Matius 19:27 - Muna Southern Dialect

²⁷ Pada aitu Petrus notobhoosimo ne Yesus, ambano, “Insaodi ini tahunsaemo bhahi-bhahiꞌae maka taangkafi Hintu. O ae bhahaa so neꞌawa mania?”

Matius 19:27 Iomraidhean Croise

Matius 19:26

Yesus noꞌondoda bhe nopugau, “Uumbe daanumo, so manusia pae bhe kapoolia nakumadhadhiaꞌa peda amaitu, tamaka so Lahataꞌala miina bhe pata nemondoino.”

Matius 19:28

Ambano Yesus, “Amohatokoomu, kotu-kotuꞌu nahumato tempono dhunia buꞌou, Anano Manusia - Idimo ini - naengkoha-ngkoha ne kaengkohaꞌano omputo weo kakalabhiano. Ne naꞌa hintimiu toka mangkafi kanau, mengkohaomu dua te kaengkohaꞌa ompulu haa onuno somo mandeꞌaono ompulu haa onu sampuꞌano miendo Israel.

Matius 9:9

Hato nokala nomaiꞌao ne itu, Yesus newohamo seemie nengkoha-ngkoha weo lambu kaesaloꞌa sewa. Neano mie anaꞌa Matius. Ambano Yesus, “Angkafi kanau.” Matius lasao noehe maka noangkafie.

Markus 10:28

Maka ambano Petrus ne Yesus, “Ingka insaodi ini tapadaemo tahunsae bhahi-bhahiꞌae maka taangkafiko!”

Markus 2:14

Wakutuuno nolalo ne wiseno kantorino sewa, nowohamo Lewi anano Alfeus nengkoha-ngkoha we lalo. Yesus nopugaumo ne Lewi, “Mai, angkafimo Idi!” Pada aitu Lewi noehemo maka noangkafie.

Lukas 14:33

Pedamo dua anaꞌa hintimiu, laꞌae tapa mosipulino wutono maiꞌao ne sabhaha fehebuaꞌano, paise naembalia so anaguhuku.

Lukas 15:29

Tamaka tanotobhoosi ne amano ambano, ‘Ingka ntini taꞌu-taꞌumo afeompuniꞌiko, bhe nasepaku miina alumempagi pahintamu. Tamaka bhe naseꞌulu anano membe miina maꞌa kanau so ahumame-hameꞌao bhe sabhangkaꞌiku.

Lukas 18:28

Nopugaumo Petrus ambano, “Ingka insaodi ini tahunsaemo sabhaha fehebuaꞌa mani maka taangkafiko.”

Lukas 5:11

Pada dofoampe bhangkando te wite dohunsamo bhahi-bhahiꞌae maka doangkafi Yesus.

1 Korintus 1:29

Patudhuno keana bhe so sumangke-sangkeno wutono ne wiseno Lahataꞌala.

1 Korintus 4:7

Kapaꞌamo laꞌae bhahaa kumonako nofoliu kakofahalaamu bhe mie bhaimu? Kona kanaꞌeomu o ae ndumandooꞌano ne hintimiu itu tapa netahimamiu maiꞌao ne Lahataꞌala! Ane kotu-kotuꞌu bhahi-bhahiꞌae tahimaeꞌomu ne Lahataꞌala, noafa bhahaa sangke-sangkeꞌao wutomiu, kao-kaomo bhahi-bhahiꞌae maitu miina tumahimaeꞌomu?

Filipi 3:8

Suano kaowu taꞌo anaꞌa, tamaka kosasawiꞌae maitu akonaemo kahugi mpuu ane apototoane bhe neꞌawaku ampa aini: apopandeꞌao bhe Kristus Yesus Ompuku. Hampano Anoa kaengkohaꞌano kamanusiaku bhe habu metaaku madaꞌano ini ahunsaemo, akonaꞌidamo dua hewu, neanomo aꞌumawa Kristus,