Matius 19:22 - Muna Southern Dialect

²² Nofetingke peda naꞌa ana moꞌane maitu nosabhamo handano tanokala, kapaꞌamo nohangkaea sepaliꞌa.

Matius 19:22 Iomraidhean Croise

Matius 13:22

Wine mondawuꞌano weo kahoku kokihi, maꞌanano mie metingkeno bhoasaono Lahataꞌala, tamaka nobhahi dofekihi so kadadiꞌando bhe nobhohe-bhoheꞌida kahangkaeano dhunia. Kosasawiꞌae naꞌa nopesua weo totono lalondo noꞌontiꞌi bhoasaono Lahataꞌala sampe miina nakohasilia.

Matius 14:9

Kolaki Herodes nopea lalono, tamaka hampano padamo nofemata ne wisendo humatono, nofopahintangimo tetewei damaꞌane.

Matius 16:26

O ae fahalaano seemie manusia naeꞌawa kosasawiꞌae kahangkaeano dhunia ini tamaka namiinae inawano? Nalumoliane ae bhahaa inawano maitu?

Matius 19:21

Ambano Yesus, “Ane moindalo nasumangka dadimu, kalamo asopi sabhaha fehebuaꞌamu, olino dawu-dawuandae mie mokae maka suli meꞌawa fehebuaꞌa te surugaa. Mada anaꞌa maimo angkafi kanau.”

Matius 19:23

Nopugau toha Yesus ne anaguhuꞌino, “Amohatokoomu, kotu-kotuꞌu kaꞌali maka mie hangkaea namesua weo Kafopahintaꞌano Lahataꞌala.

Matius 6:24

Miina bhe bhatua dohodua kafeompuꞌano. Ane nada naꞌa tetewei seemiea nabansie, seemie namasiane, tawa nokampuu-mpuu lalono ne seemieno maka seemieno miina nakumonaꞌi miea. Hintimiu pae naembalia meompuomu ne Lahataꞌala bhe ne kahangkaeano dhunia.”

Markus 10:22

Nofetingke pugauno Yesus naꞌa, nobatalamo lalono, lasao nokala. Nosabha handano mbaꞌinomo nohangkaea sepaliꞌa.

Markus 6:26

Nofetingke kamesalono naꞌa Herodes nobhela sepaliꞌa lalono, tamaka nokiido natumagaliea, kapaꞌamo padamo nofemata ne wisendo mie bhahi.

Lukas 18:23

Nofetingke pugau anaꞌa mie aitu nokompeaha sepaliꞌa lalono hampano nohangkaea sepaliꞌa.

Yohanes 16:20

Amohatokoomu, kotu-kotuꞌu mada kaowu hintimiu moꞌaeꞌomu, mekaꞌuleiꞌomu tamaka dhunia naoꞌia. Daanumo mosabhaomu, tamaka kasabhamiu itu naembali kawulano lalo.

Efesus 5:5

Tandaiꞌeomu kotu-kotuꞌu: mie pokawite-witeno, mie pokahaku bhe mie kumadau-dauno pae namantasia daeala dawu weo kafopahintaꞌano Kristus bhe Lahataꞌala. O kakadau-dau ini ingka nopototo bhe desombai barahala.

Kolose 3:5

Dadiꞌanomo fekamateeꞌomu weo totono lalomiu sabhaha fekihino dhunia: podiu tampahasa bhe pokahaku, o nafusuu bhe kapoindalo modai bhe kakadau-dau, kapaꞌamo o kakadau-dau ini ingka nopototo bhe desombai barahala.