Matius 20:16 - Muna Southern Dialect

¹⁶ Ambano toha Yesus, “Pedamo anaꞌa mie humatono mbuhumai sumuli damaꞌindulu, maꞌinduluno sumuli dambuhumai.”

Matius 20:16 Iomraidhean Croise

Matius 19:30

Tamaka dabhahi mie maꞌinduluno sumuli dambuhumai, mbuhumaino sumuli damaꞌindulu.”

Matius 21:31

Laꞌae bhahaa anaꞌi hoduano maitu mangkafino kapoindalono amando?” Dotobhoosimo mie andoa naꞌa ambado, “Membalino ai.” Ambano Yesus, “Amohatokoomu, kotu-kotuꞌu mealaꞌino sewa bhe karambole damaꞌindulu damesua weo Kafopahintaꞌano Lahataꞌala bhe hintimiu ini.

Matius 22:14

Kapaꞌamo nobhahi tibhasino tamaka seendai kaowu tipilino.’ ”

Matius 7:13

Pesuaꞌomu ne fointo mosekeꞌano, kapaꞌamo neꞌewa fointo bhe nolalesa kaangkaꞌa humopeꞌano we narakaa, pakade dobhahi mie mangkaiꞌe.

Markus 10:31

Kapaꞌamo dabhahi mie maꞌinduluno sumuli dambuhumai, mie mbuhumaino sumuli damaꞌindulu.”

Lukas 14:24

Amohatokoomu, mie kabhao-bhaono nebhasi bhe naseemie paise bhe so menamisino otino hameku.’ ”

Lukas 15:7

Amohatokoomu, nadamo dua anaꞌa te surugaa daoꞌia hampano seemie kodhosa metompaꞌaono dhosano, nalumiuꞌe kaꞌiando mbaꞌinomo mie banara siua fulu sisiuano tapa maraluuno dametompaꞌao dhosando.”

Lukas 7:47

Dadiꞌanomo amohatoko, kabhalano kamoasiꞌaono ini nofotiwohaemo putae dhosano mobhahiꞌano maitu notiꞌamponimo. Tamaka o mie seendaiꞌano dhosa tiꞌamponiꞌano, seendai kaowu dua kamoasiꞌaono.”

Roma 5:20

Katifosampuꞌano tubhono agama Yahudi, neanomo manusia damandeꞌao lalondo putae kaꞌalando dhulu kabhahi. Ampamo kaowu sedhuluꞌa kabhahino kaꞌalando manusia, sedhuluꞌa dua kapontalabhi-labhino rahamatino Lahataꞌala.

Roma 8:30

Mie toka nepilino Lahataꞌala mpini kabhao-bhaono, andoamo dua nebhasino. Mie toka nebhasino maitu andoamo dua netahimano peda mie banara. Mie toka netahimano peda mie banara maitu, andoamo dua ⸤ so⸥ metahimano kakalabhiano Lahataꞌala.

Roma 9:30

Ane peda anaꞌa, damugauꞌomu dua nada amai? Ingka nada aini: bansano liwu suano Yahudi miina daꞌumulei lalondo so datitahimaꞌao peda mie banara ne Lahataꞌala, gahaꞌaitu notahimadamo Lahataꞌala peda mie banara. Katitahimaꞌando ini nengkoha ne kaparasaeando.

1 Tesalonika 2:13

Dadiꞌanomo, miina bhe katiehea taefoampe katumpuno lalo ne Lahataꞌala, mbaꞌinomo wakutuuno tafohatoangkoomu Bhihitano Lahataꞌala, fetingkeeꞌomu bhe tahimaeꞌomu. Bhihita aini miina mabhieꞌomu wamba maiꞌao ne manusia, tamaka mpuu-mpuuno bhoasaono Lahataꞌala. Ingka daanumo peda anaꞌa. Lahataꞌalamo ini kumahadhaano weo totono lalomiu marasaeano ne Kristus.