Matius 22:13 - Muna Southern Dialect

¹³ Nopugaumo omputo anaꞌa ne mieno ambano, ‘Tapuomu limano bhe aꞌeno maka ohoeꞌomu we simbali, weo doloma mposo. Ne naꞌa taꞌo kangkoꞌae bhe kuꞌino wangka.

Matius 22:13 Iomraidhean Croise

Matius 12:29

Ane damesuaki lambuno seemie moꞌosa maka dasumaohi buku kanandoono, tabeano datumapu kadeki kolambuno naꞌa. Mada aitu kaneꞌomo naembali darumampasi kanandoono.

Matius 13:30

Hunsaꞌanomo kohaahondaꞌae daꞌumende ampa metobheꞌa. Nahumato metobheꞌa, amugaumo ne tumobheno, ‘Foꞌonuomu kadeki dana itu, obho-obhoeꞌomu maka tawueꞌomu. Mada aitu foꞌonuomu gandum weo lambu kaenteiꞌano otiku.’ ’ ”

Matius 13:42

Kosasawindo naꞌa daꞌumohofida weo efino narakaa; ne naꞌa taꞌo kangkoꞌae bhe kuꞌino wangka.

Matius 13:50

Mie modai daꞌumohofida weo efino narakaa, ne naꞌa taꞌo kangkoꞌae bhe kuꞌino wangka.”

Matius 24:51

Bhatua anaꞌa namehaakebhae, kahukumuno napototoane bhe mie mehaaꞌulano. Ne naꞌamo taꞌo kangkoꞌae bhe kuꞌino wangka.”

Matius 25:30

Bhatua tapa kofahalaa itu, ohoeꞌomu we simbali, weo doloma mposo. Ne naꞌa taꞌo kangkoꞌae bhe kuꞌino wangka.’ ”

Matius 8:12

Tamaka so talaꞌano mie membalino umatino Lahataꞌala ⸤ miendo Israel, awuaꞌino Abraham⸥ , daꞌumohofida weo doloma mposo. Ne naꞌa taꞌo kangkoꞌae bhe kuꞌino wangka.”

Lukas 13:28

Wakutuu anaꞌa maka mohaomu Abraham, Ishak bhe Yakub bhe kosasawindo anabii weo Kafopahintaꞌano Lahataꞌala, gahaꞌa hintimiu daꞌumohokoomu we simbali, ne naꞌa taꞌo kangkoꞌae bhe kuꞌino wangka.

Yohanes 21:18

Amohatoko, kotu-kotuꞌu nandoo kahangkuno dadimu, kamandaꞌao wutomu aamua maka takalamo ampa kapoindalomu. Tamaka nahumato kumamungkula, monsoho limamu dakumatapuangkoe bhaindo maka daowako ne kaeateꞌa tapa nepoindalomu.”

Tula-tulando rasulu 21:11

Anoa nomaiꞌi kainsami maka noala kawaweno Paulus. Pada anaꞌa nokatapumo limano bhe aꞌeno wutono bhe nopugau ambano, “Ambano Rohino Lahataꞌala: Kokawaweno ini dakumatapue miendo Yahudi we Yerusalem nada aini, maka daowae ne limando mie suano Yahudi.”

Tula-tulando rasulu 7:54

Sadofetingke pugauno Stefanus naꞌa kamungkulaꞌi Sahano Agama pasae dokansuꞌue atendo sampe dokuꞌi bhe nau-naundo.

2 Tesalonika 1:9

Kahukumu so neꞌawando maitu o kabinasa suhue dhamani, maꞌanano daokodoꞌo maiꞌao ne wiseno Ompu bhe kuasano kumalabhiano.

2 Petrus 2:17

Mie mpahaguru-guruno itu pasadamo matano oe mokekeleno, pedaꞌidamo pakahawu nefololano kawea moꞌosa. Lahataꞌala tokamo nefontaa-ntaaꞌanda kaeateꞌa weo doloma mposo.

2 Petrus 2:4

Ingka endefiꞌini malaꞌekati kodhosano miina dalumapaa ne kahukumuno Lahataꞌala, tamaka noꞌohoda we narakaa. Andoa maitu nofopesuada weo kantie mohohondono, nofekataada ampa nahumato oleo so katibhotusiꞌando.

Yudas 1:13

Tapedamo ewo moꞌosa we teꞌi neowa buha, andoa ini dofotiwoha diundo timoambanoꞌaono. Andoa tapedamo dua kulipopo te lani tapa tumotono wawe. Lahataꞌala tokamo nefontaa-ntaaꞌanda kaeateꞌa weo doloma mposo ampa suhue dhamani.

Yudas 1:6

Feꞌulaiꞌeomu dua malaꞌekati lumimbakino kanteeno kuasando, sampe dohunsa kaeateꞌando. Malaꞌekati andoa ini nogogantuda Lahataꞌala weo kahohondo, nepakeanda hante suhue dhamani bhe notaamida ampa nahumato oleo bhalano so kafobhitahakiꞌa.

Powoha 21:27

Tamaka pae bhe giu moharamu so mesuaꞌano weo kota, tawa mie mehabuno timohakuno, tawa mie kopahano, mpahinomo andoa tibuhino nea weo Kitabindo Mie Dumadi, kitabinomo Anano Dhumba.