Matius 25:1 - Muna Southern Dialect

¹ “Nahumato wakutuu anaꞌa, Kafopahintaꞌano Lahataꞌala tapedamo doompulu kalambe, deala bhe kantaleando maka dokala dosumpui loꞌia buꞌou.

Matius 25:1 Iomraidhean Croise

Matius 13:24

Yesus nefohatoandamo dua kapalenda sigaoꞌano. Ambano, “Kafopahintaꞌano Lahataꞌala tapedamo seemie meꞌewino wine metaa te kaampono.

Matius 13:31

Pada anaꞌa nefohatoandamo dua kapalenda sigaoꞌano, ambano, “Kafopahintaꞌano Lahataꞌala tapedamo dua onuno sau wonoita seꞌonu noalae seemie maka nohooꞌe te kaampono.

Matius 13:38

Kaampono, maꞌanano dhunia ini. Wine metaa, maꞌanano umatino Kafopahintaꞌano Lahataꞌala; dana nokomaꞌanaꞌao mie tumaino ne Kafeompuꞌando seetani.

Matius 13:47

“Kafopahintaꞌano Lahataꞌala tapedamo dua puka nelabu we teꞌi, notikaiane sabhaha kenta.

Matius 20:1

“Kafopahintaꞌano Lahataꞌala tapedamo seemie kafeompuꞌa, nandoo samentaeno nokalamo neꞌondofi so kumahadhaano te kaampono angguruno.

Matius 22:2

Ambano, “Kafopahintaꞌano Lahataꞌala tapedamo seemie omputo nehabu hame-hame kakawino anano.

Matius 25:7

Kalambe ompuluno naꞌa lasao dowanu maka dofekataaꞌi kantaleando.

Matius 3:2

ambano, “Fetompaꞌao dhosamiu, doliomu ne Lahataꞌala, kapaꞌamo Kafopahintaꞌano Lahataꞌala nomaꞌomo.”

Matius 5:16

Pedamo aitu dua tilangamiu tabeano naentalea ne wisendo mie bhaimiu, dowohaꞌao podiumiu metaaꞌano so damudhiꞌao Amamiu te surugaa.”

Matius 9:15

Notobhoosi Yesus ambano, “Naembali bhahaa sabhangkaꞌino loꞌia buꞌou daguguhu tangasano nopobhaianda loꞌia buꞌou? Tantumo paise. Tamaka nahumato tempono, loꞌia buꞌou dawowoꞌoemo. Ne naꞌa kaneꞌomo damoasa.

Yohanes 18:3

Dadiꞌanomo Yudas nokalamo dua te naꞌa, newowoꞌo setagua tantara bhe dhagaꞌino Lambuno Lahataꞌala katudundo neangkaꞌindo imamu bhe miendo Farisi. Andoa ini detagu bhe kantalea, kaꞌula bhe ewangando.

Yohanes 3:29

Kohakuꞌaono loꞌia buꞌou hobhine ingka loꞌia buꞌou moꞌane; tamaka sabhangkano loꞌia buꞌou moꞌane neehe-ehe ne sohihino nofeti-fetingkeda. Nowula mpuu lalono ane nofetingke suahano loꞌia buꞌou moꞌane maitu. ⸤ Peda sabhangkano loꞌia buꞌou naꞌa,⸥ idi ini nowulamo mpuu laloku, nosungkumo kaꞌiaku.

Tula-tulando rasulu 20:8

Weo boloku te wawo, ne kapohompu-hompuꞌa mani naꞌa, nobhahi kantalea nesulaa.

1 Korintus 11:2

Apudhikoomu, kapaꞌamo sadhia feꞌulai kanauꞌomu bhe sadhia fintahakieꞌomu kafoinaꞌu nefosampeku.

2 Korintus 11:2

Nokondua laloku ne hintimiu tapedamo wutono Lahataꞌala. Hintimiu tapedamo seemie kalambe mongkilo, padamo apodhandi amogaakoomu bhe seemie moꞌane, ingka wutono Kristus.

2 Timotius 4:8

Aitu nokantaa-ntaamo so idi kawaꞌao so mie fotalono hampano adadi aangkafi kapoindalono Lahataꞌala. Kawaꞌao anaꞌa namaꞌa kanaꞌe Ompu ne oleo kahatoꞌano, kapaꞌamo Anoamo Fobhitahakino umadhilino. Bhahamoa suano kaowu idi so tumahimae, tamaka kosasawindo mie mokambano lalo ne oleo kahatoꞌano.

Titus 2:13

Ampa aini nandoo dontaa-ntaaꞌomu oleo bhalano neposahunaꞌaontoomu so meowano dawua. Ne oleo anaꞌa natiwohamo kakalabhiano Lahataꞌala Foliuno Kuasa bhe Yesus Kristus Mosalamati kaita.

Powoha 14:4

Andoa ini mie pata pokadengoꞌaono wutondo bhe hobhine, dongkilo peda kalambe. Ne amai maka kahopeꞌano Anano Dhumba, sadhia doangkafie. Andoa ini notolosida maiꞌao ne manusia daembali kapopanga kabhao-bhaono so Lahataꞌala bhe so Anano Dhumba maitu.

Powoha 19:7

Fowula kaitaomu lalontoomu, moꞌia kaitaomu bhe fekakalabhia kaitaomu Lahataꞌala! Kapaꞌamo oleono kagaaꞌano Anano Dhumba nohatomo, loꞌia buꞌou hobhine notokamo kakanuno.

Powoha 21:2

Awohamo dua kota mongkilo, Yerusalem buꞌou, nosampu nomaiꞌao te surugaa, nomaiꞌao ne Lahataꞌala. Kota amaitu padamo dolegasie pasae loꞌia buꞌou hobhine napoꞌawaꞌao moꞌaneno.

Powoha 21:9

Nomaimo seemie malaꞌekati nomaiꞌao ne malaꞌekati pipituno maitu. Malaꞌekati andoa ini meintahanomo mangko fitu wokano moponoꞌaono fitu honda balaa kafetompaino. Anoa nopugau ne idi ambano, “Mai se ini, amotiwohaangko loꞌia buꞌou, hobhineno Anano Dhumba.”

Powoha 4:5

Nomaiꞌao ne kaengkohaꞌa kumalabhiano naꞌa nokosilakamo bhibhito, pisibhela bhe guntu. Ne wiseno kaengkohaꞌa naꞌa nandoo fitu pele kaꞌula bhalano hende-hendeꞌano, andoamo maitu kofitu bansaꞌae Rohino Lahataꞌala.

Powoha 8:10

Malaꞌekati katotoluno nobusomo dua duhuleleno, tambaꞌomu nomaiꞌao te lani nondawumo seꞌulu kulipopo bhalano hende-hendeꞌano pasae kaꞌula, notabuhiki sekatolu dawuꞌa umele bhe matano oe we dhunia.