Matius 21:31 - Muna Southern Dialect

³¹ Laꞌae bhahaa anaꞌi hoduano maitu mangkafino kapoindalono amando?” Dotobhoosimo mie andoa naꞌa ambado, “Membalino ai.” Ambano Yesus, “Amohatokoomu, kotu-kotuꞌu mealaꞌino sewa bhe karambole damaꞌindulu damesua weo Kafopahintaꞌano Lahataꞌala bhe hintimiu ini.

Matius 21:31 Iomraidhean Croise

Matius 12:50

Kapaꞌamo laꞌae mangkafino kapoindalono Amaku te surugaa, anoamo bhahitieku moꞌane, anoamo bhahitieku hobhine, anoamo dua inaku.”

Matius 18:3

bhe nopugau ambano, “Amohatokoomu, kotu-kotuꞌu ane pae bhaliiꞌomu fekihimiu maka membaliomu nada anaꞌi, pae mesuaꞌomua weo Kafopahintaꞌano Lahataꞌala.

Matius 20:16

Ambano toha Yesus, “Pedamo anaꞌa mie humatono mbuhumai sumuli damaꞌindulu, maꞌinduluno sumuli dambuhumai.”

Matius 21:30

Pada aitu amando naꞌa nopugaumo dua ne aino peda pugauno ne isano saꞌituini. Anano naꞌa tanotobhoosi, ‘Akiido akumalaa’, tamaka gahaꞌa nososo lasao nokala.

Matius 5:18

Amohatokoomu, kotu-kotuꞌu ane lani bhe dhunia paeꞌo naosalia, bhe nasehorofu tawa setanda tubhono agama Yahudi pae dua bhe so mosaliꞌano, ampa kosasawiꞌae nakoꞌula.

Matius 5:46

Ane moasiꞌaoꞌomu kaowu mie moasiangkoomu, so dua ae Lahataꞌala namonambokoomu? Ingka mahingga mie mesalono sewa dohabu dua peda naꞌa.

Matius 6:5

“Ane sumambaheaꞌomu koe nameda mie mehaaꞌulano. Andoa maitu doasiane dosambahea ngkaehe-ehe weo lambu kasambaheaꞌa bhe ne kampuna defewoha ne mie bhaindo. Amohatokoomu, kotu-kotuꞌu andoa maitu dotahimaemo ponambodo.

Matius 7:21

Suano kotika mie kumangkonano neaku, ‘Ompu! Ompu!’ so mesuano surugaa, tamaka mie mangkafino kapoindalono Amaku te surugaa.

Matius 9:9

Hato nokala nomaiꞌao ne itu, Yesus newohamo seemie nengkoha-ngkoha weo lambu kaesaloꞌa sewa. Neano mie anaꞌa Matius. Ambano Yesus, “Angkafi kanau.” Matius lasao noehe maka noangkafie.

Lukas 15:10

Amohatokoomu, nadamo dua anaꞌa malaꞌekatino Lahataꞌala daoꞌia hampano seemie kodhosa metompaꞌaono dhosano.”

Lukas 19:22

Ambano kafeompuꞌa naꞌa, ‘Bhatua modai, abhotusiko naposahataa bhe pugaumu itu. Ingka pandeꞌa kanaumo mie moꞌosano lalo, aeala tapa nehunsaku, akape ne kaampo tapa kamontisaꞌaku.

Lukas 7:29

Kosasawindo mie metingkeno pugauno naꞌa, notilentumo dua mealaꞌino sewa, doꞌuumbetimo patudhuno Lahataꞌala, hampano padamo doowa wutondo nokadiuda Yohanes.

Yohanes 3:3

Notobhoosimo Yesus ambano, “Amohatoko, kotu-kotuꞌu ane seemie pae sumuli nalumente, paise naoha Kafopahintaꞌano Lahataꞌala.”

Yohanes 3:5

Ambano Yesus, “Amohatoko, kotu-kotuꞌu ane seemie pae nalumente maiꞌao ne oe bhe Rohino Lahataꞌala, pae namesua weo Kafopahintaꞌano Lahataꞌala.

Tula-tulando rasulu 17:30

Ampa aitu Lahataꞌala miinamo napolentua bhe dhamanino kakabhohe-bhohendo manusia, sampe nofohatodamo kosasawindo manusia kosedhuniaꞌae ini dametompaꞌaomo podiu modaindo.

Roma 3:19

Tamaka dopandeꞌaaneomu bhahi-bhahiꞌae tibuhino weo Kitabino tubhono agama Yahudi mbali mie dumadino weo tubhono agama naꞌa. Pedamo anaꞌa kosasawindo manusia paemo dakowobhaa ⸤ dapotunduꞌao wutondo ne wiseno Lahataꞌala⸥ , kapaꞌamo kosedhuniaꞌae ini nabhotusie Lahataꞌala.

Roma 5:20

Katifosampuꞌano tubhono agama Yahudi, neanomo manusia damandeꞌao lalondo putae kaꞌalando dhulu kabhahi. Ampamo kaowu sedhuluꞌa kabhahino kaꞌalando manusia, sedhuluꞌa dua kapontalabhi-labhino rahamatino Lahataꞌala.

2 Petrus 3:9

Ompu miina naepoluntu-luntua namekakoꞌula dhandino, mahingga nandoo mie kofekihino peda naꞌa. Tamaka nosabahakikoomu, kapaꞌamo nokiido bhe so binasano, gaono kosasawindo manusia dametompaꞌao dhosando bhe dadumoli ne Anoa.