Matius 23:39 - Muna Southern Dialect

³⁹ Amohatokoomu, notanda aitu paemo moha kanauꞌomu, ampa mugauꞌomu, ‘Notibarakati maino weo neano Ompu.’ ”

Matius 23:39 Iomraidhean Croise

Matius 21:9

Mie bhahi maꞌinduluno bhe mangkano kundo doꞌia-iaꞌe ambado, “Hosana, sampuꞌano Daud! Notibarakati humatono weo neano Ompu. Hosana, pudhi kaitaomu Ompu Lahataꞌala te wawono wawo!”

Lukas 17:22

Pada anaꞌa nopugaumo ne anaguhuꞌino, “Mada kaowu gaomiu mohaomu tempono kahatoꞌano Anano Manusia, mahingga naseꞌoleo kaowu, tamaka pae sepaliꞌa mohaomua.

Yohanes 14:19

Tana sebantaha dhunia paemo damoha kanau, tamaka hintimiu sadaa-daa moha kanauꞌomu hampano Idi adumadi bhe hintimiu dumadiomu dua.

Yohanes 14:9

Ambano Yesus, “Filipus, ingka nomponamo dua apobhaiangkoomu, gahaꞌa miina mandeꞌa kanau? Sasuka mohano Idi nowohamo dua Amaku. Peda amai dua pugau, ‘Fotiwoha kainsami Amamu’?

Yohanes 8:21

Yesus nopugaumo toha ne mie bhahi ambano, “Mada kaowu akumala, hintimiu umondofi kanauꞌomu tamaka tamomateomu weo dhosamiu, paise mooliomua maiꞌomu we kakalaꞌaku.”

Yohanes 8:24

Kapugauꞌakumo saꞌituini, ‘Hintimiu mateomu weo dhosamiu’, kapaꞌamo ane pae marasaeaꞌomu Idimo ini nekonando Idi ndumandoono, hintimiu mateomu weo dhosamiu.”

Yohanes 8:56

Weo dadino, amamiu Abraham nowula lalono naembali namoha oleo kahatoꞌaku, ingka daanumo nowohaemo bhe noꞌia sepaliꞌa lalono.”

Roma 11:25

Bhahitieꞌiku! Gaoku mpuu mandeꞌaaneomu patudhuno Lahataꞌala pataꞌo tipandeꞌaoꞌano, keana abhi wutomiu mie mande. Patudhuno Lahataꞌala peda aini: miendo Yahudi sigaꞌa dekatuꞌa fotu, tamaka katuꞌano fotu maitu nalumagi kaowu ampa kabhahindo mie suano Yahudi so maino ne Lahataꞌala nasumangkamo.