Matius 25:35 - Muna Southern Dialect

³⁵ Kapaꞌamo wakutuuno aoꞌaho pakande kanauꞌomu, wakutuuno nokekele wuꞌuku fefohoꞌuti kanauꞌomu, aembali mie humampe we liwumiu fobutu kanauꞌomu ne lambumiu.

Matius 25:35 Iomraidhean Croise

Matius 25:40

Omputo anaꞌa natumobhoosi ambano, ‘Amohatokoomu, kotu-kotuꞌu sabhaha nehabumiu ne bhahitieku foliuno kandidiki ini, ingka nopototomo habueꞌomu ne Idi.’

Matius 26:11

Mie mokae sadhia dapobhai bhe hintimiu, tamaka Idi ini pae aeate kansuhu bhe hintimiua.

Markus 14:7

Ingka o mie mokae sadhia deate bhe hintimiu, ane moindaloomu sadhia naembali tumulumidaomua. Tamaka Idi ini pae aeate kansuhua bhe hintimiu.

Lukas 11:41

Ampamo kaowu, iꞌino kampomaaꞌa bhe kampohoꞌuꞌa tabeano podawu-dawuomu dua bhe mie mokae. Ane nada anaꞌa naonggelamo kosasawiꞌae, naetaa mbadhamiu naetaa totono lalomiu.

Yohanes 13:29

Hampano Yudas mintahanomo kaenteiꞌano dhoindo, nandoo kofekihino putae Yesus notudue nakoniꞌoli so kafaraluundo haroando naꞌa, tawa nakoniwaꞌao ne mie mokae.

Tula-tulando rasulu 10:31

Ambano mie anaꞌa, ‘Kornelius, sambaheamu bhe katulumimu ne mie mokaeno notahimaemo Lahataꞌala maka Lahataꞌala nofeꞌulaikomo dua.

Tula-tulando rasulu 11:29

Dadiꞌanomo mie mangkafino Yesus dobhotusiemo daetawunao dhoi ampa so nepoo-poolindo seemie-seemiea maka damakatuandae bhahitie marasaeano we Yudea.

Tula-tulando rasulu 16:15

Pada takadiu saranie bhe kosasawindo mie weo lambuno, nosaliꞌi kainsamimo ambano, “Ane fekihi kanauꞌomu idi ini aparasaeamo mpuu ne Yesus, mai butuomu se lambuku.” Nofosuhu kainsami sampe taangkafie kamesalono.

Tula-tulando rasulu 4:32

Kosasawindo marasaeano doseꞌise, dosefekihi bhe dosekakolalo. Bhe naseemie miina bhe kumonano fehebuaꞌano so wutono kaowu, tamaka fehebuaꞌano seemie mbalimo dua fehebuaꞌando kosasawindo.

Roma 12:13

Tulumidaomu bhahitie marasaeano mokaeno! Fotiampedaomu mie bhaimu mengkalalono!

Roma 12:20

Ane kaewamu noꞌaho, waꞌane nohumaa! Ane nokekele wuꞌuno, waꞌane nofohoꞌu! Kapaꞌamo ane humabuomu peda naꞌa ingka tanaoambanoꞌaomo wutono.

Roma 16:23

Salam dua nomaiꞌao ne Gayus. Anoamo ini motiampe kanau bhe kosasawindo umati. Salam dua nomaiꞌao ne Erastus, mintahano dhoino kota, bhe Kwartus bhahitientoomu.

Efesus 4:28

Moneano mosibuno, koemo nosibua, tamaka nakumahadhaa kagiu metaa so kadadiꞌano, neanomo naembali dua natumulumi mie mokae.

1 Timotius 5:10

Weo dadino tabeano notiende-ende o hobhine humabu metaano, ibahano padamo nofekabhala metaada anaꞌino, nolalesa lalono nefotiampe mie ne lambuno, noꞌondofao umati marasaeano peda seemie kantudu-ntudu, netulumi mie mosabha, tangkanomo nokampuu-mpuu nohabu metaaꞌano.

Filemon 1:7

Filemon, bhahitieku, kaasimu ne umati marasaeano itu nofekaꞌia bhe nofekatangka mpuu totono laloku, bhahamoa fodadiemo dua lalondo kosasawindo umatino Lahataꞌala.

Ibrani 13:16

Koise molimpuomu habu metaaꞌomu bhe fotulumiomu, kapaꞌamo anaꞌaemo kapopanga mekaꞌiano lalono Lahataꞌala.

Ibrani 6:10

Lahataꞌala suano Lahataꞌala tapa umadhilinoa. Ingka pae naolimpuꞌaanea sabhaha kahadhaa bhe kanini kaasimiu ne Anoa nefotiwohamiu wakutuuno ondofaoꞌomu umati marasaeano endefiꞌini taꞌampamo aitu.

Yakobus 1:27

Ane dopoindalo dembali mie koꞌagama mongkilo bhe kumampuu-mpuuno ne pomatano Lahataꞌala Amantoomu tabeano daehabu peda aini: daeꞌondofao anaꞌi moꞌelu bhe bhihinanda mosabhano, bhe dodhagani wutondo koe sampe nofotaihi kadaino dhunia ini.