Matius 19:9 - Muna Southern Dialect

⁹ Amohatokoomu, ane seemie moꞌane nohunsa hobhineno, gahaꞌa hobhine maitu miina namonsule, maka nogaa dua bhe hobhine sigaoꞌano, moꞌane aitu nomonsule.”

Matius 19:9 Iomraidhean Croise

Matius 19:10

Dopugaumo anaguhuꞌino ambado, “Ane peda naꞌa koeatendo moꞌane bhe hobhineno, ingka selabhiꞌano koemo dogaaꞌa.”

Matius 19:8

Ambano Yesus, “Anabii Musa noꞌundaꞌaangkoomu humunsaomu hobhinemiu mbaꞌinomo katuꞌano fotumiu. Tamaka nandoo kabhao-bhaono miina nada naꞌa.

Matius 5:32

Tamaka ambaku Idi, ane seemie moꞌane nohunsa mieno lambuno gahaꞌa mieno lambuno maitu miina namonsule, ingka nehabuanemo dhala so namonsuleꞌao ane hobhine anaꞌa nogaa toha. Laꞌae gumaano bhe hobhine nehunsa, nomonsulemo dua.

Lukas 16:18

Sasuka humunsano hobhineno maka nogaa bhe hobhine sigaoꞌano mie aitu nomonsule, bhe sasuka gumaano bhe hobhine nehunsano moꞌaneno, mie aitu nomonsule dua.”

1 Korintus 5:1

Sakotuꞌuno nokolelemo bhihita putae ne olotamiu itu nandoomo habu tolauno kapokahaku. Ingka nandoo mie monsuleno bhe ina weeno. Mahinggamo mie pata mandeꞌaono Lahataꞌala miina daehabua podiu medando aitu.

1 Korintus 7:39

Seemie hobhine gumaano bhe katapuno kaomponano nodadi moꞌaneno. Ane nomate moꞌaneno, ingka nobebasi nagumaa dua bhe moꞌane nepoindalono, sumanomo mie marasaeano ne Ompu.

1 Korintus 7:4

Seemie hobhine miina nakokuasa ne mbadhano wutono tamaka nokuasaiꞌe moꞌaneno; pedamo dua itu seemie moꞌane miina nakokuasa ne mbadhano wutono tamaka nokuasaiꞌe hobhineno.