Matius 23:34 - Muna Southern Dialect

³⁴ Dadiꞌanomo, amohatokoomu: mada kaowu aetuduangkoomu ana-anabii, mie kotimbangi bhe pande-pande Kitabi. Andoa maitu sigaꞌa mongkodaomu bhe kumantaidaomu te sau salipu, sigaꞌa humambisiandaomu habuta weo lambu kasambaheaꞌa, maka umamba-ambadaomu dapontaala-ala ne amai kota.

Matius 23:34 Iomraidhean Croise

Matius 10:23

Ane damodee-deekoomu ne seꞌonu liwu, fileiꞌomu ne liwu sigaoꞌano. Amohatokoomu, kotu-kotuꞌu paeꞌo madaeꞌomu liwu-liwuno Israel mangkaiꞌeomua, Anano Manusia - Idimo ini - nahumatomo.

Matius 13:52

Ambano toha Yesus, “Dadiꞌanomo kotika pande Kitabi metahimano kafoinaꞌuno Kafopahintaꞌano Lahataꞌala, tapedamo kolambuno molimbano kahangkaeano maiꞌao ne kaenteiꞌano, nabuꞌou nangkodau.”

Matius 23:31

Tamaka hampano pugaumiu naꞌa, ingka akuiꞌemoomu hintimiu itu sampuꞌando mongkono ana-anabii.

Lukas 24:47

Nandoo dua notibuhi: weo neano Omputo Fosalamatino daefolele bhihita ne sabhaha bansano liwu putae dametompaꞌao dhosando maka Lahataꞌala naꞌumamponida. Bhihita anaꞌa damolelee natumanda we Yerusalem.

Yohanes 16:2

Hintimiu daꞌumeleꞌaangkoomu mesuaꞌomu lambu kasambaheaꞌa. Tadua nahumato tempono sasuka mie mongkokoomu kunaꞌendomo dofeompu ne Lahataꞌala.

Yohanes 20:21

Nopugaumo toha Yesus ambano, “Katohopono dadi so hintimiu! Pedamo Amaku notudu kanau, atudukoomu dua kumalaomu.”

Tula-tulando rasulu 1:8

Ampamo kaowu, nahumato nasumampu Rohino Lahataꞌala, hintimiu meꞌawaomu kuasa, maka membaliomu sakusiiku we Yerusalem, we kadieno Yudea, we kadieno Samaria ampa we tompano dhunia.”

Tula-tulando rasulu 11:27

Wakutuu anaꞌa nandoo dua seemie hodua anabii maiꞌaono we Yerusalem dohato we Antiokia.

Tula-tulando rasulu 12:2

Anoa netudu mie dopongko Yakobus kakutaꞌano Yohanes, dopongkoane kampue.

Tula-tulando rasulu 13:1

Wakutuu anaꞌa ne olotando umati marasaeano we Antiokia nandoo seemie hodua anabii bhe guru. Andoa naꞌa dokonada Barnabas, Simeon nekonando dua Niger, Lukius miendo Kirene, Menahem bhe Saulus. Menahem ini nandoo kahobuno dodambaꞌaane poowa-owa bhe kolaki Herodes.

Tula-tulando rasulu 14:19

Tamaka domaimo seemie hodua kamungkulaꞌindo Yahudi maiꞌaono te kotano Antiokia bhe Ikonium dowudhu mie bhahi datumai ne andoa. Paulus dobhatumbuliane kontu maka dobulue we simbalino kota, kunaꞌendomo nomatemo.

Tula-tulando rasulu 15:32

Yudas bhe Silas dotilentu dua anabii, dadiꞌanomo nompona dofoinaꞌu bhe dofekatangka lalondo bhahitieꞌi ne itu.

Tula-tulando rasulu 5:40

Pada anaꞌa rasulu maitu dofopesuadamo toha maka dopepekida bhe doꞌeleꞌaanda dafofoguhu damake neano Yesus. Pada amaitu dofolapadamo.

1 Korintus 2:6

Mahinggamo peda naꞌa, ne olotando mie toka motangkano kaparasaea insaodi tapugauꞌao dua wambano kapande. Ampamo kaowu kapande aini suano kapandeno dhunia ini, suano dua kapandedo mintahano kuasa ne dhamani aini, kapaꞌamo kuasando andoa ini naosali.

1 Korintus 3:10

Noposahataa bhe kadawuno Lahataꞌala newaꞌaono ne idi, aembalimo peda pandeno lambu kokapandeno, padamo afongkohae sandino, bhaindo mongkohano lambuno. Ampamo kaowu seemie-seemie tabeano nakodhaga mpuu weo kahadhaano naefoehe lambu te wawono sandi amaitu.

Kolose 1:28

Kristusmo ini nefebhihitaiꞌao mani ne sabhaha mie. Kosasawindo taefeꞌulaianda bhe tafoinaꞌuanda maiꞌao we totono lalo kotimbangino. Patudhu mani neanomo kosasawindo tamowada ne wiseno Lahataꞌala peda mie motangkano dadi weo totono lalondo, hampano doseꞌise bhe Kristus.

1 Tesalonika 2:16

Patudhundo daꞌumonto-ontomi kainsami keana taefolele Bhihita Metaa ne bansano liwu suano Yahudi keana dosalamati. Pedamo naꞌa dhosando tadotubha-tubhahimo kansuhu sampe nohato ne kakapoꞌano. Panda-pandano nokangkanaidamo mpuu amahano Lahataꞌala.

Ibrani 11:37

Andoa dobhatumbulianda kontu ampa domate, sigaꞌa dopokebhaanda kahakadhi bhe dopongkoanda kampue. Andoa dolili tadepakemo kulino dhumba tawa kulino membe mbali pakeando, dokae, dofodee-deeda bhe dosikisaada.

Powoha 11:10

Mie meateno we dhunia daoꞌiaꞌao matendo bhe naowula sepaliꞌa lalondo sampe dohame-hame bhe dopopaka-pakatuꞌao kawaꞌao, mbaꞌinomo kohoduando anabii maitu dosikisaa mpuu mie meateno we dhunia.