Matius 25:40 - Muna Southern Dialect

⁴⁰ Omputo anaꞌa natumobhoosi ambano, ‘Amohatokoomu, kotu-kotuꞌu sabhaha nehabumiu ne bhahitieku foliuno kandidiki ini, ingka nopototomo habueꞌomu ne Idi.’

Matius 25:40 Iomraidhean Croise

Matius 10:40

Laꞌae tumahimakoomu, notahimamo dua Idi; maka laꞌae tumahimano Idi, notahimamo Anoa tumudu kanau.

Matius 10:42

Laꞌae fowaꞌaono oe kafohoꞌu mahingga nasekampohoꞌuꞌa kaowu so mie mepandano kaengkohaꞌa ini mbaꞌinomo mie aitu anaguhuku, kotu-kotuꞌu pae namiinaea ponambonoa.”

Matius 18:10

Tandaiꞌeomu, koe pisakidaa mie mohobu pedando ini, kapaꞌamo malaꞌekati dhumaganida sadhia dopowise bhe Amaku te surugaa.

Matius 25:34

Omputo anaꞌa napugau ne mie we suanano ambano, ‘Maimoomu, hintimiu nebarakatino Amaku, tahimamoomu Kafopahintaꞌa toka nefontaa-ntaano so hintimiu mpini pakatifokonandoono dhunia.

Matius 25:39

Saneafa bhahaa mosaki tawa titohongku maka tamai taumbatiko?’

Matius 25:45

Ambano dua omputo naꞌa, ‘Amohatokoomu, kotu-kotuꞌu taenomo mokiidoomu metulumiomu seemie foliuno kandidiki ini, nopototomo mokiidoomu tumulumiomu Idi.’

Matius 28:10

Nopugaumo dua Yesus ambano, “Koise moteꞌiomua, kala fohatoomu bhahitieꞌiku dakumala we Galilea, ne tatu damoha kanaumo.”

Markus 9:41

Amohatokoomu inia, kotu-kotuꞌu o mie maꞌangkoomu oe kafohoꞌu mbaꞌinomo hintimiu anaguhuꞌino Mesias, Omputo Fosalamatino, tetewei naetaa dawuano.”

Lukas 19:38

Ambado, “Nobarakati omputo maino weo neano Ompu, katohopo te surugaa, kakalabhiano Lahataꞌala te wawono wawo.”

Yohanes 20:17

Ambano dua Yesus, “Koise dampasi kanaua, kapaꞌamo miinaꞌo akumala te Amaku. Aitu sulimo se bhahitieꞌiku, fohatoda Idi akumalamo te Amaku bhe Amamiu dua, Lahataꞌalaku bhe Lahataꞌalamiu dua.”

Roma 8:29

Andoa padamo nopilida Lahataꞌala mpini kabhao-bhaono, padamo dua nofotantuda mpini wawono dasekatu bhe Anano. Pedamo anaꞌa Anano maitu nembalimo titiisa, o aino dobhahi.

2 Korintus 4:5

Nefosampe mani ini suano bhihitano wuto mani, tamaka bhihitano Yesus Kristus, Anoamo Ompu. Insaodi taembali palima-limamiu hampano tafeompu ne Yesus.

Galatia 5:13

Bhahitieꞌiku, daanumo nobhasikoomu Lahataꞌala so bebasiꞌaoꞌomu, ampamo kaowu kabebasi aitu koise pakeeꞌomu so tingkuno mangkafiomu sabhaha kapoindalono wuto, tamaka poꞌondo-ondofaoꞌomu pomoni-moniniꞌaoꞌomu.

Galatia 5:22

Tamaka ane mie dodadi nokuasaida Rohino Lahataꞌala, hasilino ingka dopomoa-moasiꞌao, nowula lalondo, notohopo lalondo, dokosabaha, nomalu lalondo, netaa lalondo, notai lalondo,

Galatia 5:6

Kapaꞌamo doseꞌisemoomu bhe Kristus Yesus, desuna bhahaꞌi miina daesuna miinamo nakomaꞌanaa. Maraluuꞌano mpahinomo doparasaea ne Kristus bhe dofotiwohae weo kanini kaasinto ne mie bhainto.

Efesus 5:30

Katipandeꞌaoꞌano ingka intaodiomu ini saneamo katokano mbadhano Kristus.

Ibrani 6:10

Lahataꞌala suano Lahataꞌala tapa umadhilinoa. Ingka pae naolimpuꞌaanea sabhaha kahadhaa bhe kanini kaasimiu ne Anoa nefotiwohamiu wakutuuno ondofaoꞌomu umati marasaeano endefiꞌini taꞌampamo aitu.

1 Petrus 1:22

Hampano meangkaomu kafoinaꞌu banarano, totono lalomiu nomoindamo bhe nohelasimo pomoni-moniniꞌaoꞌomu. Dadiꞌanomo pomoa-moasiꞌaoꞌomu sampuu-mpuuno lalomiu.

1 Yohanes 4:20

Ane bhe mugauno, “Aoasiꞌao Lahataꞌala,” tamaka nobansi bhahitieno, mie aitu nekabuangka. Ane mie miina naoasiꞌao bhahitieno newohano, nada amai bhahaa naoasiꞌao Lahataꞌala tapa newohano?

Powoha 17:14

Andoa dapopahisa bhe Anano Dhumba, tamaka Anano Dhumba natumaloda hampano Anoa Kafeompuꞌandomo sabhaha kafeompuꞌa bhe Omputo sabhaha omputo. Anano Dhumba naꞌa daposabhangkaane mie nesaliꞌino, nepilino bhe tiparasaeano.”

Powoha 19:16

Ne dhubano bhe ne faꞌano notibuhi nea peda aini, Omputo sabhaha omputo, Kafeompuꞌandomo sabhaha kafeompuꞌa.