Matius 16:20 - Muna Southern Dialect

²⁰ Pada nopugau peda naꞌa noꞌeleꞌaandamo anaguhuꞌinoa daekapu-kapuna ne laꞌae maka dua putae anoa maitu Mesias, Omputo Fosalamatino.

Matius 16:20 Iomraidhean Croise

Matius 1:16

Yakub nokoanaꞌao Yusuf, moꞌaneno Maria. Maria koanaꞌaonomo Yesus nekonando Kristus.

Matius 16:16

Notobhoosimo Simon Petrus ambano, “Hintumo Mesias, Omputo Fosalamatino, Anano Lahataꞌala dumadino ⸤ suhue dhamani⸥ .”

Matius 17:9

Wakutuuno dosampu domaiꞌao te kabhawo naꞌa, Yesus nopugauandamo ambano, “Koise mekapunaꞌaoꞌomu newohamiu saꞌituini ne laꞌae maka dua. Simbali Anano Manusia - Idimo ini - namanumo namaiꞌao ne mate, maka naembali mekapunaomu ne mie sigaoꞌano.”

Matius 8:4

Ambano toha Yesus, “Tandaiꞌe, koise mekapu-kapuna ne laꞌae maka dua, ampamo kaowu kalamo fotiwoha wutomu ne imamu. Namada aitu meowa kapopanga ne Lahataꞌala peda neowiliꞌaono anabii Musa, so netandaindo mie bhahi putae hintu moꞌosamo.”

Markus 8:30

Tamaka Yesus noꞌeleꞌaanda sepaliꞌa daekapuna ne mie sigaoꞌano laꞌae Anoa maitu.

Markus 9:9

Wakutuuno dosampu maiꞌao te kabhawo Yesus nofohatodamo ambano, “Koise mekapunaomu ne mie sigaoꞌano newohamiu saꞌituini. Sembali Anano Manusia - Idimo ini - namanumo namaiꞌao ne mate maka naembali mekapunaomu ne mie sigaoꞌano.”

Lukas 2:11

Sealo itu we kotano Daud nolentemo so hintimiu Omputo Fosalamatino, Ompu Kristus.

Lukas 9:21

Tamaka Yesus noꞌeleꞌaandamo sepaliꞌa daekapuna ne laꞌae maka dua.

Lukas 9:36

Pada dofetingke suaha naꞌa, anaguhuꞌino dowohamo Yesus tanomoisa. Kadhadhia aini doforahasiaꞌe, miina sepaliꞌa daetula-tulaane newohando naꞌa ne laꞌae maka dua.

Yohanes 1:41

Andreas ini lasao noꞌondofi Simon kakutaꞌano bhe nofohatoe ambano, “Insaodi padamo tapoꞌawa bhe Mesias.” (Mesias nopototo bhe Kristus, maꞌanano Omputo Fosalamatino).

Yohanes 1:45

Filipus noꞌondofimo Natanael maka nofohatoe, “Insaodi padamo tapoꞌawa bhe mie nepulaoꞌaono anabii Musa weo Kitabino bhe nepulaoꞌaondo anabii sigaoꞌano. Neano Yesus, anano Yusuf nomaiꞌao we liwuno Nasaret.”

Yohanes 11:27

Ambano Marta, “Uumbe Waompu, aparasaea Hintumo Mesias Omputo Fosalamatino, Anano Lahataꞌala so humatono ne dhunia ini.”

Yohanes 20:31

Ampamo kaowu kosasawiꞌae ini padamo dobuhie neanomo hintimiu ⸤ mebasano bhe metingkeno⸥ marasaeaꞌomu putae Yesus maitu Omputo Fosalamatino, Anano Lahataꞌala; neanomo dua hampano kaparasaeamiu ne Anoa meꞌawaomu dadi.

Tula-tulando rasulu 2:36

Dadiꞌanomo kosasawindo miendo Israel tabeano mandeꞌaaneomu kotu-kotuꞌu putae Yesus nosangkeemo Lahataꞌala nembali Ompu bhe Mesias, Omputo Fosalamatino. Yesus ini padamo kantaiꞌeomu te sau salipu.”

1 Yohanes 2:22

Laꞌae bhahaa kopahano naꞌa? Ingka o mie gumagaino putae Yesus suano Omputo Fosalamatino nedhandiꞌaono Lahataꞌala. Mie amaitu o kaewano Kristus, nokiido naꞌumakui Amantoomu bhe Anano.

1 Yohanes 5:1

Mie marasaeano putae Yesus maitu Omputo Fosalamatino, mie aitu anaꞌinomo Lahataꞌala. Ane doasiꞌao amano ingka teteweimo dua doasiꞌao anaꞌino.