Matius 21:37 - Muna Southern Dialect

³⁷ Panda-pandano kafeompuꞌa naꞌa notudumo anano. Weo fekihino, ‘Anaku ini daengatie.’

Matius 21:37 Iomraidhean Croise

Matius 21:36

Pada aitu kafeompuꞌa naꞌa notudumo dua bhatuano sigaoꞌano, sedhuluꞌa dua kabhahindo. Tamaka andoa ini dohabuda dua peda sabhangkaꞌindo maꞌinduluꞌano.

Matius 21:38

Tamaka gahaꞌa sadowoha anano kafeompuꞌando, kumahadhaano maitu dopugaumo sapada-pada andoa, ambado, ‘Ananomo ini so kohakuꞌaono kahunsaꞌaono. Dopongkoeꞌanaomu, neanomo kahunsaꞌaono somo intaodiomu.’

Matius 3:17

Tanotifetingkemo dua suaha nomaiꞌao te lani ambano, “Ainimo Anaku timoasiꞌaono, neposahasiꞌaono laloku.”

Markus 12:6

Pada aitu tamo seemie ndumandoono, anano kamoasiꞌaono sepaliꞌa. Panda-pandano notudumo anano maitu, weo fekihino, ‘Anaku ini tetewei daengatie.’

Lukas 20:13

Nokodukumo lalono kafeompuꞌa kokaampono naꞌa, ‘Kaowu aeafamo bhahaa? Ingka atumudumo anaku kamoasiꞌaoku ini, tetewei daengatie.’

Yohanes 1:18

Bhe naseemie miinaꞌo bhe mohano Lahataꞌala, mpahinomo Ana Kaenseemieno. Anoa ini nopototo bhe wutono Lahataꞌala bhe notai mpuu lalono ne Amano. Anoamo ini motiwohae ne intaodiomu.

Yohanes 1:34

Idi awohaꞌaomo wuntano mataku, dadiꞌanomo asakusiiane Anoamo ini Anano Lahataꞌala.”

Yohanes 3:16

Hampano kabhalano kanini kaasino Lahataꞌala ne dhunia ini, sampe nofowaꞌaomo Anano Kaenseemie, neanomo sasuka marasaeano ne Anoa pae nabinasaa, tamaka naeꞌawa dadi suhue dhamani.