Matius 23:26 - Muna Southern Dialect

²⁶ Miendo Farisi mobuntono, fewaniuꞌomu kadeki we lalono kampohoꞌuꞌa itu maka we kundono naonggelamo dua.

Matius 23:26 Iomraidhean Croise

Matius 12:33

“Ane dopoindalo daeꞌawa bhakeno sau metaaꞌano, tabeano netaa dua puꞌuno. Ane miina naetaa puꞌuno, bhakeno miina dua naetaa. Kapaꞌamo sau dopandeꞌaane ne bhakeno.

Matius 14:8

Mbaꞌinomo kawudhuno inano, kalambe anaꞌa nopugau ambano, “Waꞌa kanau fotuno Yohanes Fokadiuno, datumeiꞌe ne tala; amalaemo dua aitu.”

Markus 7:4

Ane dosuli domaiꞌao we daoa, miinaꞌo kadeki naembali dohumaa, simbali padamo dofekanggela wutondo peda atorano agamando. Nobhahi dua adhati sigaoꞌano nefintahakindo, peda ibahano deꞌomesi kampohoꞌuꞌa, kampomaaꞌa bhe sabhaha katoka maiꞌaono ne tambaga.

Lukas 11:39

Tamaka Ompu nopugaumo ambano, “Hintimiu miendo Farisi fewaniuꞌomu kundono kampomaaꞌa bhe kampohoꞌuꞌa tamaka we totono lalomiu noponoꞌao kasaohi buku bhe podiu modai.

Lukas 6:45

Mie metaa nefolimba metaaꞌano nomaiꞌao ne kampebuniꞌano lalono metaaꞌano; mie modai nefolimba modaiꞌano. Kapaꞌamo tibhokaꞌano ne wiwi nolua nomaiꞌao weo totono lalo.”

2 Korintus 7:1

Bhahitieꞌiku timoasiꞌaono! Ampa aitu dotahimaemo sabhaha dhandi anaꞌa. Dadiꞌanomo fekangkilo kaitaomu wutontoomu ne sabhaha mefekahakuno mbadha bhe alusu. Ulei kaitaomu lalontoomu so nasumangkaꞌao kangkilono dadintoomu, hampano doteꞌi ne Lahataꞌala.

Ibrani 10:22

Hampano bhahi-bhahiꞌae naꞌa, haa kaitaomu domaꞌotiomu Lahataꞌala, weo kahelasino lalo bhe kaparasaea tumangka; wobhano handantoomu dofekangkiloemo, totono lalontoomu kumatanga-tangano nohempomo, ⸤ miinamo naekenda-kendaꞌao habu modai⸥ , mbadhantoomu nongkilomo mbaꞌinomo padamo dokadiuane oe moinda.

Yakobus 4:8

Fekamaꞌo wutomiu ne Lahataꞌala, maka Anoa namaꞌotikoomu dua. Hintimiu mie kodhosa, fekangkilo dadimiu. Hintimiu kohaꞌano totono lalo, fekamoinda totono lalomiu.