Matius 24:31 - Muna Southern Dialect

³¹ Duhulele bhalano nakondii. Anano Manusia natumudumo malaꞌekatino dalumimba dahumompunao umati tipilino namaiꞌao ne kofatowalaꞌae alamu, maiꞌao we tompano lani sewetano ampa we sewetano.

Matius 24:31 Iomraidhean Croise

Matius 13:41

Anano Manusia natumudu malaꞌekatino damoꞌonu sabhaha mie mekakodhosano manusia bhaindo bhe mie humabu modaino weo Kafopahintaꞌano.

Matius 24:22

Ane ibahano Ompu pae nakumuhangi tempono, kotika dumadino pae bhe so sumalamatino. Tamaka mbaꞌinomo nandoo umati tipilino, Ompu nakumuhangi tempono.

Matius 24:24

Kapaꞌamo dabhahimo mabhino wutono Mesias, gahaꞌaitu suano. Dabhahi dua mpahaana-anabiino. Andoa naꞌa daehabu tanda-tanda tapa mentela bhe giu timenteꞌaono, patudhundo ane naembali damokolilino dua totono lalondo umati tipilino.

Matius 24:32

Soba poguhuomu ne puꞌuno wohaꞌa. Ane haꞌaꞌino notawomo ingka pandeꞌaaneomu nomaꞌomo nakoꞌoleo.

Matius 25:31

“Ane namai kaowu Anano Manusia weo kakalabhiano napoowa-owa bhe kosasawindo malaꞌekatino, maka naengkoha-ngkoha te kaengkohaꞌano kumalabhiano.

Matius 28:18

Yesus nomaꞌotidamo bhe nopugau ambano, “Sabhaha kuasa te surugaa bhe we dhunia ini nowaꞌa kanaꞌe Amaku.

Markus 13:27

Natumudu malaꞌekatino damoꞌonu umatino tipilino, damaiꞌao ne kofatowalaꞌae alamu, damaiꞌao te bheteꞌano oleo ampa we sooꞌano.”

Lukas 24:47

Nandoo dua notibuhi: weo neano Omputo Fosalamatino daefolele bhihita ne sabhaha bansano liwu putae dametompaꞌao dhosando maka Lahataꞌala naꞌumamponida. Bhihita anaꞌa damolelee natumanda we Yerusalem.

Yohanes 11:52

Gahaꞌaitumo suano kaowu so raꞌeatino Yahudi, tamaka nomateꞌao dua kosasawindo anano Lahataꞌala tikambisano, neanomo sumuli namoꞌonuda bhe namoseꞌiseda.

Roma 10:18

Ampamo kaowu ameena, bhahaa daanumo miinaꞌo dametingkea bhihita anaꞌa? Ingka tetewei padamo, hampano weo Kitabi notibuhi, “Suahando nokolelengamo ne kosedhuniaꞌae, pugaundo notifetingkemo ampa we tompano dhunia.”

1 Korintus 15:52

Kadhadhiano nasetolindaꞌa, nasepihuꞌa mata, napoangka bhe ndiino duhulele bhalano kafetompaino dhamani. Kapaꞌamo duhulele bhalano nakondii maka mie mate damowanuda daepake mbadha tapa binasaꞌano maka intaodiomu dafobhalii.

Efesus 1:10

Patudhuno anaꞌa peda aini: bhahi-bhahiꞌae ndumandoono te surugaa bhe we dhunia namoseꞌiseda bhe Kristus somo neangkando. Aini tetewei namekakoꞌulae Lahataꞌala, nahumato kaowu tempono.

1 Tesalonika 4:16

Wakutuu anaꞌa natifetingke pahinta, malaꞌekati bhalano nakumei bhe duhuleleno Lahataꞌala damuntoe. Ne naꞌamo dua wutono Ompu nasumampu namaiꞌao te surugaa, maka marasaeano ne Kristus toka komate-mateno namaꞌindulu namodadida.

2 Tesalonika 2:1

Bhahitieꞌi, aitu tapugauꞌao kahatoꞌano Ompuntoomu Yesus Kristus bhe so katifohompuꞌantoomu bhe Anoa. Taesalo mpuu ne hintimiu,

Ibrani 12:19

Andoa dofetingke peda ndiino duhulele bhalano bhe suaha mobhibhiisano. Wakutuuno dofetingke suaha aitu miendo Israel lasao desalo paemo namendua namugau ne andoa.

Powoha 1:20

Rahasiano kulipopo fitu uluno newohamu kaintahaꞌaku ne suanaku, bhe rahasiano kaengkohaꞌano kantalea bulawa fitu peleno peda aini: kulipopo fitu uluno, maꞌanano o malaꞌekatindo kofitu tombudo umati; kaengkohaꞌano kantalea fitu peleno, maꞌanano wutondomo umati fitu tombuno.”

Powoha 11:15

Pada aitu malaꞌekati kapipituno nobusomo duhuleleno maka notifetingkemo suaha-suaha mohaaꞌi sepaliꞌa weo surugaa, ambado, “Kuasa kafopahintaꞌano dhunia nointahaemo Ompuntoomu bhe Mesias Omputo Fosalamatino, Anoa namahinta nada omputo ampa suhue dhamani.”

Powoha 7:1

Pada aitu awohamo malaꞌekati dopopaa deehe-ehe ne kofatosikuaꞌae dhunia maka dotaami kofatohondaꞌae kawea ne dhunia, keana bhe so miuno te wite, we teꞌi bhe ne puꞌuno sau.

Powoha 8:2

Taꞌawohamo dua malaꞌekati pipituno meehe-eheno te wiseno Lahataꞌala, dowaꞌanda duhulele bhalano fitu pele.