Matius 25:34 - Muna Southern Dialect

³⁴ Omputo anaꞌa napugau ne mie we suanano ambano, ‘Maimoomu, hintimiu nebarakatino Amaku, tahimamoomu Kafopahintaꞌa toka nefontaa-ntaano so hintimiu mpini pakatifokonandoono dhunia.

Matius 25:34 Iomraidhean Croise

Matius 13:35

Aini mbali nokoꞌulaꞌao bhoasaono Lahataꞌala nefosampeno anabii, “Abhoka wambaku aepalenda, amohatoanda tifebuniꞌano mpini pakatandano dhunia.”

Matius 19:29

Pakade kotika humunsano lambuno, bhahitieno namoꞌane nahobhine, inano bhe amano, anaꞌino tawa kaampono mbaꞌinomo noangkafi Idi, nasumuli naeꞌawa namoꞌono lentuꞌa bhe naeꞌawa dua dadi suhue dhamani.

Matius 20:23

Ambano dua Yesus, “Uumbe daanumo, mohoꞌuomu ne kampohoꞌuꞌaku, tamaka kaengkohaꞌa ne kema tawa ne suana suano Idi so motantue. Kaengkohaꞌa anaꞌa pada dofontaa-ntaaꞌandae mie toka nepilino Amaku.”

Matius 21:5

“Fohatodaomu mieno kotano Sion, ‘Ondoeꞌomu! Omputomiu nomaiꞌikoomu. Nomalu lalono, nosawi ne keledai, anano keledai meangkuno wowoꞌo.’ ”

Matius 25:21

Ambano kafeompuꞌa naꞌa, ‘Nokesa sepaliꞌa itua, hintu bhatua metaano bhe tumuhuno lalo. Notuhu lalomu ne taka mohobu, maka amosahunaꞌaangkomo taka bhalano. Pesuamo weo hame-hameku, pehapiꞌo dua bhe hintu kaꞌiaku ini.’

Matius 25:23

Ambano kafeompuꞌa naꞌa, ‘Nokesa sepaliꞌa itua, hintu bhatua metaano bhe tumuhuno lalo. Notuhu lalomu ne taka mohobu, maka amosahunaꞌaangkomo taka bhalano. Pesuamo weo hame-hameku, pehapiꞌo dua bhe hintu kaꞌiaku ini.’

Matius 25:40

Omputo anaꞌa natumobhoosi ambano, ‘Amohatokoomu, kotu-kotuꞌu sabhaha nehabumiu ne bhahitieku foliuno kandidiki ini, ingka nopototomo habueꞌomu ne Idi.’

Matius 25:41

Pada anaꞌa napugaumo dua ne mie we kemano, ‘Gampiomu maiꞌao ne wiseku ini, hintimiu mie nekangkanaino balaa! Pesuaꞌomu weo efino narakaa tapa mopoopeono ampa suhue dhamani, toka nefontaa-ntaa so Kafeompuꞌando seetani bhe malaꞌekati sabhangkaꞌino.

Matius 27:37

Te wawono fotuno defopikaane kabuhi, tingkunomo katisalipuꞌano. Wambano peda aini, “ Yesus, Omputo miendo Yahudi.”

Matius 3:2

ambano, “Fetompaꞌao dhosamiu, doliomu ne Lahataꞌala, kapaꞌamo Kafopahintaꞌano Lahataꞌala nomaꞌomo.”

Matius 5:19

Dadiꞌanomo laꞌae so kumamudaino tubhono agama Yahudi mahingga pahinta foliuno kahobu, maka namoguhuandae dua bhaindo, naeꞌawa kaengkohaꞌa foliuno kapanda weo Kafopahintaꞌano Lahataꞌala. Tamaka laꞌae mangkafino bhe fofoguhuꞌaono kosasawiꞌae pahinta anaꞌa, naeꞌawa kaengkohaꞌa foliuno kalangke weo Kafopahintaꞌano Lahataꞌala.

Markus 10:17

Wakutuuno Yesus noehe nakumala toha, gahaꞌa nomaimo seemie bhe notende. O mie aitu nofongkoha tuuno ne wiseno Yesus bhe nofeena ambano, “Guru, hintu metaano lalo, aeafa bhahaa so adumadiꞌao suhue dhamani?”

Markus 10:40

Ampamo kaowu daengkoha ne suanaku bhahaꞌi ne kemaku, suano Idi so motantue. Kaengkohaꞌa anaꞌa pada dofontaa-ntaaꞌandae so mie nepilino Ompu Lahataꞌala.”

Lukas 11:28

Tamaka Yesus tanopugau ambano, “Uumbe, tamaka sedhuluꞌa kakodawuando metingkeno bhoasaono Lahataꞌala bhe doangkafie.”

Lukas 11:50

Kanandooꞌano peda anaꞌa neanomo mie dhamani aini damotongkuanda kaꞌala defolimba heando kosasawindo anabii mpini pakatifokonandoono dhunia.

Lukas 12:32

Hintimiu pata bhabhahino, koise moteꞌiomu! Kapaꞌamo Amamiu nopoindalomo nosangkekoomu so mieno Kafopahintaꞌano.

Lukas 19:38

Ambado, “Nobarakati omputo maino weo neano Ompu, katohopo te surugaa, kakalabhiano Lahataꞌala te wawono wawo.”

Yohanes 1:49

Ambano Natanael, “Guru, Hintu Anano Lahataꞌala, Hintumo Omputono Israel.”

Yohanes 12:13

Andoa lasao dealaꞌi hoono potubu maka dokala dosumpuiꞌe bhe dekei-kei ambado, “Hosana, pudhi kaitaomu Lahataꞌala. Notibarakati maino weo neano Ompu, notibarakati Omputo miendo Israel.”

Yohanes 17:24

Ama, gaoku mpuu ne amai kaeateꞌaku, somo dua kaeateꞌando mie kawaꞌaomu ne Idi, dapobhai kanau. Ane nada anaꞌa damoha kakalabhiaku. Kakalabhia anaꞌa waꞌa kanauꞌe kapaꞌamo moasi kanau mpini miinaꞌo natifokonandoo dhunia.

Yohanes 19:15

Gahaꞌa andoa tadopokakei-keimo ambado, “Pongkomo, pongkomo! Kantaiꞌe te sau salipu!” Ambano Pilatus, “Omputomiu akumantaiꞌe te sau salipu?” Dotobhoosimo neangkaꞌindo imamu, “Miina bhe omputo mani, mpahinomo Omputo Kaisar!”

Tula-tulando rasulu 15:18

Ompu nofofohatoꞌao bhahi-bhahiꞌae ini mpini dhamani wawono.

Tula-tulando rasulu 3:26

Dadiꞌanomo Lahataꞌala nofoehemo palima-limano, maka notudue wawo ne hintimiu neowaangkoomu kabarakati. Kabarakati anaꞌa, maꞌanano Anoamo so matokoomu metompaꞌaoꞌomu sabhaha podiu modaimiu seemie-seemie.”

Roma 8:17

Ane intaodiomu dembalimo anaꞌino Lahataꞌala, nokomaꞌana dokohakumo dua daꞌumawa sabhaha kabarakati nefontaa-ntaano Lahataꞌala so anaꞌino. Kabarakati nefontaa-ntaa naꞌa datumahimaeꞌomu dapoowa-owa bhe Kristus. Kapaꞌamo ane dokadee-deeꞌomu poowa bhe Kristus, teteweimo dua dafofekalabhia poowa bhe Kristus.

1 Korintus 15:50

Bhahitieꞌiku, nepulaoꞌaoku peda aini: o dagi bhe hea pae bhe kapooli namesua weo Kafopahintaꞌano Lahataꞌala; o mbadha so binasano pae bhe kapoolia naeꞌawa dawu ne dadi so pata binasano.

1 Korintus 2:9

Aini noposahataa bhe tibuhino weo Kitabi peda aini, “Pata newohano mata, pata nefetingkeno tingala, pataꞌo dua tiumbaꞌano ne fekihindo manusia, aitumo nefontaa-ntaano Lahataꞌala so mie moasiane.”

1 Korintus 6:9

Miina mandeꞌaaneomua bhahaa putae mie humabu modaino paise daeꞌawa dawu weo Kafopahintaꞌano Lahataꞌala? Koise nokolilino totono lalomiu! Mie pokawite-witeno, mesombaino barahala, mie monsule, karambole moꞌane, gumaano sapada moꞌane tawa hobhine,

Galatia 5:21

dopomole-moleaꞌao lalo, dololanu, sakahame dohumaa dofohoꞌu, bhe sabhaha habu modai sigaoꞌano. Peda padamo afohatokoomu endefiꞌini, aitu amenduaꞌangkoeꞌomu dua, mie humabuno sabhaha podiu medando maitu paise daeꞌawa kadawu weo Kafopahintaꞌano Lahataꞌala.

Efesus 5:5

Tandaiꞌeomu kotu-kotuꞌu: mie pokawite-witeno, mie pokahaku bhe mie kumadau-dauno pae namantasia daeala dawu weo kafopahintaꞌano Kristus bhe Lahataꞌala. O kakadau-dau ini ingka nopototo bhe desombai barahala.

1 Tesalonika 2:12

Maꞌanano tatangahikoomu, tafekatangka lalomiu, pakade taesalo mpuu dumadiomu naposahataa bhe kapoindalono Lahataꞌala. Kapaꞌamo Lahataꞌala nosaliꞌikoomu mesuaꞌomu weo Kafopahintaꞌano kumalabhiano.

2 Timotius 2:12

ane dakosabahaomu dapotaamiꞌao kakadee-dee, ingka mada kaowu damahinta dua bhe Anoa; ane dagumaga miina damandeꞌaane, ingka mada kaowu nagumaga dua miina nafopandeꞌao;

2 Timotius 4:8

Aitu nokantaa-ntaamo so idi kawaꞌao so mie fotalono hampano adadi aangkafi kapoindalono Lahataꞌala. Kawaꞌao anaꞌa namaꞌa kanaꞌe Ompu ne oleo kahatoꞌano, kapaꞌamo Anoamo Fobhitahakino umadhilino. Bhahamoa suano kaowu idi so tumahimae, tamaka kosasawindo mie mokambano lalo ne oleo kahatoꞌano.

Ibrani 1:14

Ingka o malaꞌekati maitu saneamo rohi meompuno ne Lahataꞌala, andoamo dua netuduno Lahataꞌala daꞌumondofao manusia so metahimano kasalamati.

Ibrani 11:16

Tamaka ingka nentalea andoa nokamba lalondo ne liwu sedhuluꞌano kataa, maꞌanano o liwu te surugaa. Kanandooꞌanomo Lahataꞌala miina naoambanoa dokonae Lahataꞌalando, kapaꞌamo padamo nefontaa-ntaaꞌanda seꞌonu kota.

Ibrani 4:3

Mpahinomo intaodiomu marasaeano so mesuakino kafewuleꞌa nedhandiꞌaono naꞌa. Aini noposahataa bhe bhoasaono Lahataꞌala peda ini, “Atundada weo amahaku, Andoa paise sepaliꞌa damesua we liwu kafewuleꞌa nefontaa-ntaaku.” Lahataꞌala nokobhoasao peda maitu mahinggamo kahadhaano ingka notokamo mpini pakatifokonandoono dhunia.

Ibrani 9:26

Kapaꞌamo ane ibahano namendua, nokomaꞌana tabeano namekantuhu-ntuhu nakadee-dee mpini pakatifokonandoono dhunia. Tamaka miina nada naꞌa: ne pandano dhamani ini Kristus nohato ne dhunia ini sepaku kaowu noowa Wutono mbali kapopanga nesumbele so katitolosiꞌano dhosa.

Yakobus 2:5

Bhahitieꞌiku timoasiꞌaono, fetingke kanauꞌomu! Mie mokae ne pomatano dhunia ingka nofepilida Lahataꞌala, dembali mie hangkaea weo kaparasaeando. Andoamo dua so kohakuꞌaono metahimano kadawu weo Kafopahintaꞌano Lahataꞌala, peda nedhandiꞌaono Lahataꞌala ne mie moasiane.

1 Petrus 1:9

Kaoꞌiaꞌamiu hampano patudhuno kaparasaeamiu nosampemo, maꞌanano nosalamatimo alusumiu.

1 Petrus 3:9

Kadai koise bhoosianeomu kadai, feꞌawu koise tobhoosianeomu feꞌawu, tamaka mesaloomu kabarakatino Lahataꞌala so mie aitu. Kapaꞌamo dadimo medano aitu katibhasiꞌamiu, somo meꞌawaꞌaoꞌomu kabarakati.

Powoha 13:8

Kosasawindo mie meateno we dhunia dasumomba ne anoa. Miemo andoa ini, mpini pakatifokonandoono dhunia, miina natibuhia neando weo Kitabindo Mie Dumadi, fehebuaꞌano Anano Dhumba toka nesumbele.

Powoha 17:8

Kadadi newohamu itu endefiꞌini nodadi, ampa aitu miinamo, tamaka mada kaowu natiumba toha namaiꞌao ne olano mate tapa kotompano naehopeki kabinasa. Mie meateno we dhunia tapa tibuhiꞌano nea weo Kitabindo Mie Dumadi mpini pakanandoono dhunia, tadamente damoha kadadi amaitu. Kapaꞌamo kadadi amaitu endefiꞌini nodadi, ampa aitu miinamo, tamaka mada kaowu natiumba toha.

Powoha 19:16

Ne dhubano bhe ne faꞌano notibuhi nea peda aini, Omputo sabhaha omputo, Kafeompuꞌandomo sabhaha kafeompuꞌa.

Powoha 21:7

Sasuka fotalono natumahima kosasawiꞌae ini. Idi aembali Lahataꞌalano, anoa somo anaku.

Powoha 5:10

Hintu padamo habuda mbali bansano liwundo omputo bhe imamu meompuno ne Lahataꞌalantoomu, maka damahinta nada omputo te dhunia.”