntaano wawo so intaodiomu.

Kolose 1:10

Ane nada naꞌa, dadimiu namantasimo peda mie mangkafino Ompu bhe mekaꞌiano lalono Lahataꞌala. Kobhakeomu weo habu metaamiu, sampe sedhuluꞌa dua mandeꞌaoꞌomu Lahataꞌala.

1 Timotius 3:1

Nokotuꞌu mpuu bhoasao aini: mie mobhalano lalo naembali neangkando umati nepoindalo kahadhaa mokesa.

1 Timotius 5:10

Weo dadino tabeano notiende-ende o hobhine humabu metaano, ibahano padamo nofekabhala metaada anaꞌino, nolalesa lalono nefotiampe mie ne lambuno, noꞌondofao umati marasaeano peda seemie kantudu-ntudu, netulumi mie mosabha, tangkanomo nokampuu-mpuu nohabu metaaꞌano.

2 Timotius 2:21

Ane seemie nofekangkilo wutono ne sabhaha modaiꞌano, anoa itu tapedamo kaenteiꞌa so kafaraluuno hame bhalano saꞌituini, ingka padamo dofekangkiloe. Anoa nokofahalaa so kafeompuꞌano, nomantaa-ntaamo so sabhaha kahadhaa metaa.

Titus 1:16

Andoa dopugau ne mie bhaindo dopandeꞌao Lahataꞌala tamaka hampano habundo nopotagali bhe wambado naꞌa, ingka nentaleamo miina damandeꞌao Lahataꞌala. Andoa dotimohaku, miina daeangka ne katangahi, miina dua damooli dehabu metaaꞌano.

Titus 2:14

Anoa padamo noowa Wutono sampe dopongkoe so intaodiomu, mbali nofofobebasiꞌao maiꞌao ne sabhaha podiu modai. Patudhuno dua naefokonandooꞌao umati mongkilono, so fehebuaꞌano Wutono, umati mokokosono humabu metaano.

Titus 3:1

Mefeꞌulaianda umatimu, datumuhu ne pamarinta bhe mie kokuasano, daeangka ne pahintando bhe sadhia damantaa-ntaa daehabu metaaꞌano.

Titus 3:14

Mientoomu tabeano dapoguhu dua dakumahadhaa metaaꞌano so kafaraluundo mentae mohondo, koe dembali mie tapa kofahalaa.

Titus 3:8

Wamba aini nokotuꞌu. Gaoku mpuu fohatoandae kosasawiꞌae ini bhe fekagilie katangahimu, neanomo kosasawindo marasaeano ne Lahataꞌala kotu-kotuꞌu daꞌumulei lalondo dahumabu metaaꞌano. Kapaꞌamo aitumo metaaꞌano bhe kofahalaaꞌano mbali manusia.

Ibrani 13:21

Sio-siomo Lahataꞌala kamaiꞌaoꞌano katohopono dadi, namosangkaangkoomu sabhaha metaaꞌano so dhumalangiꞌaoꞌomu kapoindalono. Sio-siomo dua weo dadintoomu Lahataꞌala naehabu podiu mekaꞌiano lalono, namangka ne Yesus Kristus. Notifekakalabhia Kristus ampa suhue dhamani. Amin.

1 Petrus 2:12

Ehe mengkohamiu ne olotando mie tapa marasaeano ne Lahataꞌala tabeano naetaa sepaliꞌa, neanomo ane dakumonakoomu mie modai, ingka damohaꞌao wutondo sabhaha habu metaamiu. Dadiꞌanomo ne oleo kahatoꞌano Lahataꞌala andoa damekakalabhiaꞌe dua.