Matius 20:26 - Muna Southern Dialect

²⁶ Tamaka hintimiu pae naembalia nada naꞌa. So moindalono membalino kabhala ne olotamiu, tabeano naꞌumondofao kafaraluundo mie bhaindo.

Matius 20:26 Iomraidhean Croise

Matius 20:27

So moindalono membalino mie neangka ne olotamiu, tabeano naembali bhatuando sigaoꞌano.

Matius 25:44

Andoa naꞌa datumobhoosi, ambado, ‘Waompu, saneafa bhahaa tawohako moꞌaho tawa nokekele wuꞌumu, membali mie humampe tawa miina kopakeaꞌa tawa mosaki bhahaꞌi titohongku maka miina taꞌumondofaangkoa?’

Matius 27:55

Ne itu dobhahi dua hobhine umondono se kodoꞌono. Andoa ini mangkafino Yesus domaiꞌao we Galilea mbali umondofaono kafaraluuno.

Markus 10:43

Nopoꞌala bhe hintimiu. So moindalono membalino kabhala, tabeano naꞌumondofao kadeki kafaraluundo mie bhaino.

Markus 10:45

Kapaꞌamo wutono Anano Manusia - Idimo ini - nomai pae naefeꞌondofaoa, tamaka nafoꞌondofao bhe nafowaꞌao inawano so katolosindo mie bhahi.”

Markus 9:35

Nengkoha kaowu, nosaliꞌidamo koompulu hoduando anaguhuꞌino, maka nofohatoda ambano, “Dopoindalo dembali so neangka tabeano dombuhumai, doꞌondofao kadeki kafaraluundo mie bhaindo.”

Lukas 18:14

Amohatokoomu, mie mealano sewa ini nosuli se lambuno nembalimo mie banara ne wiseno Lahataꞌala, tamaka seemieno miina. Kapaꞌamo sasuka mekalangkeno wutono namekapandae Ompu, sasuka mekapandano wutono namekalangkee.”

Lukas 22:26

Tamaka hintimiu pae naembali nada naꞌa. Mie nefokoisa foliuno kabhala tabeano nahumabu nada mie nefokoai, mie neangka tabeano naꞌumondofao kafaraluundo mie bhaindo.

Yohanes 18:36

Ambano Yesus, “Kafopahintaꞌaku suano ne dhunia ini. Ane kafopahintaꞌaku ne dhunia ini, teteweimo mieku dapoewangimo keana doowa kanau ne limando miendo Yahudi. Tamaka daanumo kafopahintaꞌaku suano ne dhunia inia.”

Tula-tulando rasulu 13:5

Sahatondo we kotano Salamis, defolelemo bhoasaono Lahataꞌala ne lambu kasambaheaꞌando miendo Yahudi. Yohanes nosabhangkada mbali kahambado.

2 Korintus 1:24

Koe fekihiomu insaodi tamosuhuangkoomu so neparasaeamiu, hampano notangkamo koehemiu weo kaparasaeamiu, tamaka gao mani dakumahadhaa dapoowa-owa so kaowulaꞌano lalomiu.

2 Timotius 1:18

Sio-siomo Ompu namosampuane rahamatino ne oleono kahatoꞌano. Ingka pandeꞌaane mpuu kabhalano kaꞌondofaono ne idi wakutuuno we Efesus endefiꞌini.

Filemon 1:13

Sakotuꞌuno gaoku aꞌumeleꞌaane we ini so umondofa kanau, kanggetumo dua wutomu, tangasano aeate weo katohongku ini hampano Bhihita Metaa.

Ibrani 1:14

Ingka o malaꞌekati maitu saneamo rohi meompuno ne Lahataꞌala, andoamo dua netuduno Lahataꞌala daꞌumondofao manusia so metahimano kasalamati.

1 Petrus 4:11

Ane seemie neowa kafoinaꞌu, naetaa napugau kanggetumo wambano wutono Lahataꞌala. Ane seemie nofoꞌondofao, naetaa namake kaꞌosa newaꞌaono Lahataꞌala, neanomo ne sabhaha nehabumiu Lahataꞌala damekakalabhiaꞌe namangka ne Yesus Kristus. Ingka Anoamo kokalabhiano bhe kokuasano ampa suhue dhamani. Amin.

1 Petrus 5:3

Koise habu wutomiu peda seemie kafeompuꞌa, tamaka membaliomu so sandahando umati.

Powoha 17:6

Awohamo dua hobhine amaitu nololanuꞌao heando umati mongkilo bhe mie mateꞌaono kaparasaeando ne Yesus nesakusiiꞌaondo. Awoha hobhine amaitu taꞌapokamente-mentemo.