Matius 19:21 - Muna Southern Dialect

²¹ Ambano Yesus, “Ane moindalo nasumangka dadimu, kalamo asopi sabhaha fehebuaꞌamu, olino dawu-dawuandae mie mokae maka suli meꞌawa fehebuaꞌa te surugaa. Mada anaꞌa maimo angkafi kanau.”

Matius 19:21 Iomraidhean Croise

Matius 16:24

Pada peda maitu Yesus nopugau ne anaguhuꞌino, “Laꞌae maka so mangkafi kanau tabeano nahumunsa kafaraluuno wutono, natumongku sau salipuno ⸤ maꞌanano doꞌunda mahingga damate⸥ maka namangkafi kanau.

Matius 19:20

Ambano ana moꞌane anaꞌa, “Kosasawiꞌae naꞌa apadaemo adhalangiea. Taꞌo dua ae nekaemiku?”

Matius 19:22

Nofetingke peda naꞌa ana moꞌane maitu nosabhamo handano tanokala, kapaꞌamo nohangkaea sepaliꞌa.

Matius 19:28

Ambano Yesus, “Amohatokoomu, kotu-kotuꞌu nahumato tempono dhunia buꞌou, Anano Manusia - Idimo ini - naengkoha-ngkoha ne kaengkohaꞌano omputo weo kakalabhiano. Ne naꞌa hintimiu toka mangkafi kanau, mengkohaomu dua te kaengkohaꞌa ompulu haa onuno somo mandeꞌaono ompulu haa onu sampuꞌano miendo Israel.

Matius 4:19

Yesus nopugauandamo ambano, “Mai angkafi kanauꞌomu, amoguhukoomu so mebuanino manusia.”

Matius 5:48

Dadiꞌanomo tabeano nasumangka totono lalomiu, peda Amamiu te surugaa.”

Matius 8:22

Tamaka Yesus notobhoosi, “Angkafi kanau, hunsaꞌanomo mie mate dakumobuhu mie mate bhaindo.”

Matius 9:9

Hato nokala nomaiꞌao ne itu, Yesus newohamo seemie nengkoha-ngkoha weo lambu kaesaloꞌa sewa. Neano mie anaꞌa Matius. Ambano Yesus, “Angkafi kanau.” Matius lasao noehe maka noangkafie.

Markus 10:21

Noꞌondo mie amaitu, Yesus noasiane maka nopugau ambano, “Tasehonda nekaemimua! Sulimo, asoe sabhaha fehebuaꞌamu, olino dawu-dawuandae mie mokae, maka meꞌawa arataa te surugaa. Mada anaꞌa maimo angkafi kanau.”

Markus 2:14

Wakutuuno nolalo ne wiseno kantorino sewa, nowohamo Lewi anano Alfeus nengkoha-ngkoha we lalo. Yesus nopugaumo ne Lewi, “Mai, angkafimo Idi!” Pada aitu Lewi noehemo maka noangkafie.

Markus 8:34

Pada aitu Yesus nosaliꞌimo mie bhahi bhe anaguhuꞌino maka nopugau ambano, “Ane dopoindalo damangkafi kanau, tetewei dahumunsa kapoindalondo wutondo. Mada anaꞌa datumongku sau salipundo ⸤ maꞌanano doꞌunda mahingga damate⸥ maka damangkafi kanau.

Lukas 12:33

Asopieꞌomu fehebuaꞌamiu maka dhoino waꞌandae mie mokae! Mehabuomu kadu-kaduno dhoi so tapa molusaꞌano, maꞌanano kahangkaea te surugaa tapa mowoowolono. Kahangkaea anaꞌa paise nahumatoe kasibu, paise dua naomaaꞌe faa.

Lukas 14:33

Pedamo dua anaꞌa hintimiu, laꞌae tapa mosipulino wutono maiꞌao ne sabhaha fehebuaꞌano, paise naembalia so anaguhuku.

Lukas 16:9

⸤ Ambano toha Yesus⸥ Amohatokoomu, pakeomu kanandoono dhunia ini so posabhangkaomu mie bhaimiu, neanomo pae kaowu nakofahalaa kanandoono dhunia ini, hintimiu nandoo dua datumahimakoomu weo lambu kadadiꞌa suhue dhamani.”

Lukas 18:22

Nofetingke peda naꞌa Yesus nopugaumo ambano, “Tadua sehonda so nedhalangimua, asoe sabhaha fehebuaꞌamu, olino dawu-dawuandae mie mokae maka meꞌawa arataa te surugaa. Mada anaꞌa maimo angkafi kanau!”

Lukas 5:27

Pada aitu Yesus nokalamo nohunsa kota amaitu. Gahaꞌa nowohamo seemie mealano sewa nengkoha-ngkoha ne kantorino sewa. Neano Lewi. Yesus nopugauanemo ambano, “Mai angkafi kanau!”

Lukas 6:40

Seemie anaguhu miina namoliuꞌea gurunoa, tamaka nopooli kaowu nepoguhuꞌaono nopototomo bhe guruno.

Lukas 9:23

Kosasawindo nofohatodamo ambano, “Laꞌae maka so mangkafi kanau tabeano nahumunsa kafaraluuno wutono, natumongku sau salipuno seꞌo-seꞌoleo ⸤ maꞌanano doꞌunda mahingga damate⸥ maka namangkafi kanau.

Yohanes 10:27

Dhumbaku dotandaiꞌe suahaku, Idi apandeꞌaanda, andoa doangkafi kanau.

Yohanes 12:26

Laꞌae so umondofa kanau, tetewei namangkafi kanau. Ne amai kahatoꞌaku, ne ituꞌaemo dua so kahatoꞌano anoa. Laꞌae so umondofa kanau namosibhalae Amaku.

Tula-tulando rasulu 2:45

Sadhia nandoo dua masono fehebuaꞌano maka olino dopodawu-dawue ampa kafaraluuno seemie-seemie.

Ibrani 10:34

Padamo dua menamisiomu kapeano lalondo mie netohongku. Wakutuuno arataamiu dorampasie, tatahimamoomu weo kawulano lalo, hampano pandeꞌaaneomu bhe arataamiu lumiuꞌe kakesa so motahano ampa suhue dhamani.