Matius 17:5 - Muna Southern Dialect

⁵ Tangasano Petrus nopugau, tanosikaolumidamo olu nentalea sepaliꞌa. Nomaiꞌao weo olu naꞌa notifetingkemo suaha ambano, “Ainimo Anaku timoasiꞌaono, neposahasiꞌaono laloku, fetingkeeꞌomu pugauno.”

Matius 17:5 Iomraidhean Croise

Matius 12:18

⸤ Ambano Lahataꞌala⸥ “Ainimo katudu nepiliku, nemoasiꞌaoku, neposahasiꞌaono laloku. Rohiku atumeiꞌe we lalono, Anoamo so mefoleleno tubhono kasalamati ne sabhaha bansano liwu.

Matius 17:6

Dofetingke peda naꞌa, anaguhuꞌino defodapa ne wite, doteꞌi sepaliꞌa.

Matius 3:17

Tanotifetingkemo dua suaha nomaiꞌao te lani ambano, “Ainimo Anaku timoasiꞌaono, neposahasiꞌaono laloku.”

Markus 1:11

Notifetingkemo dua suaha nomaiꞌao te lani ambano, “Hintumo Anaku timoasiꞌaono, Hintumo mekaꞌiano laloku.”

Markus 9:7

Gahaꞌa nokaolumidamo olu, maka nomaiꞌao weo olu maitu notifetingkemo suaha ambano, “Ainiꞌaemo anaku nemoasiꞌaoku. Fetingkeeꞌomu pugauno.”

Lukas 3:22

maka Rohino Lahataꞌala nosampu te wawono nokatu futeꞌo. Tanotifetingkemo dua suaha nomaiꞌao te lani, ambano “Hintumo Anaku timoasiꞌaono, Hintumo posahasiꞌaono laloku.”

Yohanes 3:16

Hampano kabhalano kanini kaasino Lahataꞌala ne dhunia ini, sampe nofowaꞌaomo Anano Kaenseemie, neanomo sasuka marasaeano ne Anoa pae nabinasaa, tamaka naeꞌawa dadi suhue dhamani.

Yohanes 3:35

Amano noasiꞌao Anano sampe kosasawiꞌae kuasa nofopuliemo ne Anano.

Yohanes 5:37

Amaku tumudu kanau, Anoamo sumakusii kanau. Hintimiu miina metingkeomu suahano, miina dua mohaomu ulano.

Tula-tulando rasulu 1:9

Pada nopugau peda naꞌa, notisangkemo ne wisendo; sampe noꞌontomie olu maka miina damohaea.

Tula-tulando rasulu 7:37

Anoamo dua ini mugauno ne miendo Israel, ‘Namada kaowu Lahataꞌala naefoeheangkoomu seemie anabii peda idi ini namaiꞌao ne bhahitieꞌimiu.’

Efesus 1:6

Nopantasimo mpuu damekakalabhia Lahataꞌala, kapaꞌamo nofotohaiꞌao kanini kaasino noangka ne Anano kamoasiꞌaono.

Kolose 1:13

Lahataꞌala nofosalamati kaita maiꞌao weo kuasano kahohondo maka nofogampi kaita weo kafopahintaꞌano Anano kamoasiꞌaono.

Ibrani 5:9

Nosangka kaowu dadino, Yesus nembalimo meowano kasalamati suhue dhamani so kosasawindo mie meangkano ne Anoa.

Powoha 1:7

Ondo kaitaomu, Anoa nahumato te olu kapute bhe sabhaha mie daohae, mahinggamo andoa mada kumahadae. Kosasawindo bansano liwu ne dhunia ini daoꞌaefie. Uumbe mpuu. Amin.

Powoha 14:14

Awohamo dua gahaꞌa bhe olu ngkapute, te wawono nengkoha-ngkoha seemie pasae Anano Manusia nefokana songkono omputo maiꞌao ne bulawa. Neintaha semata kapulu kokanggai so katobheꞌa, nohoko sepaliꞌa.