Matius 21:15 - Muna Southern Dialect

¹⁵ Tamaka neangkando imamu bhe pande-pande Kitabi nohehewu sepaliꞌa lalondo dowoha sabhaha giu timenteꞌaono nehabuno Yesus maitu. Sedhuluꞌa dua kahehewuno lalondo mbaꞌinomo kaana-anaꞌi weo Lambuno Lahataꞌala dopokakei-kei ambado, “Hosana, sampuꞌano Daud!”

Matius 21:15 Iomraidhean Croise

Matius 20:24

Dofetingke peda naꞌa anaguhuꞌino ompuluno doꞌamahakimo sabhangkando hoduano sekakutano maitu.

Matius 21:23

Yesus nopesuamo toha weo Lambuno Lahataꞌala. Tangasano nofofoinaꞌu ne itu domaimo neangkaꞌindo imamu bhe kamu-kamungkulaꞌindo Yahudi dofeena ambado, “O ae gahaꞌa kaengkohaꞌano kuasa mehabu sabhaha timenteꞌaono maitu? Nofopooliko laꞌae bhahaa?”

Matius 21:9

Mie bhahi maꞌinduluno bhe mangkano kundo doꞌia-iaꞌe ambado, “Hosana, sampuꞌano Daud! Notibarakati humatono weo neano Ompu. Hosana, pudhi kaitaomu Ompu Lahataꞌala te wawono wawo!”

Matius 22:42

“Peda amai fekihimiua ne Mesias Omputo Fosalamatino maitu? Sampuꞌa laꞌae bhahaa?” Ambado, “Sampuꞌano Daud.”

Matius 26:3

Wakutuu aitu neangkaꞌindo imamu bhe kamungkulaꞌindo Yahudi dopohompu-hompu we lambuno Imamu Bhalano koneaꞌano Kayafas.

Matius 26:59

Neangkaꞌindo imamu bhe kosasawindo Sahano Agama deꞌondofi tingku pata kumotuꞌu, nomudaꞌao dabhotusi damongko Yesus.

Matius 27:1

Hato nomentae kosasawindo neangkando imamu bhe kamu-kamungkulaꞌindo Yahudi domafakamo damongko Yesus.

Matius 27:20

Tamaka neangkaꞌindo imamu bhe kamu-kamungkulaꞌi dowudhu mie bhahi daesalo namolimbaanda Barabas, maka Yesus damongkoe.

Matius 9:27

Yesus nofopansuhumo kala-kalano, gahaꞌa doangkafie dohodua kabunto bhe dekei-kei ambado, “Mobhela kainsami lalo, sampuꞌano Daud!”

Markus 11:18

Neangkaꞌindo imamu bhe pande-pande Kitabi dofetingke dua kadhadhia amaitu, maka deꞌondofi akala damongkoe. Andoa doteꞌie, mbaꞌinomo mie bhahi domenteane kafoinaꞌuno.

Lukas 20:1

Seꞌoleo Yesus nefoinaꞌu mie bhahi weo Lambuno Lahataꞌala bhe nofohatoanda Bhihita Metaa. Gahaꞌa dohatomo dua neangkaꞌindo imamu, pande-pande Kitabi bhe kamu-kamungkulaꞌindo Yahudi.

Lukas 22:2

Neangkaꞌindo imamu bhe pande-pande Kitabi deꞌondofi dhala damongko Yesus tamaka pae daefemata-mataa, hampano doteꞌi mie bhahi.

Lukas 22:66

Hato nomentae dosihompumo kamu-kamungkulaꞌindo Yahudi, neangkaꞌindo imamu bhe pande-pande Kitabi maka doowa Yesus te wiseno Sahano Agama.

Yohanes 11:57

Kapugauꞌando peda anaꞌa kapaꞌamo neangkaꞌindo imamu bhe miendo Farisi padamo defolimba pahinta, putae laꞌae so mohano Yesus tetewei damohatoda, mudaꞌao dahumakoe.

Yohanes 12:19

Dopugaumo miendo Farisi sapada-pada andoa ambado, “Ingka wohaꞌao wuntano matamiu, suanomo nepoolintoomua. Kosedhuniaꞌae doangkafimo Anoa.”

Yohanes 4:1

Miendo Farisi dofetingkemo mie mangkafino Yesus bhe nekadiuno nofoliuꞌemo kabhahino mangkafino Yohanes.

Yohanes 7:42

Ingka notibuhi weo Kitabi, o Mesias namaiꞌao ne sampuꞌano Daud, we liwuno Betlehem kaeateꞌanomo Daud endefiꞌini.”