Matius 17:20 - Muna Southern Dialect

²⁰ Ambano Yesus, “Mbaꞌinomo nokuha kaparasaeamiu. Dadiꞌanomo amohatokoomu, kotu-kotuꞌu ane kaparasaeamiu namooli nada onuno sau wonoita, naembali pugauꞌomu ne kabhawo aini, ‘Gampi maiꞌao ne ini’, maka kabhawo aitu tetewei nagumampi. Pakade, paemo dua bhe so tapa nepoolimiu.

Matius 17:20 Iomraidhean Croise

Matius 13:31

Pada anaꞌa nefohatoandamo dua kapalenda sigaoꞌano, ambano, “Kafopahintaꞌano Lahataꞌala tapedamo dua onuno sau wonoita seꞌonu noalae seemie maka nohooꞌe te kaampono.

Matius 14:29

Ambano Yesus, “Maimo padaa!” Dadiꞌanomo Petrus nosampumo nomaiꞌao ne bhangka maka nokala te wawono oe napoꞌawaꞌao Yesus.

Matius 17:17

Nopugaumo Yesus ambano, “Pahasili hintimiu, mie tapa marasaeano bhe kolilinono totono lalo! Tana seꞌae gahaꞌa beano so kaomponano aeate bhe hintimiu? Tana seꞌae bhahaa so sabahaku? Owaeꞌomu se ini anaꞌi itu!”

Matius 17:19

Pada aitu anaguhuꞌino domaimo ne Yesus. Hato tadomoisa, dofeenaemo ambado, “Noafa bhahaa ingka insaodi miina tamooliea tafolimba seetani saꞌituinia?”

Matius 17:9

Wakutuuno dosampu domaiꞌao te kabhawo naꞌa, Yesus nopugauandamo ambano, “Koise mekapunaꞌaoꞌomu newohamiu saꞌituini ne laꞌae maka dua. Simbali Anano Manusia - Idimo ini - namanumo namaiꞌao ne mate, maka naembali mekapunaomu ne mie sigaoꞌano.”

Matius 21:21

Ambano Yesus, “Amohatokoomu, kotu-kotuꞌu ane marasaeaꞌomu bhe paise poibhahaomu, tetewei mooliomu dua mehabuomu peda nehabuku ne puꞌuno ara maitu. Bhahamoa suano kaowu taꞌo anaꞌa, tamaka mahingga pugauꞌomu ne kabhawo aini, ‘Sangke wutomu maka oho wutomu we teꞌi’, tetewei nakumadhadhia.

Matius 8:26

Yesus tanopugau ambano, “Noafa gahaꞌa moteꞌiꞌaoꞌomu? Kakuhano maka kaparasaeamiu!” Pada anaꞌa nowanumo, nobhoohai kawea bhe oeno teꞌi maitu. O teꞌi lasao nolinto.

Markus 11:22

Notobhoosimo Yesus ambano, “Parasaeaꞌomu ne Lahataꞌala.

Markus 11:23

Amohatokoomu, kotu-kotuꞌu ane dopugau ne kabhawo aini, ‘Sangke wutomu maka oho wutomu we teꞌi’, tetewei nakumadhadhia, sumanomo koe nopoibhaha lalondo, tamaka doparasaea pugaundo maitu nakoꞌula.

Markus 4:31

Kafopahintaꞌano Lahataꞌala tapedamo onuno sau wonoita seꞌonu nehoo ne wite. Onuno wonoita ini wine foliunomo kahobu ne dhunia ini.

Markus 9:23

Notobhoosi Yesus, “Noafa gahaꞌa pugauꞌao, ‘Ane moolie’? Sumanomo doparasaea, o ae maka dua tetewei dopoolie!”

Lukas 1:37

Kapaꞌamo so Lahataꞌala miina bhe pata nepoolino.”

Lukas 17:6

Ambano Ompu, “Ane kabhalano kaparasaeamiu nada onuno wonoita seꞌonu, naembali pugauꞌomu ne puꞌuno ara ini, ‘Buna wutomu maka tisa wutomu we teꞌi’, puꞌuno sau maitu tetewei namangkafi pugaumiu.”

Lukas 18:27

Ambano Yesus, “Tapa nemondoino manusia, nomondoiꞌe Lahataꞌala.”

Yohanes 11:40

Ambano Yesus, “Ingka padamo afohatoko, ane marasaea omoha kakalabhiano Lahataꞌala.”

1 Korintus 12:9

Seemieno nowaꞌane kapooli foliuno kamatangka kaparasaeano, o Rohimo dua aitu fowaꞌaono. Seemieno nowaꞌane kapooli naefekaꞌosa mie mosaki, o Rohimo dua anaꞌa fowaꞌaono.

1 Korintus 13:2

Mahinggamo aeꞌawa kapooli akosuaha peda anabii, alumosangie sabhaha rahasia bhe amandeꞌaane sabhaha kapande, namatangka kaparasaeaku sampe naembali aefogampi kabhawo, tamaka ane pae bhe kanini kaasiku, ingka miina bhe faha-fahalaakua.

Ibrani 3:19

Dadiꞌanomo dolosangiemoomu putae pata kapesuaꞌando hampano miina damarasaeaꞌa.