Matius 2:13 - Muna Southern Dialect

¹³ Dokundo mie mande maitu, malaꞌekatino Ompu nofotiwohamo wutono ne Yusuf, ambano, “Wanumo, wowoꞌo anaꞌi aitu bhe inano maka fileiꞌomu we witeno Mesir. Meateomu ne watu ampa amohatoko toha, kapaꞌamo anaꞌi aitu naꞌumondofie Herodes patudhuno namongkoe.”

Matius 2:13 Iomraidhean Croise

Matius 1:20

Gahaꞌa tangasano notimba-timbangi patudhuno maitu, malaꞌekatino Ompu nofotiwohamo wutono weo nifi. Ambano malaꞌekati maitu, “Yusuf, sampuꞌano Daud, koe moteꞌia mala Maria so mieno lambumu, kapaꞌamo anaꞌi newoowano itu nomaiꞌao ne Rohino Lahataꞌala.

Matius 10:23

Ane damodee-deekoomu ne seꞌonu liwu, fileiꞌomu ne liwu sigaoꞌano. Amohatokoomu, kotu-kotuꞌu paeꞌo madaeꞌomu liwu-liwuno Israel mangkaiꞌeomua, Anano Manusia - Idimo ini - nahumatomo.

Matius 2:12

Tamaka Lahataꞌala nofodhagada weo nifi keana dosuli we Herodes, dadiꞌanomo dosulimo we liwundo doangka ne kaangkaꞌa sigaoꞌano.

Matius 2:14

Yusuf lasao nowanu, nowowoꞌo anaꞌi amaitu bhe inano maka alo aitu dua dogampi we Mesir.

Matius 2:16

Sanopandeꞌao lalono gahaꞌa dobhohe-bhoheꞌie mie mande maitu, Herodes noꞌamaha sepaliꞌa. Dadiꞌanomo nofotudumo damongko kosasawindo anaꞌi moꞌane tapaꞌo kumapono haa taꞌu we Betlehem bhe liwu-liwu ne owano. Aini nopokantibha bhe wakutuu katiwohaꞌano kulipopo, peda nefeenaꞌaono ne mie mande naꞌa.

Matius 2:22

Pada anaꞌa Yusuf nofetingke Arkelaus, anano Herodes nololi amano nembali kolaki we kadieno Yudea. Dadiꞌanomo noteꞌi nasumuli we naꞌa. Gahaꞌa Ompu nofohato Yusuf weo nifi namansuhu we kadieno Galilea.

Tula-tulando rasulu 10:22

Ambado, “Notudu kainsami Kornelius. Kornelius ini seemie neangkando tantara, lalono nelaa bhe noteꞌi ne Lahataꞌala. Kosasawindo miendo Yahudi dopandeꞌaanemo dua kataano lalono. Anoa neꞌawa kafohato maiꞌaono ne Lahataꞌala nefosampeno seemie malaꞌekati mongkilono. Weo powohano naꞌa Lahataꞌala nofohato Kornelius daꞌumuleiko kumala we lambuno nametingkeꞌao pugaumu.”

Tula-tulando rasulu 10:7

Nokundo kaowu malaꞌekati pugauno ne anoa naꞌa, Kornelius nosaliꞌimo palima-limano dohodua bhe seemie tantara lumebeno, dhagano lambuno.

Tula-tulando rasulu 12:11

Hato nopandeꞌao lalono, Petrus nopugaumo, “Kaneꞌomo apandeꞌaane gahaꞌa nokotu-kotuꞌu o Ompu notudu malaꞌekatino namolapa kanau maiꞌao ne kuasano Herodes bhe patudhu modaindo miendo Yahudi.”

Tula-tulando rasulu 12:7

Tambaꞌomo seemie malaꞌekatino Ompu neehe-ehe ne owano Petrus, tilangano tanohehamo weo boloku aitu. Malaꞌekati naꞌa notofa-tofa oweano Petrus bhe nofowanue. Ambano, “Wanumo fekahimba!” Gahaꞌa hante ne limano Petrus tanosihundumo.

Tula-tulando rasulu 16:36

Mandeꞌaono lambu katohongku lasao nofosampe kaowilindo maitu ne Paulus, ambano, “Kabhalaꞌino kota doowili kanau amolimbakoomu. Dadiꞌanomo kalamoomu weo kabarakatino Ompu!”

Tula-tulando rasulu 5:19

Tamaka hato nohondo oleo, seemie malaꞌekatino Ompu nolengkasi fointono katohongku naꞌa maka nowowoꞌoda we simbali.

Tula-tulando rasulu 7:19

Omputo naꞌa noꞌakalai awuaꞌintoomu bhe nofodee-deeda. Nofosuhuda daꞌumohofi anaꞌi kahobundo domateꞌao. Patudhuno keana dolee.

Powoha 12:14

Hobhine aitu dowaꞌane panino bhoa bhalano so nalumolaꞌao te kaeateꞌano te pandaso bhalano. Ne itu dadumambaꞌaane natolu taꞌu setanga kaomponano, nakodoꞌo bhe ule anaꞌa.

Powoha 12:4

Sekatolu dawuꞌa kulipopo te lani nosohopianda lensino maka noꞌohofida we dhunia. Naga anaꞌa neehe-ehe ne wiseno hobhine so koanano maitu, patudhuno salenteno anano nadumoꞌue.

Powoha 12:6

Hobhine anaꞌa nofilei we pandaso bhalano, ne kaeateꞌa toka nefontaa-ntaano Lahataꞌala so anoa. Ne watu dadumambaꞌaane nasehewu haa moꞌono nomo fulu oleo kaomponano.