Matius 24:42 - Muna Southern Dialect

⁴² Dadiꞌanomo kodhagaomu, kapaꞌamo miina mandeꞌaaneomua oleo so kahatoꞌano Ompumiu.

Matius 24:42 Iomraidhean Croise

Matius 24:36

Ampamo kaowu oleono bhe tempono bhe seemie miina bhe mandeꞌaanea. O malaꞌekati te surugaa miina, Anano Manusia miina dua, mpahinomo wutono Amaku mandeꞌaane.”

Matius 24:43

Tandaiꞌeomu! Ane kolambuno namandeꞌaane naafaꞌi alo nahumatoe kasoꞌo teteweimo nakodhaga, pae tanakumatahomoa lambuno dalumeloe.

Matius 24:44

Dadiꞌanomo mantaa-ntaaꞌomu, kapaꞌamo Anano Manusia nahumato ne wakutuu tapa nepotu-potuluꞌao.”

Matius 25:10

Nandoo tangasano dokala deꞌoli mina, loꞌia buꞌou nohatomo. Toka mantaa-ntaano lasao dopesua weo lambu kahame-hameꞌa, dopoowa-owa bhe loꞌia buꞌou naꞌa. Pada aitu fointo doꞌontoemo.

Matius 25:13

Dadiꞌanomo kodhagaomu, kapaꞌamo miina mandeꞌaaneomua oleono bhe tempono.”

Lukas 21:34

“Dhagani wutomiu, bhahasaa totono lalomiu notahusuꞌao fekihiꞌano kahame bhe foho-fohoꞌu bhe kafaraluuno dhunia. Kapaꞌamo ane nada anaꞌa Oleono Ompu nakumahatokoomu kabeanga kabhahinta.

Lukas 21:36

Kodha-kodhagaomu bhe sadhia sambaheaꞌomu, neanomo meꞌawaomu kaꞌosa lumapaꞌaoꞌomu ne sabhaha so kumadhadhiaꞌano naꞌa bhe naembali meehe-eheomu te wiseno Anano Manusia.”

Roma 13:11

Aini tetewei dhumalangieꞌomu, hampano ingka pandeꞌaanemoomu koeateno dhamani aini. Ingka nohatomo tempono manuomu ne kaodomiu, kapaꞌamo ampa aitu oleo so katifosalamatiꞌantoomu sedhuluꞌamo dua kakomaꞌo bhe pakaparasaeantoomu.

1 Korintus 16:13

Kodhagaomu! Fekamatangka kofindamiu weo kaparasaeamiu! Membaliomu moꞌane! Fekaꞌosa totono lalomiu!

1 Tesalonika 5:6

Dadiꞌanomo pae naembalia tadaodo-odo peda mie sigaoꞌano, tamaka tabeano dakodhaga dantumaa-ntaa oleo kahatoꞌano Ompu weo katohono fekihi.

1 Petrus 4:7

Kafetompaino bhahi-bhahiꞌae nomaꞌomo. Dadiꞌanomo fewanakie wutomiu bhe kodhagaomu, netaaꞌao sambaheaꞌomu.

1 Petrus 5:8

Fewanaki totono lalomiu bhe kodhagaomu, kapaꞌamo kaewamiu, Kafeompuꞌando seetani, nolili peda o singa ngkangau-ngauno neꞌondofi kantolono.

Powoha 16:15

⸤ Ambano Ompu⸥ “Tandaiꞌeomu! Ahumato nada kasoꞌo. Nokodawua mpuu mie kodhagano bhe mohilalono pakeano, keana nokala kalembi-lembi bhe natiwoha kaambanoꞌano ne wisendo mie bhahi.”