Matius 21:26 - Muna Southern Dialect

²⁶ Tamaka ane damugauꞌomu nomaiꞌao ne manusia, beano daoteꞌiomu mie bhahi, kapaꞌamo kosasawindo mie doabhi Yohanes maitu seemie anabii.”

Matius 21:26 Iomraidhean Croise

Matius 11:9

Kaowu kala meꞌondoomu ae we pandaso bhalano? Meꞌondoomu seemie anabii? Ingka anoamo, bhahamoa noliuꞌe anoa bhe seemie anabii.

Matius 14:5

Herodes gaono namongko Yohanes, tamaka noteꞌi mie bhahi, kapaꞌamo Yohanes doabhie seemie anabii.

Matius 21:11

Mie bhahi maitu dotobhoosi ambado, “Ainiꞌaemo anabii Yesus maiꞌaono we liwuno Nasaret, we kadieno Galilea.”

Matius 21:25

Nomaiꞌao ne amai bhahaa kuasano Yohanes nofokadiu? Nomaiꞌao ne Lahataꞌala bhahaa nomaiꞌao ne manusia?” Pada aitu dopuga-pugaumo sapada-pada andoa, ambado, “Ane damugauꞌomu nomaiꞌao ne Lahataꞌala tetewei namugau, ‘Noafa gahaꞌa miina marasaeaꞌaneomua?’

Matius 21:27

Pada aitu dotobhoosimo ne Yesus ambado, “Miina tamandeꞌaanea.” Ambano dua Yesus, “Ane peda itu, paise dua amohatokoomua kaengkohaꞌano kuasaku aehabu sabhaha timenteꞌaono maitu.”

Matius 21:46

Dadiꞌanomo dokopatudhu dahumakoe tamaka doteꞌi mie bhahi, kapaꞌamo mie bhahi maitu doabhi Yesus seemie anabii.

Markus 11:32

Tamaka koasi dua damugauꞌomu, ‘Nomaiꞌao ne manusia.’ ” Andoa doteꞌi mie bhahi hampano kosasawindo mie dokona Yohanes seemie anabii.

Markus 12:12

Nopalusi aitu kamungkulaꞌindo Yahudi maitu deꞌondofimo akala dahumako Yesus, hampano dopandeꞌaane kapalenda saꞌituini nokantibha andoa. Tamaka mbaꞌinomo doteꞌi mie bhahi, miina damafa-afaane, tadokalamo.

Markus 6:20

Kapaꞌamo Herodes padamo netudu mie dadhumagani Yohanes, mbaꞌinomo nomihikie, nopandeꞌaane Yohanes maitu mie metaa, mie mongkilo. Ane nopugau Yohanes, noasiane dua nofetingkee mahingga totono lalono miina nahumempoa.

Lukas 20:19

Pande-pande Kitabi bhe neangkaꞌindo imamu deꞌondofi akala dahumakoe, kapaꞌamo dopandeꞌaane kapalenda amaitu nokantibha andoa, tamaka doteꞌi mie bhahi.

Lukas 20:6

Tamaka ane dapugau nomaiꞌao ne manusia, kosasawindo raꞌeati dafobhatumbuliꞌao kontu, kapaꞌamo doparasaeaꞌe mpuu Yohanes maitu seemie anabii.”

Lukas 22:2

Neangkaꞌindo imamu bhe pande-pande Kitabi deꞌondofi dhala damongko Yesus tamaka pae daefemata-mataa, hampano doteꞌi mie bhahi.

Yohanes 5:35

Yohanes maitu tapedamo kantalea humende nokotilanga, hintimiu moꞌiaꞌaneomu tilangano, tamaka sebantaha kaowu.

Yohanes 9:22

Kapugauꞌando kamungkulano peda maitu doteꞌi miendo Yahudi, kapaꞌamo miendo Yahudi domafakaanemo sasuka kumonano Yesus maitu Mesias Omputo Fosalamatino, daꞌumeleꞌaanda damesua weo lambu kasambaheaꞌa.

Tula-tulando rasulu 5:26

Pada anaꞌa neangkando dhagano Lambuno Lahataꞌala bhe mieno dokala we Lambuno Lahataꞌala doꞌulei rasulu hoduano naꞌa. Rasulu ini miina damafa-afaꞌianda mbaꞌinomo doteꞌi mie bhahi, bhahaa dobhatumbuanda kontu.