Matius 21:11 - Muna Southern Dialect

¹¹ Mie bhahi maitu dotobhoosi ambado, “Ainiꞌaemo anabii Yesus maiꞌaono we liwuno Nasaret, we kadieno Galilea.”

Matius 21:11 Iomraidhean Croise

Matius 2:23

Dohato we Galilea deatemo ne seꞌonu kota koneaꞌano Nasaret. Pedamo naꞌa nokoꞌulaꞌao bhoasaono Ompu nefosampendo ana-anabii mulaoꞌaono anaꞌi amaitu, “Anoa dakumonae miendo Nasaret.”

Matius 21:10

Sanopesua weo kotano Yerusalem, mieno kota tadohialelemo ambado, “Laꞌae bhahaa mie aini?”

Matius 21:26

Tamaka ane damugauꞌomu nomaiꞌao ne manusia, beano daoteꞌiomu mie bhahi, kapaꞌamo kosasawindo mie doabhi Yohanes maitu seemie anabii.”

Matius 21:46

Dadiꞌanomo dokopatudhu dahumakoe tamaka doteꞌi mie bhahi, kapaꞌamo mie bhahi maitu doabhi Yesus seemie anabii.

Markus 6:15

Tamaka ambado sigaoꞌano, “Anoa ini anabii Elia!” Nandoo dua mugauno, “Anoa ini o anabii, nopototo bhe ana-anabii dhamani wawono.”

Lukas 13:33

Ampamo kaowu oleo itu, naewine bhe naefua tetewei amopansuhu kala-kalaku, kapaꞌamo miina namantasia seemie anabii damongkoe we simbalino kotano Yerusalem.

Lukas 24:19

Ambano Yesus, “O ae bhahaa?” Dotobhoosimo ambado, “Kadhadhiano Yesus miendo Nasaret. Anoa seemie anabii, pugauno bhe habuno nokokuasa weo pomatano Lahataꞌala bhe weo pomatano kosasawindo mie.

Lukas 7:16

Kosasawindo mie bhahi doteꞌimo bhe dopudhi Lahataꞌala ambado, “Seemie anabii bhalano notiumbamo ne wunta-wuntantoomu. Lahataꞌala nodongawimo umatino natumulumida.”

Lukas 7:39

Nowoha aitu, mieno Farisi bhasino Yesus naꞌa nokomuntumo we lalono, “Ane anoa ini kotu-kotuꞌu seemie anabii, tetewei namandeꞌaane laꞌae hobhine dumampasie ini, peda ae podiuno, ingka o mie kodhosa.”

Yohanes 1:21

Ambado toha, “Ane peda naꞌa, laꞌae gahaꞌa hintu ini? Bhahaa anabii Elia?” Tamaka Yohanes notobhoosi ambano, “Suano.” Ambado dua, “Hintumo bhahaa anabii neanta-antagi?” Ambano, “Suano.”

Yohanes 1:25

Andoa ini dofeenamo ne Yohanes ambado, “Ane hintu suano Mesias Omputo Fosalamatino, suano anabii Elia, suano dua anabii neanta-antagi, noafa dua fokadiuꞌao?”

Yohanes 4:19

Ambano hobhine anaꞌa, “Waompu, aitu apandeꞌaangkomo hintu ini seemie anabii.

Yohanes 6:14

Dowoha kaowu tanda timenteꞌaono nehabuno Yesus maitu, dopugaumo mie bhahi ambado, “Kotu-kotuꞌu Anoa ini anabii ⸤ nepodhandiꞌao weo Kitabi⸥ so humatono we dhunia ini.”

Yohanes 7:40

Seemie hodua ne olotando mie bhahi metingkeno pugauno maitu, dopugaumo ambado, “Anoa ini kotu-kotuꞌumo o anabii so humatono neanta-antagintoomu itu.”

Yohanes 9:17

Pada aitu dopugaumo toha ne mie kabunto saꞌituini ambado, “Ane fekihimu hintu, laꞌae mie amaitu, ingka padamo nofekantalea matamu?” Notobhoosimo, “Anoa seemie anabii.”

Tula-tulando rasulu 7:37

Anoamo dua ini mugauno ne miendo Israel, ‘Namada kaowu Lahataꞌala naefoeheangkoomu seemie anabii peda idi ini namaiꞌao ne bhahitieꞌimiu.’