Matius 18:7 - Muna Southern Dialect

⁷ Nobalaamo mieno dhunia mehabuno tingkuno dhosa. Daanumo tingkuno dhosa sadhia nonandoo, tamaka nobalaamo mie humabue.

Matius 18:7 Iomraidhean Croise

Matius 16:23

Yesus nodolimo maka nopugau ne Petrus, “Gampi hintu seetani! Hintu onto-ontomi kanau, kapaꞌamo fekihimu suano fekihino Lahataꞌala, tamaka fekihino manusia.”

Matius 26:24

Daanumo Anano Manusia - Idimo ini - tetewei namate peda tibuhino weo Kitabino anabii. Tamaka nobalaamo mie so mowano Anano Manusia ne limando kaewa. Mie anaꞌa netaamo koemo nolentea.”

Markus 13:7

Ane metingkeomu popahisaꞌa bhahaꞌi meꞌawaomu bhihitano popahisaꞌa, koemo notikendaa handamiua. Ingka kosasawiꞌae maitu tetewei nakumadhadhia, tamaka suanoꞌo dua kafetompaino dhamani.

Lukas 17:1

Nopugaumo Yesus ne anaguhuꞌino ambano, “Tingkuno dhosa tetewei nandumandoo, tamaka nobalaamo mie mehabuno tingkuno dhosa naꞌa.

Yohanes 17:12

Tangasano apobhaianda, adambaꞌaanda weo kuasano neamu kawaꞌaomu ne Idi. Idi adhaganida, sampe bhe naseemie miina bhe binasano, mpahinomo anoa toka nefotantu so binasano, somo nokoꞌulaꞌao tibuhino weo Kitabino anabii.

Tula-tulando rasulu 1:16

“Bhahitieꞌiku, teteweimo nokoꞌula tibuhiꞌano weo Kitabi. Maꞌanano, kafohatono Rohino Lahataꞌala ne anabii Daud wawo-wawo, mulaoꞌaono Yudas, nokoꞌulamo. Yudas ini neangkando mie humakono Yesus.

1 Korintus 11:19

Ingka nokesa itua nandoo powengke-wengkeꞌa ne olotamiu itu! Ane paise, nada amai natipandeꞌao laꞌae kumampuu-mpuuno weo kaparasaeano?

1 Timotius 6:1

Miendo sarani membalino bhatua, tabeano namabhi kafeompuꞌano mie mantasino meꞌawano kafosibhala, keana neano Lahataꞌala bhe kafoinaꞌuntoomu damekaꞌaebue mie.

Titus 2:5

dakotimbangi, naongkilo totono lalondo, dakokoso daꞌumondofao polambudo, naetaa lalondo bhe daeangka ne moꞌanendo. Ane dadumadi nada naꞌa, pae bhe mie ⸤ we simbalino umati⸥ so mekandidikino bhoasaono Lahataꞌala.

Titus 2:8

pugaumu tabeano nabanara sampe pae bhe kapoolia damoꞌalako. Ane nada anaꞌa kaewamu tadaoambanoꞌaomo wutondo, hampano miina bhe modaiꞌano so dafoꞌumbuꞌao.

Yudas 1:4

Kapaꞌamo nonandoo mie mekase-kasepeno ne olotamiu itu. Andoa itu mie modai mebhansu-bhansuleno bhihitano rahamatino Lahataꞌala nembali kasalawando damolua nafusuundo. Andoa dogagai Yesus Kristus, Kafeompuꞌa bhe Omputo Kaseemie-mieꞌano. Mpini wawono kahukumu so andoa ini toka notibuhi weo Kitabi.