Matius 21:5 - Muna Southern Dialect

⁵ “Fohatodaomu mieno kotano Sion, ‘Ondoeꞌomu! Omputomiu nomaiꞌikoomu. Nomalu lalono, nosawi ne keledai, anano keledai meangkuno wowoꞌo.’ ”

Matius 21:5 Iomraidhean Croise

Matius 11:29

Tongkuomu wowoꞌoku ⸤ maꞌanano angkafi pahintaku⸥ bhe poguhuomu ne Idi, kapaꞌamo Idi ini netaa laloku bhe afekapanda Wutoku. Tetewei meꞌawaomu kalalesano lalo.

Matius 2:2

Andoa dofee-feena ambado, “Ne amai bhahaa omputo Yahudi kaneꞌo lumenteꞌano? Ingka tawohaemo kulipopo katandaino te mata oleo. Kamaiꞌa mani ini tatumaohaoꞌao somba mani ne Anoa.”

Matius 2:6

‘Betlehem, ne kadieno Yehuda, hintu kotu-kotuꞌu suano liwu fofoliuno kahobu ne olotando liwu bhalaꞌino ne kadieno Yehuda, hampano namaiꞌao ne hintu namehe seemie so neangka, Anoamo so mowano umatiku Israel.’ ”

Matius 21:6

Anaguhuꞌino maitu dokalamo, doangkafi peda netuduꞌaono Yesus.

Lukas 24:27

Pada peda maitu notalesaandamo tibuhino weo sabhaha Kitabi mulaoꞌaono Wutono, notanda ne Kitabino Musa ampa ne Kitabindo ana-anabii sigaoꞌano.

Yohanes 1:49

Ambano Natanael, “Guru, Hintu Anano Lahataꞌala, Hintumo Omputono Israel.”

2 Korintus 10:1

Idi, Paulus, bhe nemesaloku. Ambado miina aokado apugau ne wisemiu, aokado kaowu apugau ane apokodoꞌotiangkoomu. Aitu hampano kamaluno bhe kataano lalono Kristus,