Matius 20:19 - Muna Southern Dialect

¹⁹ Anoa damowae ne bansano liwu suano Yahudi, damele-elee, dahumambisiane habuta bhe dakumantaiꞌe te sau salipu. Tamaka ne katolu oleono namanu namaiꞌao ne mate.”

Matius 20:19 Iomraidhean Croise

Matius 12:40

Kapaꞌamo peda anabii Yunus neate weo handano kenta bhalano tolu oleo tolu alo, nadamo dua aitu Anano Manusia naeate we lalono wite tolu oleo tolu alo.

Matius 16:21

Notandamo wakutuu anaꞌa Yesus nofohatomo anaguhuꞌino mentalea-mentalea, putae Anoa tetewei nakumala we Yerusalem. Ne itu naobhahi naeꞌawa kakadee-dee maiꞌao ne kamungkulaꞌi, neangkaꞌindo imamu bhe pande-pande Kitabi. Andoa damongkoe, tamaka ne katolu oleono namanu namaiꞌao ne mate.

Matius 17:23

Andoa maitu damongkoe tamaka ne katolu oleono namanu maiꞌao ne mate.” Dofetingke peda naꞌa anaguhuꞌino nokompeaha sepaliꞌa lalondo.

Matius 27:26

Pada aitu gubernur nofolimbaandamo Barabas, tamaka Yesus dohambisiane habuta maka nowaꞌandae dakumantaiꞌe te sau salipu.

Matius 27:63

Ambado, “Waompu, tafeꞌulai pugauno fobhohe-bhoheꞌino maitu wakutuu nandoo nodadi. Ambano ne katolu oleono namanumo maiꞌao ne mate.

Markus 14:65

Pada aitu sigaꞌa dokapehasiemo, dodampu matano maka dotumbusie poowa dofeenae ambado, “O anabii, soba bhoto notumbuko laꞌae!” Sampe mie dhumagano detofalimo dua.

Markus 15:1

Nohaha kamentae neangkaꞌindo imamu, kamu-kamungkulaꞌi, pande-pande Kitabi bhe kosasawindo Sahano Agama noseꞌisemo fekihindo. Yesus dotapuemo maka doowae ne wiseno Pilatus.

Markus 15:15

Panda-pandano Pilatus nofolimbamo Barabas doꞌiaꞌao kaowu mie bhahi maitu. Pada aitu Yesus dohambisianemo habuta maka nowaꞌandae dakumantaiꞌe te sau salipu

Lukas 18:32

Kapaꞌamo Anano Manusia daowae ne limando mie tapa mandeꞌaono Lahataꞌala maka damele-elee, damekaꞌaebue bhe dakumapehasie.

Lukas 23:11

Notanda ne itu Herodes bhe tantaraꞌino dofekaꞌaebumo Yesus bhe doele-elee, pada anaꞌa dofokanaanemo dhubano kolaki maka dofosulie se Pilatus.

Lukas 24:46

Ambano toha, “Notibuhi peda ini: Mesias Omputo Fosalamatino tetewei naenamisi kakadee-dee bhe namanu maiꞌao ne mate ne katolu oleono.

Tula-tulando rasulu 2:23

Noposahataa bhe patudhuno bhe kalentuno Wutono, Lahataꞌala nobhotusiemo nofolapasaangkoeꞌomu. Tamaka hintimiu katahoeꞌomu ne bansando mie modai dokantaiꞌe te sau salipu bhe dopongkoe.

Tula-tulando rasulu 21:11

Anoa nomaiꞌi kainsami maka noala kawaweno Paulus. Pada anaꞌa nokatapumo limano bhe aꞌeno wutono bhe nopugau ambano, “Ambano Rohino Lahataꞌala: Kokawaweno ini dakumatapue miendo Yahudi we Yerusalem nada aini, maka daowae ne limando mie suano Yahudi.”

Tula-tulando rasulu 4:27

Nopokantibhamo bhe anaꞌa Herodes bhe Pontius Pilatus, mie maiꞌaono ne sabhaha bansano liwu bhe miendo Israel dohompumo ne kota ini dopugau-gau doewangi Yesus palima-limamu mongkilono, nesangkemu mbali Omputo Fosalamatino.