Matius 24:45 - Muna Southern Dialect

⁴⁵ “Laꞌae bhahaa bhatua motuhuno lalo bhe mandeno maitu? Anoamo maitu nesangkeno kafeompuꞌano so neangkando bhatua bhaino, naetaganaanda daomaa napobutu bhe tempono.

Matius 24:45 Iomraidhean Croise

Matius 10:16

“Tandaiꞌeomu! Atumudukoomu kumalaomu nada dhumba monaleno damesua ne wunta-wuntando daꞌu ngkahoku. Dadiꞌanomo tabeano mengkowaweomu nada ule bhe naelaa lalomiu nada dhaadhaha.

Matius 13:52

Ambano toha Yesus, “Dadiꞌanomo kotika pande Kitabi metahimano kafoinaꞌuno Kafopahintaꞌano Lahataꞌala, tapedamo kolambuno molimbano kahangkaeano maiꞌao ne kaenteiꞌano, nabuꞌou nangkodau.”

Matius 24:46

Nokodawua mpuu bhatua naꞌa ane nohatofie kafeompuꞌano tangasano noalaꞌi gunano.

Matius 25:2

Lidimano dokabhohe-bhohe, lidimano dopande.

Matius 25:21

Ambano kafeompuꞌa naꞌa, ‘Nokesa sepaliꞌa itua, hintu bhatua metaano bhe tumuhuno lalo. Notuhu lalomu ne taka mohobu, maka amosahunaꞌaangkomo taka bhalano. Pesuamo weo hame-hameku, pehapiꞌo dua bhe hintu kaꞌiaku ini.’

Matius 25:23

Ambano kafeompuꞌa naꞌa, ‘Nokesa sepaliꞌa itua, hintu bhatua metaano bhe tumuhuno lalo. Notuhu lalomu ne taka mohobu, maka amosahunaꞌaangkomo taka bhalano. Pesuamo weo hame-hameku, pehapiꞌo dua bhe hintu kaꞌiaku ini.’

Matius 7:24

“Laꞌae metingkeno pugauku ini maka noangkafie, nopototo bhe seemie mandeno moeheno lambuno te wawono dempa.

Lukas 19:17

Nopugaumo kafeompuꞌa naꞌa ambano, ‘Nokesa sepaliꞌa itu, hintu bhatua metaa, notuhu lalomu ne taka mohobu, dadiꞌanomo amaꞌangko meowa naompulu onu liwu.’

Tula-tulando rasulu 20:28

Dadiꞌanomo dhagani wutomiu, dhaganieꞌomu umati marasaeano, peda dhagano dhumba noꞌondofao kadadi kakaneano. Kapaꞌamo hintimiumo nesangkeno Rohino Lahataꞌala membaliomu neangka so dhumaganino umatino Lahataꞌala. Umati andoa ini fehebuaꞌano Lahataꞌala, notolosianda heano Anano.

1 Timotius 1:12

Notumpu laloku ne Kristus Yesus Ompuntoomu mekamatangka kanau, kapaꞌamo noabhi kanau atiposahunaꞌao, katifoparasaeaꞌakumo taka aini so ameompuꞌao ne Anoa.

2 Timotius 2:2

Kafoinaꞌu nefetingkemu ne idi endefiꞌini ne wisendo mie bhahi, naetaa posahunaꞌaandae mie tiparasaea bhe mandeno moinaꞌuno mie bhaindo.

Ibrani 3:5

Anabii Musa daanumo notuhu lalono peda seemie palima-lima weo polambuno Lahataꞌala, pugauno bhe kahadhaano nofosusuꞌao so nekobhoasaꞌaono Ompu mada kaowu.

Powoha 2:13

Apandeꞌaane ne amai kaeateꞌamu, ingka we kota kafopahintaꞌano Kafeompuꞌando seetani. Tamaka hintimiu sadaa-daa fintahakiomu kaparasaeamiu ne Idi, miina sumowoomua, mahinggamo we dhamanino Antipas sakusiiku tiparasaeano nepongkondo ne wisemiu, we kaeateꞌano Kafeompuꞌando seetani itu.